Besplatnoetut.ru

НОВОСТИ ОТ Besplatnoetut.ru

Rock and roll հայկական հարսանիքի ժամանակ.

    ՏԵՍՍՆՅՈՒԹ   Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝  
«Վիա Գրա»-ն այլևս գոյություն չունի

  «Վիա Գրա» երաժշտական խումբը դադարել է գոյություն ունենալ: Դրա մասին Life Showbizն տեղեկացրել է խմբի պրոդյուսեր Կոնստանտին Մելաձեն: ««Վիա Գրա» խումբն այլևս գոյություն չունի»,-  ասել է Մելաձեն՝ վերջակետ դնելով ռուսական և ուկրաինական աղջիկների ամենասեքսուալ խմբի պատմությանը, - «Ամբողջ պատճառը նրանում է, որ ես այլևս իմաստ չեմ տեսնում նրա հետագա գործունեության մեջ: Կարելի է ասել, որ այդ ամենն ինձ հոգնեցրել է և ես որոշեցի ավարտել այս նախագիծը»: Life Showbiz-ը նախկինում տեղեկացրել էր, որ խումբը գտնվում է փլուզման եզրին: Դրա մասին վկայում էր խմբի ներսում կատարվող մշտական փոփոխությունները: Վերջին կաթիլը եղավ խմբի մենակատար Սատնի Դիմոպուլիսի սկանդալային հեռանալը խմբից, ով հաջող ամուսնացել էր և որոշել էր հեռանալ նախագծից: Դրանից հետո խմբում մնացել էին միայն երկու մենակատար՝ Եվա Բուշմանը և Ալբինա Ջանաբայևան: «Վիա Գրա» խումբը ստեղծվել էր 1999թ. Կոնստանտին Մելաձեի կողմից: Հիմնադրման օրվանից խմբի անդամները փոխվել են 16 անգամ: «Վիա Գրա» ակտիվում կա 5 ձայնասկավառակ, նկարահանումներ հեռուստատեսային 4 մյուզիքլներում, 30ց ավել տեսահոլովակներ: «Վիա Գրա» խումբը նվաճել է բազմաթիվ մրցանակներ, այդ թվում «Ոսկե սկավառակ» և « Ոսկե պատեֆոն» մրցանակները:   `tert.   Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝     
ԹՈՎՄԱՍ ՊՈՂՈՍՅԱՆԸ ԲԱՎԱԿԱՆԻՆ ՀԵՌՈՒ Է ՇՈՒԲԻԶՆԵՍԻՑ...

Կարծում եմ բոլորին կհետաքրքրի, թե ՀՀ ժողովրդական արտիստ, բանասիրական գիտությունների թեկնածու, Կոմիտասի անվան պետական կոնսերվատորիայի պրոֆեսոր և ''Սայաթ-Նովա'' աշուղական երգի վաստակավոր անսամբլի գեղարվեստական ղեկավար Թովմաս Պողոսյանի կարծիքն այսօրվա մեր շոուբիզնեսի մասին: -Շոուբիզնես բառն, արդեն ինքնին  ասում է, որ դա ավելի շատ բիզնես է, գործարարություն, քան  բարձր արվեստի հետապնդում: Ես բացարձակապես հեռու եմ այդ բնագավառից: Եվ նույնիսկ հեռվից ճանաչելով` ինձ չի հուզում այդ երևույթը: Իսկ այն հարցին, թե այդ պեպքում ինչպես կպարզաբանեք, որ ձեր դուստրը`Սերինե Պողոսյանը նույն այդ ոլորտում է, և ավելի շատ  էստրադային երգեր է կատարում, քան գուսանական, Թովմաս Պողոսյանը պատասխանեց՝ -Նախ ասեմ, որ աղջիկս դեռ տասը տարեկանից սովորում է Ջիվանու անվան աշուղական դպրոցում:  Եթե նկատի ունեք տեսահոլովակները, ապա ասեմ, որ հենց նրա առաջին տեսահոլովակը եղել է աշուղ Լեյլու «Հայրիկ ջան» երգը: Հետո ցանկություն հայտնեց փորձել էստրադային ժանրում, և ես դեմ չեղա:  Չեմ ուզում գովել նրան, բայց  նա բավականին լուրջ աղջիկ է: Իմ պահանջն ու սկզբունքը մեկն է եղել` ասել եմ, աղջիկս ինչ էլ որ անես, պիտի անես արվեստի և բարձր ճաշակի պրոֆեսիոնալի շրջանակներում: Այդպես էլ արվել է: Խորապես համոզված եմ, որ Սերինեն դառնալու է իր հայրիկի շարունակությունը ժանրային իմաստով: Նա երգելու է  ժողովրդական և աշուղական երգեր, որով իմ համոզմամբ ավելի ճիշտ կդրսևորի իրեն մեր ժողովրդական , ազգային երգարվեստում: Նյութը պատրաստեց՝ Նելլի Անդրեասյանը
ԿԱՄՈ ՍԵՅՐԱՆՅԱՆ ԵՎ ORBITAL SCIENCES.ՄԵԾ ՀԱՄԵՐԳ ՀԱՆՐԱՊԵՏՈՒԹՅԱՆ ՀՐԱՊԱՐԱԿՈՒՄ

