Besplatnoetut.ru

НОВОСТИ ОТ Besplatnoetut.ru

Հռիփսիմե ԽՈՒՐՇՈՒԴՅԱՆԸ ՃԱՀԻ՞ՃՆ է ընկել

  Asekose. և ՄԵԳԱՊՈԼԻՍ ԱՄՍԱԳՐԻ հարցերին պատասխանում է  Օլիմպիական խաղերի ծանրամարտի բրոնզե մեդալակիր Հռիփսիմե Խուրշուդյանը: -Մարդիկ, որոնց բացակայությունը Ձեր կյանքում չեք պատկերացնում: -Ծնողներս:   -Դեպք, որը չէիք ցանկանա ջնջվեր Ձեր հիշողությունից: -Ամուսնությունս, 2012 թվականի Լոնդոնի օլիմպիական խաղերը և ինձ համար այնքան սպասված բրոնզե մեդալը:   -Ըստ Ձեզ, ո՞րն է հաջողության հասնելու գաղտնիքը: -Գործում լինել խելացի:   -Մի պահ ենթադրենք, որ մարդիկ ունենում են մի քանի կյանք. Ձեր հաջորդ կյանքում ո՞վ կամ ի՞նչ կցանկանայիք լինել: -Առայժմ չեմ ուզում պատկերացնել ինձ հաջորդ կյանքում, դեռ այս կյանքս պետք է ապրեմ: Համենայն դեպս, մինչ օրս ինչ ցանկացել եմ ստացել եմ:   -Ի՞նչը կարող է Ձեզ ստիպել ուրախության աստիճան արտասվել:  -Մարզական բոլոր իմ հաղթանակները:  Իսկապես, ոչ մի հաղթանակից հետո  չեմ կարողանում թաքցել արցունքներս:   -Կարո՞ղ եք հիշել` որն է եղել Ձեր մանկության ամենամեծ վախը: -6 տարեկան էի, մի անգամ քրոջս  ծաղիկ էի ուզում նվիրել, բայց այնպես ստացվեց, որ ծաղիկը ճահիճի մյուս կողմում էր .... հենց այդպես էլ հայտնվեցի ճահճում:  Սկզբում այն ինձ ուղակի կանաչ տարածություն թվաց, բայց երբ մի քանի քայլ առաջ գնացի` միանգամից հայտնվեցի դրա մեջ, սարսափելի էր:   -Ձեր բնավորության գծերից ո՞րը կցանկանայիք նվիրել Ձեր թշնամուն: -Ոչինչ էլ չէի ցանկանա նվիրել:  Եթե մի բանի  անունը թշնամի է, էլ ոնց կարելի է նվեր անել:   -Ծանրաձողը բարձրացնելուց վարկյաններ առաջ ի՞նչ եք մտածում: -Միայն մեկ բան` վարժությունը ճիշտ կատարելու մասին:   -Աշխատասիրություն թե՞ ընդունակություն. այս երկու որակներից ո՞րն եք նախընտրում: -Աշխատասիրություն:   -Ձեր մասին երբևէ լսած ասեկոսեներից ո՞րն է Ձեզ ամենից շատ զայրացրել և ո՞րը` զվարճացրել: -Ասեկոսեներին հիմնականում ուշադրություն չեմ դարձնում: Բայց վերջերս իսկապես շատ էի զայրացել: Օլիմպիական խաղերից հետո, մեր թերթերից մեկում փնովում էին ծանրամարտի հավաքականին և անդրադառնալով ինձ՝ մասնավորապես գրել էին, որ իմ բախտը բերել է, քանի որ իմ կորեացի մրցակիցը վնասվածք ստացավ և չշարունակեց պայքարել: Բայց մի բան հաշվի չէին առել, որ կորեացին ինձանից 50 կգ ավելի էր կշռում և նաև այն, որ ես խաղերից առաջ բարդ վիրահատության էի  ենթարկվել:   -Օլիմպիական բրոնզե մեդալակրի նվիրական երազանքը: - Օլիմպիական ոսկե մեդալ:   -Կա՞ այնպիսի մի հայտնի ասացվածք, կամ թևավոր խոսք, որը Դուք ընտրել եք որպես կյանքի ուղեցույց:  -Պայքարել ու երբեք չհանձնվել:   -Կարողանում  ե՞ք արագ վերականգնվել պարտություններից հետ: -Այո շատ արագ, դրա վառ ապացույցն էլ Օլիմպիական բրոնզե մեդալն էր: Աշխարհի