Besplatnoetut.ru

НОВОСТИ ОТ Besplatnoetut.ru

Ինչո՞ւ եւ ինչպե՞ս է Հրաչ Քեշիշյանը նկարահանում «Գարեգին Նժդեհ»-ը.ֆոտո

    «Գարեգին Նժդեհ» ֆիլմը էկրան կբարձրանա 2013թ. սկզբում: Այն նվիրվում է Հայոց բանակի կազմավորման 21-ամյակին: Ֆիլմի նկարահանումներն արդեն ավարտվել են, այժմ ընթանում են մոնտաժային աշխատանքները: Նկարահանումները կայացել են Հայաստանում  եւ Եվրոպայում: Ֆիլմի նկարահանման աշխատանքներից առաջին լուսանկարների համացանցում տարածվելուց հետո մեծ քննարկումներ ծավալվեցին, եղան քննադատություններ: Այս եւ այլ հարցերի վերաբերյալ .styleն գրավոր պատասխանել է «Գարեգին Նժդեհ» ֆիլմի ռեժիսոր եւ պրոդյուսեր Հրաչ Քեշիշյանի հետ:     Ինչպե՞ս եւ ինչո՞ւ որոշեցիք նկարահանել «Գարեգին Նժդեհ» ֆիլմը:   Գարեգին Նժդեհի կենսագրությանն անդրադառնալու մասին մտածել եմ վաղուց: Ֆիլմի նախապատրաստական աշխատանքներն էլ են սկսվել վաղուց, հնարավոր դարձավ այս ֆիլմն իրագործել միայն այս տարի: Մենք պետք է ճանաչենք մեր հերոսներին, որպեսզի ստեղծենք մեր հայրենիքը: Մենք պետք է օրինակներ ունենանք, որ կարողանանք բաղդատել մեր արարքները, մենք պետք է պաշտենք մեր հերոսներին եւ հասկանանք, որ մեր հողի յուրաքանչյուր քառակուսի սանտիմետրի համար պարտական ենք հայրենիք ստեղծողներին եւ պաշտպանողներին: Գարեգին Նժդեհի մասին պետք է անընդհատ պատմել, անընդհատ խոսել եւ այնպես, որ ոչ միայն սերտած լինենք նրա մտքերն, այլ ապրենք նրա օրինակով ու փիլիսոփայությամբ:     Ե՞րբ է սկսվել եւ ե՞րբ են ավարտվելու նկարահանումները, ե՞րբ է լինելու ֆիլմի պրեմիերան, այն կդիտենք հեռուստատեսությա՞մբ, թե՞ կլինի միայն կինոթատրոններում:   Ֆիլմի նկարահանումների առաջին օրը սեպտեմբերի 16-ն էր:  Նկարահանման աշխատանքները գրեթե ավարտված են, հիմա արդեն սկսվել են մոնտաժային աշխատանքները: Սա լիամետրաժ գեղարվեստական ֆիլմ է: Այն մեծ էկրան կբարձրանա 2013 թվականի սկզբում, նվիրվելու է Հայոց բանակի կազմավորման 21-ամյակին:     Ֆիլմի ստեղծագործական կազմը կներկայացնեք, ովքե՞ր են դերակատարները:   Սա առաջին ֆիլմն է, որ նկարահանվում է նորաստեղծ PAN ARMENIAN FILMS ընկերությունը, այն  PAN ARMENIAN MEDIA GROUP կազմում է: Սցենարի հեղինակն է Քրիստ Մանարյանը, նրա արմատները Նախիջեւանից են, ինչպես եւ Նժդեհինը: Գլխավոր դերերում Արտաշես Ալեքսաննյանն է եւ Շանթ Հովհաննիսյանը: Նրանք մարմնավորել են Նժդեհի երկու տարիք: Չուլպան Խամատովան մարմնավորել է Նժդեհի  տիկնոջը` Էփիմեին, Գոհարի դերում Ֆրիդա Գեւորգյանն է: Խորեն Լեւոնյանը կերտել է Սիսիանի զորահրամանատար Պողոս Տեր-Դավթյանի կերպարը, Ալբերտ Սաֆարյանը կներկայանա Դրոյի կերպարով: Միխայիլ Եֆրեմովը հանդես կգա Պետկո Խրիստովի դերում, Հովհաննես Դեւեճյանի դերում Վիգեն Ստեփանյանն է: Ռոբերտ Հակոբյանը Ազգային անվտանգության փոխնախարարի դերում է, Արմեն Մարգարյանը մարմնավորել է Վաչե Հովսեփյանին, մարդ, ով մեկ տարի շփվել է Նժդեհի հետ Երեւանի բանտում եւ իր հուշերում ներկայացրել է բավականին հետաքրքիր մանրամասներ Նժդեհի` Երեւանի բանտում գտնվելու մեկ տարվա մասին: Դերասանական կազմը մեծ է, շատ ուրախ եմ, որ ֆիլմում նկարահանվել է նաեւ Երվանդ Մանարյանը, Դավիթ Հակոբյանը, Սոֆյա Սարգսյանը, Արթուր Նալբանդյան,Դավիթ Թադեւոսյանը, Արման Նավասարդյանը, Վիկտոր Վասիլեւը, Նազենի Հովհաննիսյանը, Արամ Գեւորգյանը, Գուրգեն Անտոնյան եւ էլի շատ սիրված ու հայտնի դերասաններ: Ֆիլմի նկարիչն է Սեդրակ Վելիկոդնին, զգեստների նկարիչը Լուսինե Խաչատրյանն է, գրիմի նկարիչը Անդրեյ Նովիկովն է: Բեմադրող օպերատորն է Մկրտիչ Մալխասյանը մոնտաժման ռեժիսորներն են Էդուարդ Մատենցյանն ու Վահագն Խաչատրյանը:     Որքա՞ն է ֆիլմի բյուջեն:   Ֆիլմը դեռ ընթացքում է, բյուջեի մասին խոսելը դեռ շուտ է, միայն կարող եմ ասել, որ սա պետպատվեր չէ, եւ ինչպես իմ նախորդ ֆիլմերը, այս ֆիլմը նույնպես նկարահանվել է առանց պետական ֆինանսավորման: Ֆիլմի գլխավոր հովանավորն է «Զանգեզուրի պղնձամոլիբդենային կոմբինատ» ՓԲԸ-ն:     Մեկ-երկու նախադասությամբ կներկայացնեք ֆիլմի սյուժեն, ի՞նչ աղբյուրներից եք օգտվել եւ այլն:   Օգտվել ենք Գարեգին Նժդեհի «Հավատամք», «Էջեր իմ օրագրեն», «Ամերիկահայությունը»,«Ցեղը եւ իր տականքը», «Իմ պատասխանը», «Իմ խոսքը, թե ինչո՞ւ զենք բարձրացրի խորհրդային զորքերի դեմ» երկերը: Ինչպես նաեւ`Վաչե Հովսեփյանի «Գարեգին Նժդեհն եւ ԿԳԲ-ն», Արտակ Վարդանյան` «Նժդեհյան մասունքներ», Մուշեղ Լալայան`«Գարեգին Նժդեհ» եւ այլն:     Պատահակա՞ն է արդյոք, որ այս ֆիլմը նկարահանվում է նախագահական ընտրություններից առաջ: Ձեզ քննադատողները նաեւ նշում էին, թե սա ՀՀԿ պատվերն է: Կմեկնաբանեք` որքանով են իրականությանը համապատասխանում այս տեղեկությունները եւ ինչ կապ ունի այս ֆիլմը ՀՀԿ, նախագահական ընտրությունների հետ:   Եթե Աստված ինձ առողջություն եւ կյանք տա, ես պատրաստվում եմ դեռ շատ գործեր նկարահանել:     Տեղեկություններ էին տարածվել նաեւ, թե Նժդեհի ազգականները բողոքում են եւ համաձայնություն չեն տվել նրա մասին ֆիլմ նկարել: Նման բան կա՞: Դուք կապվե՞լ եք նրա ազգականների հետ:   Մեր ստեղծագործական խումբը պարբերաբար շփվում է Գարեգին Նժդեհի ժառանգների հետ:     `       Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝                     
ԵՐԳՉՈՒՀԻ ԱԴԵԼՆ ԱՄՈՒՍՆԱՑԵԼ Է

