Besplatnoetut.ru

НОВОСТИ ОТ Besplatnoetut.ru

Սիրուշոն շարունակում է «կրքեր բորբոքել» (PHOTO, VIDEO)

  Սիրուշոն արդեն երկար ժամանակ է, ինչ սպասման մէջ է պահում իր երկրպագուներին: Երգչուհին արդեն իր ֆեյսբուքյան էջի միջոցով հասցրել է տեղեկացնել, որ նոր տեսահոլովակում է նկարահանվում: Ապա պարբերաբար նրա էջում հայտնվում են նոր «վկայություններ»՝ տեսահոլովակի պատրաստման աշխատանքների վերաբերյալ: Սակայն դրանք ոչ թե օգնում են պատկերացում կազմել տեսահոլովակի մասին, այլ հակառակը. ինչպես միշտ երգչուհու մոտ ստացվել է նախապես երկրպագուների շրջանում մեծ հետաքրքրություն առաջացնել՝ իր նոր տեսահոլովակի առնչությամբ։ Նախ հայտնվում է լուսանկար, որտեղ Սիրուշոն և Ավետ Բարսեղյանը, կարծես թե, աշխատում են երգի խոսքերի վրա, ապա ձայնագրման ստուդիայից լուսանկարներ, որտեղ երգչուհին ձայնագրում է կատարումը: Այս ամենին հաջորդում են երկու հոլովակներ, որոնք պատմում են նկարահանման գործընթացի ու երգի գործիքավորման մասին: Իսկ հիմա արդեն նոր լուսանկարները շարունակում են ավելի «բորբոքել» Սիրուշոյի երկրպագուների հետաքրքրվածությունը, քանի որ դրանք արված են արդեն տեսահոլովակի նկարահանման հրապարակից, սակայն ոչ մի հստակ պատկերացում չեն տալիս՝ ինչի մասին է երգը և ինչ է սպասվում երգչուհու երկրպագուներին:     ՝ 
ԼԻՆԴՍԵՅ ԼՈԽԱՆԻՆ ՊԱՐՏՔԵՐԻ ՊԱՏՃԱՌՈՎ ԴՈՒՐՍ ԵՆ ԱՐԵԼ ՀՅՈՒՐԱՆՈՑԻՑ

  Օրերս Լինդսեյ Լոխանին իր կուտակած պարտքերի պատճառով արգելել են մուտք գործել Լոս-Անջելեսի բոլորի կողմից սիրված հյուրանոցներից մեկը` “Chateau Marmont”-ը, քանզի նա հրաժարվել է մարել իր 46000 ամերիկյան դոլար պարտք հանդիսացող գումարը: Արտասովոր Լոխանը հյուրանոցում կեցություն է հաստատել շուրջ 1,5 տարի, բայց այդ ընթացքում երբևիցե վճարում չի կատարել: Նշենք, որ այդ ամիսների ընթացքում դերասանուհին բնակվել է բարձրակարգ համարում, պատվիրել է ուտելիք, ծխախոտներ  և այլ տարատեսակ ճոխություններ: Ի դեպ  մանրամասնենք, որ կուտակված պարտքի 3000 ամերիկյան դոլարը նա վատնել է ալկոհոլային խմիչքների վրա: Այս ամենից ելնելով հյուրանոցային համալիրի սպասարկող բաժինը և ադմինիստրացիոն համակարգը` վճարումները կատարելուց հետո խստիվ արգել են Լինդսեյի մուտքը հյուրանոց:   Նյութը պատրաստեց` Մարգարիտ Ավետիսյանը
ՍՈՆԱ ՌՈՒԲԵՆՅԱՆ. ″ՀԱՅ ՍՈՒՊԵՐՍԹԱՐ 5″-Ի ՀԱՂԹՈՂԸ ԻՐ ՆՈՐՈՒԹՅՈՒՆՆԵՐԻ ԵՎ ԱՊԱԳԱ ԾՐԱԳՐԵՐԻ ՄԱՍԻՆ

