Besplatnoetut.ru

НОВОСТИ ОТ Besplatnoetut.ru

ԲՐԵԴ ՓԻԹԹԸ ՇՆՈՐՀԱՎՈՐԵԼ Է ԻՐ ՆԱԽԿԻՆ ԿՆՈՋԸ

  Դերասանուհի Ջենիֆեր Էնիսթոնը նշանվել է դերասան ու սցենարիստ Ջաստին Թերուի հետ: Համաձայն “People” ամսագրի հրապարակումների` Ջենին ընդունել է իր սիրեցյալի ձեռքի և սրտի առաջարկը: 41-ամյա Թեուրեյի համար այն կլինի առաջին ամուսնությունը, իսկ 43-ամյա դերասանուհին խորանին ընդառաջ կգնա երկրորդ անգամ. 2000-2005 թվականներին նա պաշտոնապես հանդիսանում էր սիրված դերասան Բրեդ Փիթթի կինը: Հիշեցնենք, որ վերջերս դերասանուհին անընդհատ ջերմ հարաբերություններ էր հաստատում նախկին ամուսնու հետ: Ի դեպ խաժակն դերասանը հրճվանքով շնորհավորել է նախկին կնոջը նշանադրության կապակցությամբ: “Showbis Spy” ինտերնետային խմբագրությունը տարածել է այն լուրը, որի համաձայն Բրեդը նորությունն իմանալուն պես զանգել է Ջենիֆեր Էնիսթոնին և մաղթել է նրան հարատև երջանկություն: Շնորհավորանքներն ու հուսադրումները եղել են փոխադարձ. Անջելինա Ջոլին և Բրեդ Փիթթը մոտ ժամանակներս նույնպես ամուսնանալու են, իսկ Ջենին գիտեր այդ մասին: Բարեհամբույր Էնիսթոնը նրանց ցանկացել է ամենայն բարիք և կայուն ընտաիք:   Նյութը պատրաստեց` Մարգարիտ Ավետիսյանը
Շանթը շարունակում է չակերտավոր տաղանդների հայտնաբերումը.

      Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝  
Դեմի Մուրը և Էշթոն Կաթչերը կրկին միավորվել են բարեգործության համար

  Հոլիվուդյան դերասաններ Դեմի Մուրն ու Էշթոն Կաթչերը կրկին պատրաստ են միավորվել, իհարկե, միայն հանուն բարեգործության: Նախկին սիրեցյալները որոշել են մոռանալ բոլոր վիրավորանքները և համագործակցել իրենց բաեգործական հիմնադրամում՝ THORN. Digital Defenders of Children:   «Վերջին երեք տարիների ընթացքում մենք մեր ողջ ջանքերը ներդրել ենք հիմնադրամի գործունեության վրա, որը պայքարում է երեխաների սեռական շահագործման դեմ: Մեր գլխավոր խնդիրն է դարձել պաշտպանել երեխաներին սեռական շահագործման հանցանքից»,-ասվում է Էշթոնի և Դեմիի պաշտոնական հայտարարությունում:   ՝ lurer.   Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝  
«Կենդանի տիկնիկ» Վալերիան` լուսանկարներով. Ֆոտո

    Վալերիա Լուկյանովան, ով հայտնի է որպես «կենդանի տիկնիկ», հայտնվել է V Magazine շապիկին: Ուկրաինուհոին ֆոտոսեսիայի համար հատուկ հրավիրել են Նյու Յորք: Աղջիկը խուսափել է նշել իր տարիքը, ինչպես նաև նշել է իրեն տրված անունը` Ամատուե:    `HayNews.     Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝           
Ո՞ր նորածինն է համարվում առողջ