  Բրիտանացի երգչուհի Ադելը գաղտնի ամուսնացել է իր սիրեցյալի` Սայմոն Կոնեյնի հետ: Փոփ-երգչուհին, ով գտնվում է հղիության 7-րդ ամսում, լրագրողների կողմից նկատվել է Լոնդոնոմ: Կատարված լուսանկարների համաձայն չքնաղ Ադելը կրել է ամուսնական մատանի: Տարածված լուրերից ելնելով` նա իր կողակցի հետ ցերեմոնիկ խնջույք չի կազմակերպել` ամեն ինչ եղել է չապից դուրս համեստ, քանզի նրանք որոշել են հարսանեկան արարողությունը կազմակերպել երեխայի ծնվելուց հետո: Նշենք, որ Ադելն ընդհանրապես չի սիրում ի ցույց դնել իր անձնական կյանքը, այդ իսկ պատճառով ամեն ինչ կատարվել Է հանգիստ ու հանդարտ կերպով: Զագսի գրառումներից հետո զույգը կազմակերպել է ընտանեկան ընթրիք` հնչեղ շնորհավորանքները թողնելով ապագայի համար: Նրանց համար հիմա ամենակարևորը առողջ փոքրիկ ունենալն է: Դե ինչ` մաղթում ենք Ադելին և իր ապագա փոքրիկին անսահման առողջություն:    Նյութը պատրաստեց` Մարգարիտ Ավետիսյանը
49-ԱՄՅԱ ՀԱՂՈՐԴԱՎԱՐՈՒՀԻՆ ԱՄՈՒՍՆԱՑԵԼ Է ՀԱՄԱՑԱՆՑԻ ՄԻՋՈՑՈՎ