  Այսօր դուդուկահար Կամո  Սեյրանյանը ն տեղեկացրեց, որ սեպտեմբերի 21ն Հանրապետության Հրապարակում, Orbital Sciences  աշխարհահռչակ երաժշտական խմբի հետ պատրաստվում են ներկայանալ մեծ համերգով, խումբը արտասահմանից ժամանել է` համերգին մասնակցելու համար: <<Այժմ էլ փորձերի ենք, և խմբի հետ միասին աշխատում ենք հանրությանը ներկայանալ հետաքրքիր համերգով>>-հավելեց Սեյրանյանը: Իսկ մի քանի ամսից երաժիշտը կպատրաստի նոր տեսահոլովակ, սակայն այժմ մեծ եռանդով պատրաստվում է համերգին: Այն հարցին,թե արդյոք զավակները կշարունակեն իրենց հայրիկի գործը, Սեյրանյանը պատասխանեց. -Արդեն երեխաներս զբաղվում են երաժշտությամբ, սակայն ոչ դուդուկ` տղաս երգում է, նվագում դաշնամուր, իսկ դուստրս զբաղվում է միայն երգով: Դե ինչ, մենք մաղթում ենք Կամո Սեյրանյանին հաջողված համերգային ծրագիր:   Նյութը պատրաստեց` Արևիկ Ավետիսյանը
Կնոջ հետ պետք է հաճելի լինի ոչ միայն անկողնում. ԱԼԵՔՍԱՆԴՐ ԲԱԲԱՍՅԱՆ

