Besplatnoetut.ru

НОВОСТИ ОТ Besplatnoetut.ru

″MARIO″ ԽԱՂԸ ՎԵՐԱԴԱՌՆՈՒՄ Է

   Գեղեցկուհի քույրեր Մոնիկան և Պենելոպան դարձել են գովազդային գործակալության  համակարգչային խաղեր գովազդող նոր դեմքերը:  Փաստորեն հետաքրքրաշարժ «Մարիո» խաղը կրկին վերադառնում է: 90-ական թվականներին մեծ համակրանք վայելող զարմանահրաշ խաղը կապրի իր երկրորդ կյանքը: Խաղն արդեն իսկ ամենաշատ սպառվողն է դաձել Ճապոնիայում, իսկ օրերս ներկայացվել է Եվրոպայում և Միացյալ Նահանգներում: Ինչպես նաև գովազդում ներգրավված են այնպիսի պայծառ անհատականություններ, ինչպիսիք են Նիկոլ Քիդմանը, Ռոբին Ուիլիամսը, Բիոնսեն, Սետ Գրինը և այլք: Այսօր արդեն իսկ հանրությանը ներկայացվել է նոր տեսանյութ, որտեղ ի հայտ են եկել Մոնիկա և Պենելոպա Կրուզները: Չնայած նրան, որ քույրերի միջև չորս տարվա տարիքային տարբերություն կա, անհնար է չնկատել այն հանգամանքը, որ քույրերը միմյանց սաստիկ նման են, ինչի շնորհիվ էլ Մոնիկան կարողացել է փոխարինել Պենելոպային «Կարիբյան ծովի ծովահենները» ֆիլմի վերիջին դրվագներում, երբ Պենելոպայի հղիությունը հնարավոր չէր կոծկել:   Նյութը պատրաստեց` Մարգարիտ Ավետիսյանը
Հայը, թուրքը, վրացին.

      Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝  
ԱՅՍ ՊԱՀԻՆ ՍՈՍ ՍԱՐԳՍՅԱՆԻ ԿՅԱՆՔԻՆ ՎՏԱՆԳ ՉԻ ՍՊԱՌՆՈՒՄ

  Սոս Սարգսյանի առողջական վիճակի կայուն լինելու մասին հաղորդել է «Նաիրի  բժշկական կենտրոնի հերթապահ բժիշկ-ռեանիմատոլոգ Արտավազդ Ասլանյանը: Շնչառական անբավարարությամբ ուղեկցվող թոքաբորբի նախօրեին բուժհաստատություն տեղափոխված սիրված դերասանն այս պահին ստանում է համապատասխան բուժում ու հետազոտվում ինտենսիվ թերապիայի բաժանմունքում: Թե դեռ քանի օր դերասանը կանցկացնի հիվանդանոցում, բժիշկների հսկողության ներքո, դեռ պարզ չէ: Սակայն բժիշկն ասել է,որ վաստակավոր դերասանի կյանքին վտանգ այս պահին չի սպառնում: Նշենք նաև, որ օրեր առաջ լրացավ  Սոս Սարգսյանի 83-ամյակը:Ցավոք, դերասանն իր ծննդյան տարեդարձը նշել է «Նաիրի հիվանդանոցի վերակենդանացման բաժանմունքում: Շնորհավորանքների, զանգերի ու հյուրերի պակաս մեծ վարպետը այդ օրը չի ունեցել: Վարչապետ Տիգրան Սարգսյանը և  ՀՀ Ազգային ժողովի նախագահ Հովիկ Աբրահամյանը նույնպես այցելել են հիվանդանոց՝ շնորհավորելու մեծանուն դերասան Սոս Սարգսյանի ծննդյան 83-րդ տարեդարձը։
Փորձաքննության արդյունքում պարզվել է, որ բոլորն էլ գողացող են.

      Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝  
Գյումրեցի ջազ դաշնակահարը ցնցել է բրիտանացիներին