    Դեռևս “Հայ Սուպերսթար 5” ն մասնակցելու ընթացքում Սոնա Ռուբենյանը, շնորհիվ իր հզոր ձայնի և աշխատասիրության,  արդեն հասցրել էր սիրվել հայ հեռուստադիտողի կողմից: Համոզված ենք, որ մեր ընթերցողներից շատերին կհետաքրքրի, թե ինչով է այս պահին զբաղված երգչուհին և ինչ նորություններ կներկայացնի իր երկրպագուներին առաջիկայում: Սոնան armcatalog..ն պատմեց, որ երբեք չի մտածել, թե կմասնակցի “Հայ Սուպերսթար” նախագծին, թեև միշտ հետևել է մրցույթին: Սակայն 5-րդ եթերաշրջանի անոնսները դիտելիս` երգչուհին, ի վերջո, որոշեց մասնակցել և լրացրեց մասնակցության հայտը:  “Երգչի և երգչուհու կարիերայում շատ եմ կարևորում մրցույթները: Մրցույթի մասնակցելիս՝ երգիչը հենց ինքն է իր ուժերը փորձում և հասկանում է, թե ինչի է ընդունակ ինքը: Իսկ “Հայ Սուպերսթարը” ոչ միայն մրցույթ է, այլ նաև հայտնի դառնալու և հեռուստադիտողի կողմից սիրվելու հնարավորություն: Այդ նախագծից հետո երգչի հետագա գործունեությունն ավելի դյուրին է դառնում, որովհետև սկզբնական դժվարին ճանապարհն անցնելու հոգսն արդեն հոգացել է հեռուստաընկերությունը”,-նշում է Սոնան: Չնայած նախագիծը վերջերս է ավարտվել, բայց երգչուհին արդեն տարբեր երկրների հայ համայնքների կողմից համերգների առաջարկներ է ստացել: Ի դեպ, արդեն սեպտեմբերից երգչուհին կմասնակցի նոր նախագծերի: Մեր այն հարցին, թե, արդյոք, չի սպասվում նոր երգ կամ տեսահոլովակ, Սոնան պատասխանեց. “Հայ Սուպերսթար” նախագծում հաղթելով “Շանթ” հեռուստաընկերության կողմից նվեր ստացա երգ և տեսահոլովակ, որոնք շուտով կներկայացնեմ հեռուստադիտողին: Բացի դա ինքս ունեմ իմ կողմից գրված մի քանի երգ, որոնք նույնպես պատրաստվում եմ ձայնագրել”: “Հայ Սուպերսթար 5” հաղթող Սոնա Ռուբենյանն արդեն ունեցել է զուգերգ <> ռոք խմբի հետ: Երգչուհին կարծում է, որ հետագայում այդ երգը կձայնագրվի և կունենա տեսահոլովակ: “Շատ եմ հավանում իրենց աշխատանքը և սիրում եմ իրենց երգերը: Իսկ ընդհանրապես կուզեմ ելույթով հանդես գալ այն երգիչ-երգչուհիների հետ, ովքեր երգում և ներկայացնում են այնպիսի երաժշտություն, որն ինձ հոգեհարազատ է”,-նշեց Սոնան: Դե ինչ, “armcatalog..”-ը Սոնային նորանոր հաղթանակներ է մաղթում` հուսալով, որ մի օր նրա նման հզոր ձայնով երգչուհուն կտեսնենք աշխարհի խոշորագույն բեմերում:     Նյութը պատրաստեց Սյունե Առաքելյանը
“THE VOICE OF ARMENIA’’- ՀԱՂԹԵԼՈՒ ՀԵՐԹԸ ՔՈՆՆ Է