առաջնությունում` վնասվածքից հետո, շատ արագ վերականգնվեցի: Շատերը ինձ ասում էին, որ չեմ կարող մասնակցել Օլիմպիական խաղերին, որը կրկնակի լարվածություն էր ինձ համար: Բայս ես չլսեցի ոչ-ոքի իմ մեջ կամքի ուժ գտա և կարողացա անել այն`ինչ արեցի:   -Մարդկային արժեքներից ո՞րն է առաջնային Ձեզ համար:    -Պարզությունը և անկեղծությունը:   -Եթե կարողանայիք ձեր ուղեղից անվերադարձ ջնջել մեկ հիշողություն, ո՞րը դա կլիներ:      -2011թվականին Փարիզում՝ մեծահասակների աշխարհի առաջնության ժամանակ, լուրջ վնասվածք ստացա: Այդ մրցումներից էր կախված օլիմպիական խաղերի ուղեգիր ձեռք  բերելը: Երբ վնասվածք ստացա, այլևս չկարողացա պայքարել մեդալի համար, կցանկանայի հենց դա անվերադարձ ջնջվեր իմ հիշողությունից:   -Գիրք կամ ֆիլմ, որը Ձեզ ստիպել է արտասվել:   -Հիշում եմ, երբ կարդացի «Մուսա լեռան քառասոն օրը» իսկապես շատ տպավորված էի, իսկ ֆիլմերից շատ եմ սիրում «Արտույտների ագարակը», որը մեծ ազդեցություն է թողել ինձ վրա և ստիպել է արտասվել:   Հեղինակ` Գոհար ՓԻԼԻՊՈՍՅԱՆ   ՝ asekose.   Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝  
Անգլերենում ամենաերկար բառը պետք է արտասանել 3.5 ժամ.

  Ամենաերկար անգլերեն բառը բաղկացած է 189, 919 տառից և նրա արտասանության համար պահանջվում է 3,5 ժամ, տեղեկացում է ABC լրատվականը: Ամենաերկար բառը օրգանական միացություններից մեկի անվանումն է: Այն սկսվում է մեթիոնիլ-ով և 3,5 ժամ հետո ավարտվում իզոլեյցին-ով: Այդ սպիտակուցը հայտնի սպիտակուցների մեջ ամենամեծն է և շատ կարևոր դեր է խաղում մկանների կրճատման գործընթացում:     `shshyan.   Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝     
Ռիհանան մերկացավ

      Մինչ շատ աստղեր գլուխ էին ջարդում, թե ինչ հագնեն Հելոուինին, Ռիհանան որոշեց ցնցել հանրությանը եւ մերկանալ, միայն թե՝ տարվա «ամենասարսափելի» տոնի հաջորդ օրը։ Հանրությանը ցնցումների ենթարկելու սիրահար երգչուհին առավոտյան սոցցանցի իր էջում տեղադրել է մերկ լուսանկար, որի վրա նրա հագուստի միակ կտորը… քողն է եղել։ Ռիհանան ձեռքով թեթեւակի ծածկել է կրծքերը, ինչը, սակայն չի թաքցրել սեքս-բոմբի հաճելի կլորությունները եւ կրծքի տակ եղած դաջվածքը։ Քողը հավանաբար մնացել էր գիշերային խրախճանքից հետո։ Ինչպես հաղորդում է yahoo – ն, Ռիհանան ողջ գիշեր անց է կացրել Հոլիվուդի արեւելյան մասում գտնվող Graystone's Supper Club –ում։ «Հաջորդ առավոտ… Ողջույն նոյեմբեր», - հենց այսպիսի գրություն է եղել լուսանկարի տակ։     `       Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝           
Ի՞նչ ուտել, եթե ցանկանում եք հղիանալ

      Քննարկումներ այն մասին, թե արդյոք սնունդը կարող է որևէ կերպ անդրադառնալ հղիանալու գործընթացի վրա, վաղուցվա պատմություն ունեն: Բնական է` այս հարցի պատասխանը չի կարող ամբողջապես դրական լինել, բայց ապացուցված է՝ որոշակի սննդակարգ կա, որը այնուամենայնիվ կարող է նպաստել հղիանալուն: Հիշարժան է, որ հստակ սննդակարգի պետք է հետևի ոչ միայն կինը, այլև տղամարդը: Ընդ որում' այն մթերքների ցանկը, որ հիմա կնշենք, ինդիվիդուալ է, և այս սննդակարգին հետևելուց առաջ լավ կլինի, եթե ամեն դեպքում խորհրդակցեք բժշկի հետ: Տղամարդկանց սննդակարգը պետք է կազմվի հիմնականում մսից, կարտոֆիլից, բանջարեղենից, թարմ մրգերից: Նման սննդակարգի հետևող տղամարդկանց սերմնաբջիջների մեջ երկու անգամ ավելի շատ սերմ պարունակողները կան, քան այլ սննդակարգով սնվող տղամարդկանց սերմնաբջիջներում: Բացի դրանից, տղամարդիկ պետք է ավելացնեն С վիտամինի կիրառությունը, քանի որ այն վերականգնում է վնասված սերմնաբջիջները: Ցանկալի է նաև, որ օրը 12-15 մգ ցինկ օգտագործեն, քչացնեն ծխելու և ալկոհոլ օգտագործելու քանակությունը: «Միջերկրածովյան» կոչվող դիետան իդեալական է հղիանալ ցանկանող կնոջ համար. այն կոչվում է նաև «Աֆրոդիտեի դիետա»: Դիետան ենթադրում է ձկնեղենի, բանջարեղենի, լոբազգիների շատ կիրառություն: Թույլատրվում է նաև անյուղ կաթնատեսակների որոշակի կիրառություն: Նման սննդակարգի պահպանումը թե' կնոջ, թե' տղամարդու կողմից կբարձրացնի հղիանալու շանսը 40 տոկոսով:     `med-practic.     Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝         
Ի՞նչ նվիրել ամանորյա տոներին (հուշում են աստղերը)

  Խոյերը ակտիվ, խիզախ, ազարտային և անկեղծ մարդիկ են: Նրանց կյանքը մշտական շարժում է: Պետք է հաշվի առնել դա: Կանանց համար ավելի հաճելի նվերներ կլինեն նվագարկիչները, բջջային հեռախոսները, մետաղից կամ սև կաշվից պատրաստված զարդերն ու աքսեսուարները: Կարելի է նվիրել նաև հագուստի վառ և աչքի ընկնող աքսեսուարներ: Տղամարդկանց դուր կգա սպորտային որևէ իր: Նրանց կողմից սպասված նվերեր կարող են դառնալ նաև դանակները, ատրճանակները, տարբեր կրակայրիչներն ու դրամապանակները և նմանատիպ այլ իրեր: Ցուլերը շատ պրակտիկ և տնտեսվար մարդիկ են, սիրում են իրեր, որոնք հարմարավետ են: Նրանք հարգում են առողջությանն օգտակար առարկաներ: Շատ են սիրում քաղցրավենիք: Կանայք ուրախ կլինեն ստանալ բնական ծաղիկ իր ամանով, սրտիկներով զարդարված տորթ: Կարելի է նվիրել նաև կրեմներ և մազերի խնամքի համար նախատեսված պարագաներ: Տղամարդկանց կարելի է նվիրել լավ, թանկարժեք գինի կամ կոնյակ: Նրանք դեմ չեն լինի նաև սափրվելու պարագաներ կամ օծանելիք: Երկվորյակները շարժուն են, շփվող և հեշտ բնավորության տեր: Նրանք սիրում են տեղեկատվություն՝ ցանկացած տեսքով: Ուստի նրանց համար լավագույն նվեր կարող է լինել գիրքը: Կարելի է անգամ նվիրել ոչ թե գեղարվեստական գիրք, այլ որևէ տեղեկատու կամ հանրագիտարան: Հումորի զգացումը կօգնի