    Հայազգի ջազ դաշնակահար, 25-ամյա գյումրեցի Տիգրան Համասյանը Բրիտանիայի մայրաքաղաքում մասնակցելու է Լոնդոնի ջազային փառատոնին: Այս մասին մասին հաղորդում է բրիտանական The Guardian պարբերականը: Նա ներկայացնում է ստեղծագործություններ իր Fable ալբոմից:   Ինչպես հունգար կոմպոզիտոր, դաշնակահար Բելլա Բարտոկը` Համասյանը նույնպես վերցնում է իր երկրի հին ազգագրական թեմաներն ու միախառնում ժամանակակից հնչյունների հետ: Պարբերականը նրան համեմատել է նաեւ հունգար մեկ այլ կոմպոզիտոր Ֆերենց Լիստի հետ, որը փայլուն կերպով դաշնամուրային ռոմանտիկ ստեղծագործություններ էր գրում: Տիգրանին նմանեցրել են նաեւ ամերիկացի կոմպոզիտոր Քեյթ Ջարեթին`սեփական սոլոները հոգեւոր երաժշտության իմպրովիզային հնչյուններով ուղեկցելու ունակությամբ:   Այս տարվա փառատոնի շրջանակներում նախատեսված է ավելի քան 300 համերգ եւ 50 հրապարակներում հանպատրաստից կատարումներ: Համասյանն արդեն հասցրել է բրիտանական հանրությանը ցնցել իր դաշնամուրային եւ ակապելա կատարումներով:       ՝ top-     Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝    
Հայտնի հեռուստահաղորդավարուհուն բռնաբարել են

  Հայտնի հեռուստահաղորդավարուհի Մաշա Մալինովսկայան բացահայտել է իր անցյալի գաղտնիքները: 31-ամյա աստղն իր երկրպագուներին խոստովանել է, որ տարիներ առաջ իրեն բռնաբարել են: Դեպքը տեղի է ունեցել, երբ Մալինովսկայան 17 տարեկան էր ու ապրում էր Սմոլենսկում: «Ընկերուհուս հետ քայլում էինք փողոցում, երբ մեզ մոտեցան երկու երիտասարդներ և փորձեցին ծանոթանալ: Նրանք մեզ հրավիրեցին ձմերուկ ուտելու: Երբ հրաժարվեցինք, մեզ բռնի ուժով մտցրեցին իրենց ավտոմեքենան ու տարան անտառ, որտեղ ինձ և ընկերուհուս բռնաբարեցին, այնուհետև բերեցին քաղաք և թողեցի ինչ որ փողոցում»,- նշել է Մալինովսկայան: Դեպքից հետո նա տևական ժամանակ ընկճախտի մեջ է եղել: Կատարվածը մինչ օրս սպի է թողել Մալիմովսկայայի կյանքում: Ի դեպ, դա հաղորդավարուհու առաջին սեռական հարաբերությունն է եղել:   `Zh.       Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝    
Մի շարք դերասաններ “Չիկագո-Ծաղկաձոր տրանզիտ” ամանորյա ֆիլմում