    Մեծ ու շքեղ բեմ, ճանաչում, հնարավորություն պայմանագիր կնքելու աշխարհահռչակ  UNIVERSAL MUSIC GROUP հետ: Այո′, սա այլևս ֆանտաստիկայի ժանրից չէ:  Արմենիա հեռուստաընկերությունը բացառիկ հնարավորություն է տալիս բոլոր նրանց, ովքեր չեն վախենում իրականացնել իրենց երազանքը: Մեկնարկում է “THE VOICE OF’’ համաշխարհային ճանաչում ունեցող, երգի ասպարեզում` աշխարհը հեղաշրջած նախագիծը: “Հայաստանի ձայնը” այսպես է կոչվում այն: Շտապենք նշել, որ այսուհետ կայքը համագործակցելու է “Հայաստանի ձայնը” նախագծի հետ: THE VOICE OF Նախագիծը մեկնարկել է շուրջ հիսուն երկրում` Անգլիա, Ամերիկա, Գերմանիա, այլ շատ երկրներ և արդեն նաև Հայաստան: Ցուցադրվել է այնպիսի հեղինակավոր հեռուստատեսություններով, ինչպիսիք են  BBC-ն, NBC-ն, ОРТ-ն:  Նախագիծը բաղկացած է մի քանի փուլից` քասթինգ, կույր լսումներ, ռինգային փուլ, գալա համերգ: Ի տարբերություն երաժշտական այլ նախագծերի, որտեղ մասնակիցը ընտրվում է շնորհիվ նաև իր արտաքնի, THE VOICE OF-ում կարևորվում է միայն տաղանդը, ձայնը: Այստեղ քաջալերվում է միայն առողջ մրցակցությունը: Սրա ապացույցն է կույր լսումներ փուլը:  Այս փուլում ժյուրիի չորս անդամները էլ ավելի պիտի լարեն իրենց լսողությունը, քանի որ ընտրելու են առանց մասնակցին տեսնելու` մեջքով շրջված դեպի բեմը:  Երբ արդեն ժյուրիի անդամներից մեկը կատարի իր ընտրությունը և սեղմի “ Ես ընտրում եմ քեզ” կոճակը, այդ ժամանակ միայն կարող է շրջվել և տեսնել մասնակցին: Իսկ եթե ժյուրիի անդամներից մի քանիսը միաժամանակ սեղմեն կոճակը, ապա մասնակիցը ինքը կընտրի իր մարզչին: Կույր լսումներ փուլում մասնակիցների առավելագույն քանակը 125-ն է, որից հաջորդ փուլ կանցնի միայն 48 հոգի: Հաջորդ փուլը ռինգային փուլն է: Բեմը վերածվում է իսկական բոքսի ռինգի, որտեղ մրցում են միայն ու միայն տաղանդով: Իսկ հաղորդավարը այդ փուլում վերածվում է բռնցքամարտի մրցավարի: Ռինգային փուլում մրցում է 6 դուետ, որից հաջորդ փուլ է անցնելու դուետներից միայն մեկը: Իսկ ո՞ր մեկը, ընտրում է նրանց մարզիչը: Եվ իհարկե վերջում գալա համերգ: Սրա ժամանակ բացի անհատական կատարումներից, մասնակիցները նաև հանդես կգան անակնկալ կատարումներով իրենց մարզիչների հետ, ասել է թե` ժյուրիի անդամների հետ: Մեծ շոու, շլացուցիչ լույսեր, հրաշալի ձայն, այս ամենը կտեսնի հանդիսատեսը համերգի ժամանակ, որից հետո էլ, ինքը ևս կունենա հնարավորություն, ժյուրիի հետ միասին, ընտրելու հաղթողին:  Նախագծին մասնակցելու համար պետք է լրացնել մասնակցության հայտը http://thevoice.armeniatv./, տարիքը պետք է 16ց բարձր լինի: Նախագծի հետագա զարգացումներին կարող եք հետևել http:/// կայքում, ինչպես նաև “Հայաստանի ձայնը” նախագծի ֆեյսբուքյան պաշտոնական էջում  http://www.facebook./TheVoiceOfArmenia:     Նյութը պատրաստեց Քրիստինա Բոյաջյանը
Քեթրին Զետա-Ջոնսը բուժվել է մոլագարային-դեպրեսիվ փսիխոզից

