Добавить объявление
;;
;;
Все рубрики » Транспорт
VIP Объявления
Как разместить VIP объявление
;|
Бесплатная торговая площадка Армении
Այսօր Հակոբ Պարոնյանի ծննդյան 169-ամյակն է

  Այսօր հայ մեծ գրող-երգիծաբան՝ Հակոբ Պարոնյանի ծննդյան 169 ամյակն է: Հակոբ Պարոնյանը ծնվել է Թուրքիայի եվրոպական մասի Ադրիանապոլիս քաղաքում 1843 թվականին: Տարրական կրթությունն ստացել է ծննդավայրի Արշակունյաց վարժարանում: Նա համարվում է 19-րդ դարի երկրորդ կեսի հայ գրականության, հատկապես ռեալիստական արձակագրության ամենանշանավոր դեմքերից մեկը: Սկյուտարի վարժարանում աշխատելիս Պարոնյանը ծանոթանում է բանաստեղծ Սիմոն Ֆելեկյանի հետ և նրա առաջարկով սկսում է աշխատակցել «Եփրատ» թերթին՝ հետագայում դառնալով նրա խմբագիրը: Այդպես է սկսվում մեծ երգիծաբանի մուտքը լրագրության և հրապարակախոսության աշխարհ:  Պարոնյանի ստեղծագործական կյանքում վճռական դեր է կատարում նրա ծանոթությունը Հարություն Սվաճյանի և նրա «Մեղու» հանդեսի հետ: Կարճ ժամանակ աշխատակցելով «Մեղու»ն՝ նա այնուհետև ստանձնում է շաբաթաթերթի խմբագրությունը: Պարբերականի քննադատական ուղղվածությունն ավելի է սրվում, որը և պատճառ է դառնում իշխանությունների կողմից նրա փակվելուն:  Պարոնյանի լավագույն ստեղծագործությունները լույս են տեսել այս պարբերականներում: Նա գրեթե մենակ էր լցնում իր խմբագրած թերթերի ու հանդեսների էջերը: Դա տառապալից աշխատանք էր: Բայց կամքի գերագույն լարումով նա հաղթահարում էր հոգեկան ու ֆիզիկական զրկանքները՝ խորապես հավատացած լինելով, որ սերունդներին թողնում է գրական անմահ ժառանգություն:  Կյանքի վերջին տարիներին կարիքը մեծ երգիծաբանին ստիպում է նորից անցնել հաշվապահի հոգեմաշ աշխատանքին: Բայց հյուծող հիվանդությունը՝ թոքախտը, արդեն վերջնականապես քայքայել էր նրա օրգանիզմը: Պարոնյանը վախճանվում է 1891թ. մայիսի 27ն՝ սերունդներին թողնելով իր անմահ ստեղծագործությունները՝ «Մեծապատիվ մուրացկաններ», «Քաղաքավարության վնասները», «Պաղտասար աղբար», «Պտույտ մը Պոլսո թաղերու մեջ» և այլն, որոնք այսօր էլ ընթերցվում են որպես ժամանակակից գործեր և զարդարում են հայ բեմը:    ՝ neo   Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝  
Մադոննա. «Ես բութ, դատարկախոս ապո՞ւշ եմ»

  Ամերիկացի փոփ երգչուհի Մադոննայի` Չիլլիում համերգային շրջագայությունը ընթացել է երգչուհու և ծխող երկրպագուների միջև տեղի ունեցած կոնֆլիկտային իրավիճակում: Սանտյագոյում շոու ծրագրից առաջ քամու հոսանքը դահլիճում կուտակված ծխախոտի ծխի ամպը փչել է երգչուհու վրա: Դա խիստ զայրացրել է երգչուհուն և նա ասել է. «Հիմա ոմանք ծխում են այստեղ: Մի´ ծխեք,- պահանջել է Մադոննան,- եթե շարունակեք ծխել, ես ելույթ չեմ ունենա»: Տեղացի մաչոները շարունակել են անվրդով ծխել, իսկ փոփ աստղը ձեռքով ցրել է իր շուրջը կուտակված ծխի ամպը և ցասումով լի բղավել. «Դուք թքա՞ծ ունեք ինձ վրա, այդ դեպքում ես էլ թքած ունեմ ձեր վրա: Դե ինչ՞, ուզում եք խաղա՞լ այս խաղը: Լավ: Ես չեմ կատակում: Ես չեմ կարող երգել, քանի դեռ դուք ծխում եք: Entiendes? (իսպ.` հասկանո՞ւմ եք)»: Ապա պատասխան չստանալով` շարունակել է. «Դուք նայում եք ուղիղ դեմքիս եւ շարունակում եք ծխել, կարծես ես բութ, դատարկախոս ապուշ եմ»: Բավական երկար ժամանակ վրդովված էր փոփ աստղը: Բարեբախտաբար շուտով երկրպագուները ծխախոտները հանգցրեցին, եւ շոուն բարեհաջող մեկնարկեց:   ՝ galatv.   Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝  
Ստեղծվել է 2.5 տոննա կշռող սառցե զգեստ