  Հանրային հեռուստաընկերությունը Ամանորի գիշերը կներկայացնի “Չիկագո-Ծաղկաձոր տրանզիտ” հեռուստաֆիլմը, որի նկարահանումները տեղի են ունեցել Ծաղկաձորում ու Երեւանում` տեւելով մեկ ու կես ամիս:Ամանորյա ֆիլմում նկարահանվել են Նարինե Դովլաթյանը, Վարշամ Գեւորգյանը, Աննա Հարությունյանը, Անի Երանյանը, Արմինե Պողոսյանը, էպիզոդիկ դերերով նկարահանվել են նաեւ Արթուր Կարապետյանը, Լեւոն Հարությունյանը, Ալեքսանդր Բաբասյանը եւ այլք: Նոր տարվա ֆիլմի ռեժիսոր Ելենա Արշակյանը պատմել է, որ այս հեռուստաֆիլմը ստեղծելու գաղափարը Հ1 տնօրինությանն է.“Առաջարկը ստանալուց հետո միասին որոշեցինք` ինչ ենք անելու, ինչի մասին է լինելու այն: 2013 թվականի եթերաշրջանը բացվելու է այս ֆիլմով: Սյուժեի մանրամասները ավելի լավ է չբացահայտենք. դիտողները կհասկանան` ինչ կապ ունի Ծաղկաձորը Չիկագոյի հետ: Մեծ մասը նկարել ենք Ծաղկաձորի հյուրանոցներից մեկում` գիշերվանից մինչեւ լուսաբաց: Առավոտյան քնում էինք, երեկոյան նորից նկարահանում: Հուսով եմ` մեր չարչարանքի արդյունքը մարդկանց կգոհացնի”:   Սցենարի հեղինակներն են Հասմիկ Մանգասարյանը, Դիանա Մարդանյանը, Արսեն Սարգսյանը եւ Նորայր Օհանյանը, իսկ պրոդյուսերը եւ բեմադրող օպերատորն Արթուր Ապրեսովն է: “Շատ ծիծաղելի դրվագներ կան, բայց որպես ռեժիսոր շեշտը դրել եմ կերպարների վրա, որոնք դիտողի համար անսպասելի ու հետաքրքիր կլինեն. մեր դերասաններին այս կերպարներով դեռ չեն տեսել, օրինակ` Աննա Հարությունյանը լիովին կերպարանափոխված է ոչ միայն արտաքնապես, այլեւ` խաղով ու տեսակով: Ինչքան էլ կոմեդիա լինի, այն ունի իր ասելիքը` ընկերության, սիրո, համերաշխության մասին է, այսինքն` ընկերուհիների գլխով տարբեր բաներ կարող են անցնել, վատ իրավիճակներ լինել, բայց վերջում բարին հաղթում է”, - նշել է Ելենա Արշակյանը:Ֆիլմի երաժշտական ձեւավորումն արել է Նիկ Էգիբյանը: Նա նաեւ սաունդթրեք է գրել, որը երգում է Նարինե Դովլաթյանը: Երգչուհին պատասխանատվությամբ է ընդունել ամանորյա ֆիլմում նկարահանվելու առաջարկը, ինչպես ինքն է նշել, դեռ մանկուց խաղալու ցանկությունը մեծ է եղել, նույնիսկ մտածել է Թատերական ինստիտուտ ընդունվելու մասին, թեեւ գիտակցել է, որ երգն է իրենը. “Փոքր տարիքում թատերական ստուդիա էի հաճախում, մանկական հաղորդումներ էի վարում ու փոքր դերեր խաղում”, -մեզ հետ զրույցում հիշել է Նարինեն ու հավելել` առաջարկն ընդունելուց հետո իր համար ամեն ինչ անսպասելի է եղել. “Ես մի քիչ այլ կերպ էի պատկերացնում, ինձ համար ամեն ինչ նորություն էր: Շատ բաներ սովորեցի նկարահանումների ժամանակ, նաեւ փորձ ձեռք բերեցի տարբեր մարդկանց հետ շփման հարցում”:   Ըստ սցենարի` Նարինեն չորս ընկերուհիներից ամենադրականն է, բայց իր մարմնավորած Մարիի կերպարն այնքան էլ դրական չի համարում. “Աղջիկն այնպիսի քայլեր է անում, որ ես չեմ ընդունում ու չէի անի”:Անի Երանյանի հերոսուհու անունը Սրբուհի է, նա ընկերուհիներից ամենաթիթիզն է, շնիկով գլամուրային աղջիկ է:). ““Բլանձինկա” կերպարիս վրա շատ եմ աշխատել, նույնիսկ ռեժիսորի հետ հաճախ սրճարաններ էինք գնում, ուսումնասիրում էի գլամուրային աղջիկներին, որ կարողանամ այդ դերի մեջ մտնել: Իմ կերպարը միեւնույն ժամանակ շփվում է երեք տղամարդու հետ, բայց երեքի անունն էլ չի հիշում: Նրա փոքրիկ “չարագործությունները” վերջում լավ ավարտ են ունենում, բայց աղջիկը նորից իր կերպարում է մնում”:   “Դերասաններից յուրաքանչյուրի համար այս ֆիլմը նոր քայլ էր, քանի որ ոչ մեկս այսպիսի կերպարներում չէինք եղել: Նկարահանման ընթացքում շատ էի վախենում, ուղղակի չէի պատկերացնում` վերջում ինչ կստացվի: Նարինեն մեզ հետ առաջին անգամ էր աշխատում, փորձում էինք օգնել, որ նոր միջավայրում դեր ստանձնելն իր համար հեշտ լինի”,-հավելել է Անի Երանյանը:Աննա Հարությունյանի կերպարը մյուս ընկերուհիներից տարբերվում է արտաքին տվյալներով, որն, ըստ դերասանուհու, ե՛ւ հեշտացնում, ե՛ւ բարդացնում է դերը. “Սկզբում կասկածում էինք` արդյոք կկարողանամ այս կերպարում ճիշտ ներկայանալ… Կերպարս խաղացել եմ` երբեք չմտածելով, որ նա տգեղ է, թեեւ նրա արտաքին տվյալները գրոտեսկային են, իսկ ինձ հարկավոր էր իրական մարդու կերպար ստանալ ու ցույց տալ նրա կենդանի օրգանիզմ լինելը: Այս կերպարն ամբողջովին տրագիկոմեդիկ է, որքան էլ ծիծաղելի է, այնքան էլ` դժբախտ”:   ՝ bravo.   Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝  
; : :