երկվորյակներին հասկանալ և գնահատել նվերը: Կանանց կարող են դուր գալ ձեռնոցները, պայուսակները, հովանոցները կամ գոտիները: Տղամարդկանց համար հիանալի տարբերակ կլինի համակարգչային տեխնիկայի որևէ նորամուծություն: Խեցգետինները շատ զգացմունքային են, ինքնանփոփ: Նրանց զգացմունքները ուժեղ են և խորը: Կանայք նախընտրում են սենտիմենտալ նվերներ, որոնք կխոսեն ձեր կապվածության և վերաբերմունքի մասին: Կարելի է ընտրել դեկորատիվ բարձեր, փափուկ խաղալիքներ, հուշանվերներ, հողաթափեր և նմանատիպ նվերներ: Տղամարդկանց կարելի է նվիրել մեծ անվանական բաժակ, կամ հնաոճ հուշանվեր: Առյուծները նվերների հանդեպ չափազանց բծախնդիր են: Սխալ ընտրված նվերը կարող է նրանց վիրավորել: Այս նշանի տակ ծնվածները խենթանում են ցանկացած մեծ և աչքի ընկնող նվերի համար: Կանայք նախընտրում են զարդեր և օծանելիք: Կարելի է նվիրել աչքի ընկնող ծաղկեփունջ կամ գեղեցիկ ծաղկաման: Տղամարդիկ չեն հրաժարվի իրերից: Կգնահատեն այն ամենը, ինչը կընդգծի իրենց ազարտային և աշխույժ բնավորությունը: Որպես օրինակ կարող է հանդիսանալ գեղեցիկ և բացառիկ խաղաթղթերի տուփը: Կույսերը սիրում են կարգուկանոն և մաքրություն: Նվերի ընտրության հարցում նրանք շատ ուշադիր են, իսկ նվեր ստանալիս պահանջում են այդ ուշադրությունը դիմացինից: Նրանք սիրում են փոքր առարկաներ: Պետք չէ նվիրել անհասկանալի իրեր: Կանանց կարելի է նվիրել գեղեցիկ և բացառիկ նոթատետր, զարդատուփ կամ հարդարանքի հավաքածու: Կարելի է ընտրել նաև նոթբուքի համար նախատեսված փոքրիկ և գեղեցիկ մկնիկ, ֆլեշ հիշողության քարտ կամ շատ գրպաններով փոքրիկ պայուսակ: Տղամարդիկ չեն հրաժարվի բջջային հեռախոսից, նավիգացիոն համակարգից կամ գրասենյակային որևէ իրից: Կշեռքները հիանալի զգում են նորաձևության շունչը: Հետևաբար կշեռքների համար նվեր ընտրելը այնքան էլ հեշտ գործ չէ: Ինտերիերի զարդարման պարագաները հաճելի կլինեն թե կանանց, թե տղամարդկանց համար: Կանանց համար կարելի է ընտրել թանկարժեք և մոդայիկ բիժուտերիա: Հաջողված ընտրություն կլինի նաև սիրո մասին ֆիլմը կամ սիրային երգերի հավաքածուն: Տղամարդկանց նվիրեք հարդարման ջուր հատուկ ընտրված բույրով կամ ֆիրմային փողկապ: Կարելի է նվիրել նաև թատրոնի կամ համերգի տոմս: Կարիճները ունեն բարդ բնավորություն: Նրանք խորաթափանց են և ձեր նվերից կարող են որոշել ձեր զգացմունքները և վերաբերմունքն իրենց մասին: Կանանց համար հաճելի նվեր կարող է հանդիսանալ օծանելիքը, ներքնազգեստը, կամ որևէ այլ ինտիմ իր: Եթե նա ծխում է, կարող եք նվիրել նարգիլե կամ ծխախոտային աքսեսուարներ: Տղամարդկանց կարելի է նվիրել էկզոտիկ, թաքնված ուժով օժտված ինչ-որ առարկա, օրինակ ամուլետ: Շատ հաճելի նվեր կլինի օրիգինալ և հատուկ նրա համար պատրաստված նվերը, օրինակ սառած լավայի կտոր: Աղեղնավորները ունեն լավատեսական և