  Հեռուստահաղորդավարուհի Օկսանա Պուշկինան վերջնականապես իր կապերը հաստատեց ծրագրավորող Ալեկսեյի հետ: 49-ամյա հաղորդավարուհին այդ մասին խոսել է հենց իր անձնական բլոգում: “Փոխվել է կարգավիճակը: Արագ: Եվ բնավ էլ ցավոտ չէ: Կնքվեցինք: Այսօրվանից ես ամուսնացած կին եմ: Բոլորից շնորհակալ եմ շնորհավորանքների համար”:- հրապարակել է նա: Պուշկինան տեղեկացրել է նաև, որ իրենք չեն պատրաստվում հարսանեկան ճանապարհորդության: “Հարսանիք չի լինելու: Հաջորդ տարի մենք միասին կնշենք իմ հոբելյանական 50-ամյակը”-տեղեկացրել է հաղորդավարուհին: Նշենք նաև, որ Պուշկինան ծրագրավորող Ալեկսեյի հետ ծանոթացել է համացանցի միջոցով:   Նյութը պատրաստեց`Արևիկ Ավետիսյանը
Գարեջուրը նվազեցնում է սեքսով զբաղվելու ցանկությունը. հետազոտություն

  Ուկրաինայի բժիշկները եկել են այն եզրահանգման, որ գարջրի նկատմամբ շատ մեծ սերը կարող է սեքսի նկատմամբ հետաքրքրությունը կորցնելու պատճառ դառնալ, հայտնում է Likar-ը:   Հոգեբույժ, սեքսապաթոլոգ, հոգեթերապևտ Գևորգ Սելյուկովը ասել է, որ սեռական ցանկության նվազման պատճառ կարող են լինել հոգեբանական գործոնները, հոգնածությունը, սթրեսները, ինչպես նաև գարեջուրը, որը նվազեցնում է սեռական ցանկությունը:   Բժիշկների կարծիքով, գարեջուրը պարունակում է բազմաթիվ հորմոններ, որոնք չեզոքացնում են սեռական գործողության համար «պատասխանատու» հորմոնները:   ՝ shshyan.   Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝  
130 ԲՈՂՈՔ ՈՒՂՂՎԱԾ ՄԱԴՈՆՆԱՅԻ ՄԵՆԱՀԱՄԵՐԳԻ ԴԵՄ