    Շնորհավորում եմ  ամուսնության կապակցությամբ:  Ամուսնությունից հետո շա՞տ բան է փոխվել Ձեր կյանքում:   Ամուսնությունից հետո կտրուկ շրջադարձն այն էր, որ զգացի` ինչքան երջանիկ եմ:   «Ի՜նչը կհաղթեր կյանքում հերոսին, թե չլինեին կինն ու գինին». կխնդրեի  Ձեր մեկնաբանությունը. համաձա՞յն եք, որ կանայք այդպիսի մեծ ուժով են օժտված:   Իրականում համաձայն եմ`կանայք այդպիսի մեծ ուժով են օժտված, սակայն մեր իրականության մեջ մի քիչ դժվար կլինի, եթե տղամարդը կայացած է: Կինը կարող է հաղթել, եթե տղամարդն է այդ հնարավորությունը տալիս, իսկ առհասարակ ինչքան էլ կինն ուժեղ լինի, միեւնույնն է, տղամարդու ունակությունները, գաղափարը մի քայլ առաջ են կնոջից: Ես շատ եմ հարգում կանանց, բայց կարծում եմ`կանայք իշխելու, հրամայելու ու հաղթելու համար չեն ստեղծված, նրանք ավելի շուտ իրենց երջանիկ պետք է զգան պարտվողի կարգավիճակում` սիրելի տղամարդու կողքին. կինը միշտ էլ կարիք ունի սիրված ու պաշտպանված զգալու:       Ձեր  կինը շոու- բիզնեսից չէ, ճի՞շտ եմ:   Այո՛:    Իսկ եթե լիներ, դա կարո՞ղ էր Ձեզ համար խանգարող հանգամանք հանդիսանալ նրա հետ ընտանիք կազմելու հարցում:   Դե շոու-բիզնեսից չէ, դրա համար էլ իմ կինն է:   Փաստորեն, եթե լիներ, դա Ձեզ կխանգարեր:   Այո՛. ես երբեք չեմ պատկերացրել`իմ կինը կարող է լինել շոու-բիզնեսից. բացառվում էր, դա իմ սուբյեկտիվ  կարծիքն է, իմ տեսանկյունը:   Մասնագիտությամբ  պատմաիրավաբան, տնտեսագետ, իսկ ինչպե՞ս ստացվեց, որ հայտնվեցիք դերասանական աշխարհում:   Սկզբնական շրջանում արտաքին տեսքս ինձ օգնեց, նաեւ ռեժիսոր ընկերներ ունեմ, ովքեր ինձ աջակցեցին:        Ձեր հարցազրույցներից մեկում նշել եք, որ ճիշտ է՝ չունեք թատերական կրթություն, բայց  ունեք ի վերուստ տրված դերասանական տաղանդ:  Եթե առաջարկութուն ստանայիք խաղալու նաև թատրոնում, կհամաձայնե՞իք. միայն տաղանդը բավարար կհամարեի՞ք:   Թատրոնում խաղալու համար շատ ժամանակ է պետք, ինչպես նաև թատերական կրթություն, չնայած կրթությունն առանց պրակտիկայի զրո է… Հիմա ես ունեմ այդ պրակտիկան, գուցե թատրոնի համար դա դեռ բավարար չէ, բայց եթե հետագայում կարիք լինի, ապա այդ բացը կլրացնեմ: Եթե անկեղծ լինեմ, առաջարկ հիմա էլ կա, պարզապես իմ անձնական բիզնեսն ունեմ ու ժամանակի առումով չեմ հասցնի, իսկ թատրոնում խաղալու համար  շատ ժամանակ ու էներգիա է պետք:    Ի՞նչ եք կարծում, ամենօրյա աշխատանքը պրոֆեսիոնալ դերասանների հետ կնպաստի՞ նրան, որ ժամանակի ընթացքում ինքներդ Ձեզ համարեք ոչ միայն տաղանդավոր, այլ նաև պրոֆեսիոնալ դերասան:   Այո՛. աշխատում եմ իսկապես պրոֆեսիոնալների հետ, ես մի անուն կնշեմ միայն` Արմեն Էլբակյան. նրա հետ խաղալը  ու կադրից դուրս մի կես ժամ շփումը հավասար է մի ամբողջ ամսվա դասընթացի: Առհասարակ, Արթուր Կարապետյանի, Արմեն Էլբակյանի հետ խաղալը մի  քայլ առաջ է այն կրթությունից, որ կարելի է ստանալ թատերականում:       Հնարավո՞ր է` ինչ-որ ժամանակ հետո հրաժարվեք սերիալներում նկարահանվելուց:   Երեւի  թե, ո՛չ: Նկարահանվում եմ նաեւ գեղարվեստական ֆիլմում:   Առաջին փո՞րձն է գեղարվեստական ֆիլմում:   Այո՛:   Փիլիսոփաներից մեկն ասել է`«երբ տղամարդն ասում է կնոջն իր մեղքեիր մասին, ապա սովորաբար այն պատճառով, որ դրանց ավելացնի ևս մեկը». կարծում եք, դա հատո՞ւկ է տղամարդկանց:   Լավ է ասել (ծիծաղում է): Կարծում եմ` եթե տղամարդը ինչ-որ մեղք է գործում ու պատմում իր սիրելի կնոջը, ապա դա չի խոսում մեծ սիրո մասին, իսկ ընդհանրապես կարծում եմ`հնարավոր է, որ տղամարդը իր մեղքերը խոստովանի կնոջը` դրանց եւս մեկը ավելացնելու նպատակով:   Ո՞րն  է կնոջ ամենամեծ ակնկալիքը սիրելի  տղամարդուց, ըստ Ձեզ:   Զգալ կանացի երջանկություն, վերջինս մեջ ամեն ինչ է մտնում:    Ձեր կնոջ հանդեպ սերն առաջին հայացքից է եղե՞լ:   Ո՛չ. դա մի քիչ ավելի դեռահաս տարիքում է լինում, սիրում են, որովհետև դեռ պատանի են, դեռ գաղափարապես հասուն չեն, իսկ հասուն տարիքում այդպես չի լինում. դու մարդուն պետք է սիրես իր բնավորությամբ, իր ներաշխարհով, իր հավատարմությամբ ու իր ամեն ինչով, իսկ դա առաջին հայացքից չի կարող լինել:   Ամենաառաջինը  ի՞նչը Ձեզ գրավեց նրա մեջ :   Ամեն ինչն է գրավել, բայց ուզում եմ հիշել` առաջինն ինչն էր (մտածում է), երևի թե ընդհանուր կերպարը` նիստուկացը, խոսքը, կարգուկանոնը, որ կա իր մեջ, այս ամենն առաջին հանդիպումից տպավորվեց, որը հետագայում վերածվեց շատ մեծ սիրո:   Եթե չեմ սխալվում, մոտ մեկ ամիս է, ինչ ամուսնացած եք. համատեղ ապրելը, կենցաղը հասցրե՞լ են փոխել ինչ-որ բան ձեր հարաբերություններում:   Այդքան էլ շատ բան չի փոխվել, ուղղակի ամեն ինչը դարձել է համատեղ, որն էլ ավելի ամրացնում ու ջերմացնում է հարաբերությունները:   Հայ կանանց ու աղջիկների մեջ կա՞ մի բան, որ Ձեզ հունից հանում է, նյարդայնացնում:   «Նաիրյան բուրմունքը» չկա: Ինչքան էլ դեպի Եվրոպա գնանք, այդ բուրմունքը պետք է մնա, ցանկացած իրավիճակում աղջիկները պետք է մի քիչ հեզ ու հնազանդ լինեն , ամեն դեպքում դա է գնահատվում:   Կանանց հավերժական  բողոքները տղամարդկանցից արդարացվա՞ծ են:   Կանանց բողոքները, կարծում եմ, կապված են ավելի լուրջ գործոնների հետ, օրինակ` տղամարդու կյանքում ուրիշ կնոջ լիենլու փաստի… Ընդհանուր առմամբ այդ բողոքներն արդարացված են.  տղամարդիկ որպես կանոն դավաճանում են:     Իսկ որպես տղամարդ ի՞նչ խորհուրդ կտաք կանանց, նման դեպքերում ինչպե՞ս վարվել:   Ինքս բնույթով հավատարիմ ու կայուն մարդ եմ. եթե սիրում եմ, նշանակում է`հավատարիմ եմ ու դիմացինից էլ եմ ակնկալում հավատարմություն: Ամեն դեպքում, եթե ընտանիքում քայքայված մթնոլորտ է, անգամ երեխաների գործոնը չպետք է խանգարի հեռանալ. ինչքան էլ երեխաների երջանկությունը կարեւոր լինի, մարդն ինքն իր կյանքը չպետք է կործանի: Պարզապես  պետք է ամեն ինչ անել`հարցը դրան չհասնի, ու ընտանիքում մաքսիմալ ջերմություն ստեղծել:    Կանանց պետք է սիրե՞լ, թե՞ հասկանալ, հետո սիրել:   Կանանց ամբողջ կյանքի ընթացքում էլ կարելի է նորովի բացահայտել, պետք է պարզապես շատ չփորփրել… Գալիս է մի պահ, որ պետք է կանգ առնել: Փիլիսոփաներից մեկն էլ ասել է.«Այն, ինչը փակ է, կարող է լինել անսահման»: Եթե կանայք ինչ-որ փակ կետեր ունեն, դրանք կարող են լինել անսահման, իսկ անսահմանության ձգտող մարդը իրականում կորցնում է ամեն ինչ, դրա համար պետք է հասկանալ`երբ կանգ առնել:    Ի՞նչ է պահանջվում զույգերից ներդաշնակ ու կայուն ընտանիք ունենալու համար:   Գիտակցություն: Մարդիկ շատ դեպքերում առաջնորդվում են բնազդներով, օրինակ  հնարավոր է` շատ կանայք անկողնում լավն են, բայց արդյոք որպես կին լավը կլինե՞ն, նման բաները պետք է հաշվի առնել ու անգամ այն նախաճաշը, որ կինը դնում է, պետք է հաճույքով ուտել, ոչ թե ուտել նրա համար, որ սոված ես: Ամեն փոքրիկ թվացող դետալ պետք  է հաշվի առնել` միասին ճաշելը, զբոսնելը, ներկայացում գնալը. այս ամենի մեջ պետք  է կողքիդ տեսնես միայն կնոջդ, իսկ եթե այդպես չէ ու մարդկանց միմյանց կապում են միայն մարմնական հաճույքները, ապա դա որոշ ժամանակ հետո կվերանա:  Դրա համար եմ ասում` մարդուն պետք է ամենակարեւորը` գիտակցություն`ճիշտ ընտրություն կատարելու:     Հարցազրույցը՝ Շողիկ Գալստյանի   ՝ lady   Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝  
ԱՂՋԻԿՆԵՐԻ ՊԱՏՃԱՌՈՎ ՔԻՉ ԷՐ ՄՆՈՒՄ ԵՐԳԻՉՆԵՐԸ ՎԻՃԵԻՆ