  Տակեո Օկամոտո անունով դիզայները ստեղծել է 2.5 տոննա կշռող սառցե զգեստ: Զգեստի ստեղծման մտահղացումն առաջացել է «Նարնիայի քրոնիկները» ֆիլմից: Արտասովոր զգեստի լուսանկարը հրապարակվել է TWELV ամսագրում «Ձյունե թագուհին» վերնագրով հոդվածի մեջ: 2416 կիլոգրամ կշռող զգեստը սառցարանում քանդակել է 3 մարդ, իսկ այն տեղափոխելու համար անհրաժեշտ է եղել 13 մարդու օգնությունը: Լրագրողներն ընդամենը 30 րոպե ժամանակ ունեին այն լուսանկարելու համար` նախքան զգեստի հալվելը:   `   Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝     
Խուլիո Իգլեսիասը դուետով հանդես կգա Հաիթիի նախագահի հետ

  Հանրահայտ երգիչ Խուլիո Իգլեսիասը Հաիթիին նվիրված բարեգործական համերգ կտա, որի ժամանակ կերգի այդ երկրի նախագահ Միշել Մարտեյիի հետ, հայտնում է Utro-ն։ Հավաքված գումարը կփոխանցվի Հաիթիում 2010թ. ավերիչ երկրաշարժից տուժածներին օգնության հիմնադրամին։ Համերգը տեղի կունենա Դոմինիկյան Հանրապետությունում, դեկտեմբերի 28ն։ Իգլեսիասը նախագահի հետ 2 երգ կերգի, սակայն թե որ երգերը, չի նշվում։ Հիշեցնենք, որ Հաիթիում 2010թ. երկրաշարժի հետևանքով զոհվել էր մոտ 230 000 մարդ, մոտ 3 մլն-ը տուժել էր։   `tert.   Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝     
Սիրուշո. Շուտով նոր տեսահոլովակ

    Սիրուշոն տեղեկացրել է իր երկրպագուներին, որ շուտով նրանց կներակայացնի նոր տեսահոլովակ: Facebook-յան իր էջում երգչուհին գրում է. «Երևի արդեն գիտեք, որ նկարահանում ենք տեսահոլովակ: Երեկ նկարահանման երրորդ օրն էր: Արդեն մեկ ամիս է, ինչ շնչելու ժամանակ չունեմ. իմ ողջ ուշադրությունը և կենտրոնացումը մի գաղափարի շուրջ է, որը ինձ շատ խորն է ոգեշնչել: Այդ գաղափարը վերածվում է երաժշտության, պատկերի և շարժման. բավականին բարդ աշխատանք և միևնույն ժամանակ շատ հաճելի: Հուսով եմ կստացվի ճիշտ մատուցել բոլոր պատկերացումներս....»: Երգչուհու դիմահարդար Ագա Քանքանյանը փոքրնչ բացել է փակագծերը, ասելով, որ տեսահոլովակում Սիրուշոն հանդես կգա մի քանի կերպարներով և որ դիմահարդարումը առանձնահատուկ է ստացվել: Տեսահոլովակը ամենայն հավանակաությամբ եթերում կլինի դեկտեմբեր ամսին:     ` artisto.     Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝    
Ծովախոզուկը գինեսի ռեկորդակիր.

  Ծովախոզուկի 48 սանտիմետրանոց թռիչքը գրանցվել որպես ռեկորդ:     Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝  
ՍԵՐԳԵՅ ԴԱՆԻԵԼՅԱՆ. ԵՍ ՀԱՅ ՏՂԱՄԱՐԴ ՉԵՄ, ԵՍ ՈՒՂՂԱԿԻ ՏՂԱՄԱՐԴ ԵՄ ԵՎ ՀԱՅ