կենսախինդ բնավորություն: Նրանց դուր է գալիս այն ամենը, ինչը մատնանշում է կյանքի ակտիվ ընթացքը և արթնացնում է կիրք դեպի նոր զբաղմունք: Աղեղնավորներին կուրախացնի նաև փաթեթավորված որևէ սեղանի խաղը, օրինակ՝ նարդի, շախմատը և այլն: Կանայք կուրախանան ֆիտնես-ակումբի տոմսեր կամ բոուլինգ խաղալու հրավեր ստանալուց: Կարելի է նվիրել նաև բջջային հեռախոս, նվագարկիչ կամ ֆոտոապարատ: Տղամարդկանց նվիրեք հուշանվեր՝ բերված հեռու վայրերից կամ սպորտի, որսորդության, ձկնորսության հետ կապված որևէ իր: Այծեղջյուրները լուրջ են, և երբեք չեն մոռանում իրենց գլխավոր նպատակի մասին: Նրանց դուր կգա նվեր, որը կարող է օգնել նրանց իրականացնելու իրենց նպատակը: Նվերը պարտադիր չէ, որ լինի թանկարժեք, կարող է լինել ուղղակի որակյալ իր: Կանայք կուրախանան թանկարժեք օծանելիքից, պայուսակից, մանիկյուրների հավաքածուից: Իհարկե, նրանք չեն հրաժարվի նաև աշխատանքի համար անհրաժեշտ իրերից: Տղամարդկանց կարելի է նվիրել նոթատետր, ժամացույց, գործնական պայուսակ, աշխատանքային գործիքներ: Ջրհոսները շռայլ մարդիկ են և հետևաբար սիրում են նաև շռայլ նվերներ: Նրանց գոհացնելը հեշտ գործ չէ: Պետք է իմանալ, թե ինչի մասին են նրանք մտածում հենց այդ պահին: Կանանց կարող եք նվիրել թեյի, սուրճի համար նախատեսված որևէ հետաքրքիր հավաքածու կամ որևէ արվեստի գործ: Տղամարդկանց կարելի է նվիրել էլեկտրոնիկական որևէ սարք կամ երաժշտական գործիք: Ձկները ռոմանտիկ և երազող են: Ահա նրանց կարելի է համարձակ նվիրել փափուկ խաղալիքներ, սրտիկներ և այլ սենտիմենտալ հուշանվերներ: Ուղղակի նվիրելիս պետք է ցուցադրել իրական զգացմունքները: Բոլոր ձկները կգնահատեն գեղեցիկ ներքնազգեստը: Կանայք սիրում են տարբեր թալիսմաններ, կուլոններ, ծաղկամաններ, մոխրամաններ և, իհարկե, գեղեցիկ ծաղիկներ: Տղամարդկանց կարելի է նվիրել ձեռագործ շարֆ, լավ գիրք կամ հիասքանչ գինի:   ՝ erkusov.   Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝  
5 սխալ միտք փողի մասին. հարստանալու համար ճիշտ մտածեք

  Որպեսզի գումարը շատ լինի, բավական չէ աշխատել ողջ օրը, այլ, նախևառաջ, պետք է որդեգրել գումարային ճիշտ մտածողություն: Բայց մինչ այդ մտածողությունը սերմանելը, անհրաժեշտ է ազատվել նախկին, հնացած կաղապարներից:Եվ այսպես, 5 միտք գումարի մասին' ինչպես չի կարելի մտածել. 1. Գումարը վաստակվում է միայն քրտինքով ու արյամբ: Շատերն են կարծում, թե որոշակի կապիտալ կուտակելու համար պետք է անմարդկային ջանքեր գործադրել, աշխատել ուտելու, քնելու և մնացած բոլոր կարևոր գործողությունների փոխարեն: Եթե այսպես եք մտածում, ապա վստահեցնում ենք Ձեզ' մեծ է հավանականությունը, որ ողջ կյանքում կչարչարվեք ու գրոշներ կստանաք: Սրա փոխարեն նոր կերպ նայեք երևույթին, ավելի լավ է մի քիչ ժամանակ հատկացնեք ու պարզապես