  Վերջերս, Կրեեդը Ալեքսեյ Վորոբևի հետ համատեղ ձայնագրել էին «Больше чем любовь» երգը: Սակայն երգիչները դրանով չցանկացան բավարավել և որոշեցին այդ երգի հիման վրա տեսահոլովակ նկարահանել: Իսկ տեսահոլովակի սցենարները պետք է առաջարկեին նրանց երկրպագուհիները, և ինչպես խոստացել էին տղաները` հաղթողը պետք է նկարահանվեր հենց այդ տեսահոլովակում: Բայց, ցավոք, չստացվեց: Եվ միայն այն պատճառով, որ երկրպագուհիների ուղարկած սցենարներն այնքան հաջողված էին, որ Լեշան և Եգորը չկարողացան ընտրել դրանցից լավագույնը: Նրանք որոշում են ընտրել յուրաքանչյուր սցենարից ամենաթեժ հատվածները և դրանցով իսկ գրել մեկ ամբողջական սցենար: Այսինքն ծաղկաքաղ անել: Եվ արդյունքում ստացվում է հետևյալը.- տղաները ընկերներ են, ովքեր երջանիկ  սիրահարների կերպար են մարմնավորում: Եվ ահա, շատ պատահական, մի ընկերը հանդիպում է իր երազների աղջկան և չի պատկերացնում, թե ճակատագիրը ինչ թակարդ է պատրաստել իրենց համար:    Նյութը պատրաստեց` Արևիկ Ավետիսյանը
ՌՈՒԶԱՆ ԱՎԵՏԻՔՅԱՆ. ՇՈՒՏՈՎ ՆՈՐ ՏԵՍԱՀՈԼՈՎԱԿ

  Ժողովրդական ու Էստրադային երգերի կատարող, Կոնսերվատորիայի դասախոս, գեղեցկուհի Ռուզան Ավետիքյանն իր երկրպագուներին կմատուցի անակնկալ: Իսկ ի՞նչ անակնկալ է, պարզել –ը: Վերջինիս հետ զրույցում երգչուհին նշեց, որ մինչև հեկտեմբեր հանրության դատին կհանձնի իր նոր տեսահոլովակը: Նաև հավելեց, որ շուտով, համերգային ծրագրով այլ երգիչ-երգչուհիների հետ կմեկնի Ռուսաստան: Իսկ մեր այն հարցին, թե սպասվու՞մ է մենահամերգ Հայաստանում, երգչուհին պատասխանեց. -Դեռ ոչ: Մեզ մնում է սպասել երգչուհու նոր տեսահոլովակին և հուսալ, որ այս տարի նրա կողմից անակնկալները շատ կլինեն:   Նյութը պատրաստեց Քրիստինա Բոյաջյանը
; : :