  Haytniner. կայքի հերթական հարցազրույցը սիրված դերասան Սերգեյ Դանիելյանին է նվիրված: Նա, մարմնավորելով մի շարք դերեր, հայ հանդիսատեսին է գերել  հատկապես <<Վերվարածներն ընտանիքում>> հեռուստասերիալի իր <<Մեծ մամե>> կերպարով. այն հարցին, թե որպես հայ տղամարդ, ինչպիսին կցանկանար տեսնել  Սերգեյ Դանիելյանը հայ կնոջ կերպարը և արդյո՞ք համապատասխանում է այսօրվա հայ կինը ավանդապաշտ հայ կնոջ կերպարի հետ, պատասխանեց, -  <<Ես հայ տղամարդ չեմ, ես ուղղակի տղամարդ եմ և հայ եմ, դրանք երկուսն էլ տարբեր են, իսկ <<հայ կին>> ասված, ինձ համար այդպիսի <<բրենդ>> չկա, բոլոր կանայք նույնն են  և ունեն այն, ինչ որ ունեն  աշխարհի մնացած կանայք: Ինձ համար բացարձակապես կապ չունի կինը ավանդապաշտ է, թե` ոչ, կինը կին է: Ես շատ նորմալ միջավայրում եմ մեծացել, ոչ մի հիվանդագին ավանդապաշտություն, ազգայնամոլություն չունեմ, իմ շրջապատում այդպիսի մարդիկ չկան, համենայն դեպս ինձ հետաքրքիր չեն նրանք, աշխատում եմ ինձ հեռու պահել նման մարդկանցից՝ <<նարկոտիկներից>>, լրբությունից, ավանդապաշտությունից>>:  Խոսելով սերիալների մասին` պարոն Դանիելյանն ավելացրեց. <<Սերիալներն էսթետիկ ճաշակ բարձրացնելու և մարդկանց մեծագույն հաճույք պատճառելու համար չեն, այդպիսի բարձր պահանջներ սերիալների վրա դրված չեն, պարզապես մենք ենք, որ <<գյորմամիշի>> պես ուզում ենք տեսնել սերիալներից այնպիսի մեծ բաներ, որոնք չկան, դա նման է նրան, որ համեմատենք շտապ օգնության առաջին օգնությունը ստացիոնար բուժօգնության հետ, դրանք տարբեր բաներ են>>: Ս. Դանիելյանը սերիալների հետ կապված գեղեցիկ համեմատություն արեց. <<Սերիալները նման են արևածաղկի սերմերին, եթե դու սոված ես՝ հաց ես ուտում, այլ ոչ թե արևածաղկի սերմեր՝ չմտածելով, թե ում հետ կերար, ինչքան կերար>>: Իսկ ի՞նչ են տալիս այսօրվա հայկական սերիալները հանդիսատեսին, նա պատասխանեց <<Ովքեր սերիալ են նայում,  նրանց  ինչ որ բան տալիս է, իսկ ով ունի ավելի բարձր պահանջներ, նայում է կինոներ, որոնք Հայաստանում այսօր գրեթե չեն նկարվում>>:  Այն հարցին, որ եթե օտար երկրում վաստակեիք հազարապատիկ անգամ ավել գումար,  արդյոք կապրեի՞ք Հայաստանից դուրս, Սերգեյ Դանիելյանն պատասխանեց, որ աշխատում է միաժամանակ ոչ միայն Հայաստանում, այլ նաև օտար երկրներում և այնտեղ մնալու խնդիր չկա,  նա ավելացրեց. <<Ես ապրում եմ Հայաստանում և շատ եմ սիրում Հայաստանը՝ այն Հայաստանը, որը ես եմ պատկերացնում, տեսնում: Ինձ համար Հայաստանը մարդիկ են, ում հետ ես շփվում եմ>>:  Եվ վերջապես այն հարցին, թե ինչ կփոխանցեիք հայ հանդիսատեսին, Ս. Դանիելյանը պատասխանեց, որ չունի ինչ որ բան փոխանցելու. <<Ես ունեմ իմ հանդիսատեսը և գիտեմ, որ հոկտեմբերի 11ն իմ հանդիսատեսը գալու է կամերային թատրոն՝ դիտելու հերթական իմ ներկայացումը>>: Նյութը պատրաստեց՝ Տիգրան Հակոբյանը
Հայաստանի դառը իրականության մասին ֆիլմը՝ Մոնրեալի միջազգային կինոփառատոնում. Montreal Gazette VIDEO

  Այսօր կեզրափակվի Մոնրեալի վավերագրական ֆիլմերի միջազգային փառատոնը, որի շրջանակներում ցուցադրվել է Մառլեն Էդոյանի «Figure d’Armen» վավերագրական ֆիլմը, հայտնում է Montreal Gazette-ը:   Ֆիլմը պատմում է Լիբանանում ծնված հայերի մասին, «որոնք երբեք չեն հրաժարվել իրենց հայկական ժառանգությունից»: Ֆիլմը Մառլենի ուղևորությունն է Հայաստան և հայկական համայնքներով հարևան երկրներ:   Ըստ հոդվածագրի՝ ֆիլմում ցուցադրված է, թե ինչ բարդ կացության մեջ են մարդիկ Հայաստանում: «Շատերի ատամները վատ վիճակում են՝ հավանաբար այն պատճառով, որ իրենց չեն կարող թույլ տալ նորոգել դրանք»:   Ֆիլմի հերոսները ասում են, որ իրենց երեխաները արտասահմանում են՝ արտագնա աշխատանքի: «Լավ է դրսում ապրուստ վաստակել, քան սովից մեռնել հայրենիքում», - նկատում է աղբյուրը:   Ֆիլմը հագեցած է նաև հետաքրքիր երաժշտությամբ: MG-ն առանձնացնում է հատկապես մի դրվագ, որում հերոսը երգում է՝ շուրթերի արանքում ածելի:     ՝ tert.   Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