Օգոստոսի 9ն կայացած Մադոննայի համերգի դեմ 130  բողոք է ընդունվել Պետերբուրգի դատախազություն: Բոլոր բողոքները ոստիկանություն են ներկայացվել ստուգման նպատակով: Հիշեցնենք, որ Մադոննայի համերգը տեղի է ունեցել սույն թվականի օգոստոսի 9ն «Պետերբուրգյան» սպորտային համալիրում: Ըստ համերգին ներկա գտնվողների նկարագրությունների` Մադոննան հանդիսատեսին կանգնել է մեջքով, որի վրա գրված է եղել «վախ չկա» տարօրինակ արտահայտությունը, իչպես նաև համերգի մասնակիցներին վարդագույն թևնոցներ են տրվել: Համերգի սկզբում երգչուհին հանդիսատեսին խնդրել է բարձրացնել ձեռքերը` ցուցադրելով վարդագույն թևնոցները, որոնք խորհրդանշում էին սեռական փոքրամասնությունների պաշտպանությունը: Իրավապահ մարմինները ցանկանում են ստուգումների միջոցով համապատասխան հետևություններ անել: Նշենք, որ հայցադիմումների մեծամասնությունը նեկայացված էր «Ծնողական հսկողության վարչության» և «Նոր հզոր Ռուսաստան» կուսակցության կողմից: Բազում հասարակական կազմակերպություններ և միություններ դիմել են դատարան` պահանջելով Մադոննայից 333 մլն ռուբլի` որպես հոգեբանական վնասի փոխհատուցում: Հիշեցնենք, որ սույն թվականի մարտին հյուսիսային հատված մուտք գործեց նոր օրենք, որը լիովին սահմանափակում է տարատեսակ սեռական փոքրամասնությունների պրոպագանդումը, իսկ օրինազանցության պատճառով սահմանվում է 5000 ռուբլի քաղաքացիների, 50.000 ռուբլի պաշտոնատար անձանց և 250ց 500 հազար ռուբլի տուգանք իրավաբանական անձանց դեպքում:   Նյութը պատրաստեց` Մարգարիտ Ավետիսյանը
Ռոուեն Աթկինսոնը որոշել է հրաժարվել միստր Բինի կերպարից

    Բրիտանացի երգիծական հայտնի կերպարը` միստր Բինը կվերանա, այդ դերը մարմնավորող հայտնի դերասան Ռոուեն Աթկինսոնը որոշում է կայացրել այդ կերպարից հրաժարվելու և դրամատիկ պերսոնաժների վրա աշխատելու մասին, հաղորդում է РИА Новости գործակալությունը` հղում կատարելով Daily Telegraphն տված դերասանի հարցազրույցին: Միստր Բինը, անհրապույր ու սակավախոս բրիտանական էքսցենտրիկ տղամարդը հեռուստատեսությունում հայտնվեց 1990թ.: Երգիծական սերիալը ավարտվեց 5 տարի անց, սակայն մինչ այժմ այն Աթկինսոնի ամենահայտնի կերպարն է, որով իր 57 տարեկան հասակում նա շարունակում է հանդես գալ: Նշենք, որ Բինը մասնակցել է նույնիսկ Լոնդոնի Օլիմպիադայի բացման հանդիսավոր արարողությանը: Պարբերականին տված հարցազրույցում դերասանը խոստովանել է, որ եթե դու նույնիսկ այդ տարիքում ես շարունակում «երեխայական» դերեր խաղալ, ապա դա «բավական տխուր» տեսք է ստանում: «Ամբողջ այդ պատմությունը ինձ հսկայական կոմերցիոն հաջողություն բերեց, սակայն այն երեխայական է և հսկայական ֆիզիկական ակտիվություն է պահանջում: Կարծում եմ, որ ես ավելի ու ավելի քիչ Բին կխաղաղմ», - ասել է Աթկինսոնը: Այժմ նա մտադիր է կենտրոնանալ դրամատիկական դերերի վրա լոնդոնյան Վեսթ էնդում` շրջանում, որտեղ բազմաթիվ հայտնի դրամատիկական և երաժշտական թատրոններ են գործում:     `tert.     Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝         
ԱՐՄԵՆ ՉԻԲՈՒԽՉՅԱՆ. "ՄԵՐՕՐՅԱ ԼՐԱՏՎԱԿԱՆ ԴԱՇՏԸ"

    Մեր օրերում լրատվական դաշտում բացերն այնքան շատ են, որ հնարավոր չէ թվարկել մեկ առ մեկ: Հենց այս խնդրի մասին փորձեցինք խոսել "Հ2"  հեռուստաընկերության "Լրաբեր" լրատվականի մեկնաբան, լրագրող Արմեն Չիբուխչյանի հետ: "Բացերը շատ են, ընդհանուր առմամբ պրոֆեսիոնալիզմի պակաս եմ տեսնում, օպերատիվության պակաս կա" հետ զրույցում նշեց նա: Իսկ այն հարցին, թե արդյոք հնարավոր է` Արմեն Չիբուխչյանին կրկին տեսնենք որպես  դասախոս, նա պատասխանեց. - Այո, հնարավոր է, համալսարաններից մեկում:   Նյութը պատրաստեց` Քրիստինա Բոյաջյանը  
; : :