        Հայտնի դերասանուհի Քեթրին Զետա-Ջոնսը խոստովանել է, որ քիչ էր մնում ինտերնետի մոլուցքով տառապող մոլագար դառնար։ Աստղը նշում է, որ այնուամենայնիվ կարողացավ դուրս գալ ծանր դեպրեսիայից, երբ դադարեց օգտվել ինտերներտից եւ այնտեղ իրեն նվիրված հրապարակումներ փնտրել։  «Ինտերնետից հրաժարվելն իմ որոշումներից ամենախելմիտն էր», - մեջբերում է Քեթրինի խոսքերը բրիտանական The Daily Telegraph թերթը։ Հիշեցնենք, որ 2011 թվականի ապրիլին դերասանուհին երկբեւեռ խանգարումով (մոլագարային-դեպրեսիվ փսիխոզ) տեղափոխվել էր ամերիկյան ամենալավ վերականգնողական կենտրոններից մեկը։ Այդ ժամանակ նրա ամուսինը վերականգնվում էր կոկորդի քաղծկեղից հետո։ Դերասանուհին իր կյանքի վերջին երկու տարիները բնութագրել է որպես «ինտենսիվ ժամանակահատված։ Ի վերջո, սկսում ես հասկանալ՝ ինչ ես քեզնից ներկայացնում դու, եւ ինչ է իրենից ներկայացնում ամուսինդ։ Սովորում ես գնահատել այնպիսի մանրուքներ, ինչպիսին է պատշգամբում թեյ խմելը», - ասում է Զետա-Ջոնսը։     `     Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝               
«ԿՅԱՆՔԻ ԿԱՌՈՒՍԵԼ» ՆԱԽԱԳԾԻ ԴԵՐԱՍԱՆ ԳԱՐԻԿ ՀՈՎՀԱՆՆԻՍՅԱՆԻ ՆՈՐ ՖԻԼՄԸ

  «Կյանքի կառուսել» սերիալի դերասան Գարիկ Հովհաննիսյանը նոր գեղարվեստական ֆիլմ է նկարահանել: Արմինե Ադամյանի արտադրության ֆիլմը կարճամետրաժ, խաղարկային է: Ռեժիսորն ու սցենարիստը հենց ինքը` Գարիկ Հովհաննիսյանն է: Պատմության մեջ ներգրավված են 5 կերպար` Ռուզան Վիտ Մեսրոպյան, Հերմինե Համբարձումյան, Մարիամ Գրիգորյան, Գարիկ Հովհաննիսյան և վերջինիս դուստր Սոնա Հովհաննիսյան: armcatalog.. հետ զրույցում Գարիկը ֆիլմի ժանրը բնութագրեց` որպես մելոդրամա, որը պատկերում է մի սիրո պատմություն: Սիրող զույգը ցանկանում է երեխա ունենալ, բայց ինչնչ պատճառներով չի կարողանում: Սակայն լսարանին սպասվում է անակնկալ զարգացում, որը կեզրափակվի լուսավոր ավարտով: Այժմ ֆիլմը մոնտաժման փուլում է: Պրեմիերան սպասվում է սեպտեմբերին:    Գարիկ Հովհաննիսյանի էջը կարող եք տեսնել այստեղ` ԳԱՐԻԿ ՀՈՎՀԱՆՆԻՍՅԱՆ   Նյութը պատրաստեց Գոհար Հակոբջանյանը
ՌԻՓՓԻ. ԵՐԳՉՈՒՀՈՒ ԱՌԱՋԻԿԱ ՊԼԱՆՆԵՐԸ

  «Կարգին սերիալ» 4-րդ եթերաշրջանում հեռուստադիտողը ականատես եղավ մեր շոու բիզնեսի ամենահամարձակ և տարբերվող երգչուհիներից մեկի` Ռիփփիի դերասանական խաղին: Մոնիկայի կերպարը, կարծես թե, սիրվեց հեռուստադիտողի կողմից: Այդ իսկ պատճառով  armcatalog.. կայքը կապ հաստատեց երգչուհու հետ`փորձելով պարզել, թե արդյո՞ք վերջինս նկարահանվելու է հեռուստասերիալի նոր եթերաշրջանում: Երգչուհին նշեց, որ դեռևս չի կարող հստակ պատասխան տալ այդ հարցին, քանի որ իր պայմանագիրը 4-րդ եթերաշրջանի հետ էր կապված: Խոսելով սերիալներից` Ռիփփին նշեց, որ նկարահանվելու այլ առաջարկներ էլ է ստացել, որոնց մասին կլսենք առաջիկայում: Ինչ վերաբերում է նոր տեսահոլովակներին, երգչուհին ասաց, որ աշնանը սպասվում է նոր տեսահոլովակ, որը սակայն Հայաստանում չի ցուցադրվելու:    Նյութը պատրաստեց` Սյունե Առաքելյանը
; : :