մտածեք, թե ինչ գործով զբաղվեք, որ Ձեզ համար առավել շահավետ ու շահութաբեր կլինի: Մտածեք և գտեք որևէ կրեատիվ գաղափար: 2. Հարստությունը փչացնում է մարդուն: Չի կարելի ասել, թե սա լրիվ մտակաղապար է, բայց և այնպես, պետք չէ թույլ տալ, որ այն դառնա խոսք' հօգուտ աղքատ մնալու: Իհարկե, միանգամից հարստանալը լուրջ փորձություն է ցանկացած մարդու համար, բայց եթե կարողանաք պատվով անցնել այդ փորձությունը, ապա Ձեզնով կրկնակի հպարտանալու առիթ կունենաք: Իսկ գումարը կարելի է ծախսել ոչ միայն վայրկենական հաճույքների վրա, այլեւ, ասենք, օգտագործել իբրև երեխաների ապագայի երաշխիք կամ նրանց կրթության համար կատարած մեծ ներդրում: 3. Արդար փող չի լինում: Հնարավոր չէ վիճել. որոշ հարուստներ, մեղմ ասած, այնքան էլ արդար ճանապարհով չեն փող դիզել, բայց սա չի նշանակում, թե արդար փող չի լինում: 4. Հարուստ լինելն ամոթ է: Շատերն անկեղծորեն այսպես են կարծում: Բայց համաձայնեք, ինչ ամոթ բան կա, որ ինչ-որ մեկը հարստանում է շնորհիվ իր կարողությունների, խելքի ու հմտության: Ախր դա հիանալի է և, բացի դա, հնարավորություն է տալիս չամաչելու համար օգնել շրջապատի կարիքավոր մարդկանց: 5. Պետք է խնայել «սև օրվա համար»: Իհարկե, գումար խնայել պետք է, բայց ոչ թե «սև օրվա», այլ, ասենք ճամփորդության, վերանորոգման և այլ պայծառ բաների համար: Խնայելով վատ օրվա համար' Դուք դեպի Ձեզ եք ձգում բացասական էմոցիա: Մի խոսք կա' «Եթե պատից հրացան է կախված, այն մի օր կկրակի», այս դեպքում ևս, եթե Դուք անընդհատ պատրաստվեք «սև օրվան», այն կգա: Այսպիսով' մի կողմ նետեք նեգատիվը և որդեգրեք պոզիտիվ մտածելակերպ:     ՝ lady     Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝  
Սենսացիա: Ամուսինը կնոջը դատի է տվել տգեղ երեխա ունենալու պատճառով

  Չինաստանում 34-ամյա Չժան Ֆենգը դատի է տվել իր կնոջը նրա համար, որ նա նրան պարգևել է տգեղ դուստր: Այն օրը, երբ ամուսինը առաջին անգամ տեսավ իր նորածին աղջկան, նա նույնիսկ մեղադրեց իր կնոջը անհավատարմության մեջ: Երեխան ուներ ոչ գրավիչ արտաքին և նման չէր ոչ հորը, ոչ էլ մորը: Հայրը նույնիսկ փորձաքննություն անց կացրեց, որպեսզի օրինականորեն ապացուցի, որ երեխայի հայրը նա չէ, սակայն փորձաքննությունը ցույց տվեց, որ նա է երեխայի հայրը:   Միայն ամուսնու բազմաթիվ հարցերից հետո, կինը խոստովանեց, որ ամուսնությունից առաջ նա պլաստիկ վիրահատության է դիմել և նրա շատ գեղեցիկ արտաքինը հմուտ պլաստիկ վիրաբույժի շնորհիվ է: Կնոջ այդ վիրահատությունը արժ էր 100 հազար դոլար:   Այդ նորությունը իմանալով և հասկանալով, թե ինչու է իր աղջկա արտաքինը այդպիսի տգեղ, ամուսինը բաժանվեց իր կնոջից և նրան դատի տվեց՝ կնոջից պահանջելով 120 հազար դոլար:   ՝   Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝  
; : :