  Մոր օրգանիզմից պտղի անջատման պահից, այսինքն՝ պորտալարը կտրելուց և երեխայի աոաջին շնչառությունից hետո, սկսվում է երեխայի կյանքի նոր ժամանակաhատվածը՝ նորածնային շրջանը։ Երեխան նորածին է hամարվում մինչև 4 շաբաթական տարիքը։ Այս շրջանի գլխավոր առանձնաhատկությունն այն է, որ նորածին երեխայի օրգանիզմը սկսում է hարմարվել արտաքին միջավայրի պայմաններին։ Առաջին ներշնչման hետ hաստատվում են նրա թոքերի շնչական ֆունկցիան և արյան ինքնուրույն շրջանառությունը, սկսում են գործել մարսողական և արտաթորական օրգանները։ Այս շրջանի hամար բնորոշ է նաև այն, որ երեխան hարմարվում է արտարգանդային գոյության պայմաններին այն դեպքում, երբ նրա օրգանիզմի hիմնական ֆունկցիաները դեռևս գտնվում են անկայուն hավասարակշռության վիճակում։ Նորածնի կենսական կարևոր օրգանների և hամակարգերի գործունեությունը hիմնականում կախված է նրա օրգանիզմի կազմաբանական և ֆունկցիոնալ hասունության մակարդակից։   Հասուն նորածնի մարմնի զանգվածը և հասակն անհատական են՝ կախված ծննդկանի առողջական վիճակից և տարիքից, սնուցման ռեժիմից, hղիության ընթացքից, ծննդաբերությունների թվից, երեխայի սեռից, ծնողների կառուցվածքային առանձնահատկություններից և այլ պատճառներից։   Նորածնի հասակը տատանվում է 45-56 սմ (միջինը՝ 48–52սմ), մարմնի զանգվածը՝ 2500-6000 գ (միջինը՝ 3200-3500 գ) սահմաններում (տե՚ս աղյուսակը)։   Նորածնի ընդհանուր վիճակի որոշման համար մեծ նշանակություն ունի նրա օրգան-համակարգերի գործունեության գնահատումը։ Այդ նպատակով լայնորեն օգտագործվում է Ապգարի սանդղակը (ըստ նիշերի), որը կլինիկական 5 հատկանիշ է ընդգրկում։ Հաշվի է առնվում սրտի կծկումների հաճախականությունը, շնչառության հաճախականությունն ու խորությունը, նյարդային համակարգի ռեֆլեքսային դրդելիությունը, մկանային տոնուսի վիճակը, մաշկային ծածկույթների գունավորումը։ Լավ արտահայտված հատկանիշը գնահատվում է 2 նիշով, անբավարարը՝ 1 նիշով, բացակայումը կամ շեղումը՝ 0 (տե՛ս աղյուսակը)։   Նորածինը համարվում է գործնականում առողջ, եթե ցուցանիշների գնահատման ընդհանուր գումարը կազմում է 7-10 նիշ։ Նորածինները, որոնք ունեն 4-6 նիշ, գնահատվում են որպես միջին ծանրության, իսկ 1-3 նիշով՝ ծանր վիճակում ծնվածներ։ 0 դեպքում արձանագրվում է կլինիկական մահ:   Նորածնի վիճակը գնահատվում է ծնվելուց 1 րոպե հետո, այնուհետև կրկնակի՝ 5 և 30 րոպե անց։   Հատկապես մեծ ուշադրությամբ պետք է զննել անհաս, շնչահեղձուկով (ասֆիքսիայով) ծնված, ծննդաբերական վնասվածքի նշաններ ունեցող նորածիններին։   Կրկնակի կատարվող գնահատումը հնարավորություն է տալիս հետևելու նշանակված բուժման արդյունավետությանը և բավարարությանը, ինչպես նաև անհրաժեշտության դեպքում նշանակել համապատասխան բուժում։   Հեղինակ: Վ.Ա. ԱստածատրյանՍկզբնաղբյուր: Կլինիկական մանկաբուժություն: med-practic.   Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝  
Ողջո՜ւյն միջին աշխատավարձ ստացող ու "խոպանից" ուղարկված գումարներով "յոլլա" գնացող ՀՀ քաղաքացի՛:

  Աշխարհի ամենաթանկ արժույթները ՀՀ դրամի համեմատությամբ   Ողջո՜ւյն միջին աշխատավարձ ստացող ու "խոպանից" ուղարկված գումարներով "յոլլա" գնացող ՀՀ քաղաքացի՛: Չնայած մեր երկրում տնտեսական վայրիվերումներին ու ֆինանսական խնդիրներին` ունեմ մի հետաքրքիր զբաղմունք, այն կոչվում է բոնիստիկա կամ նումիզմատիկա, այսպիսի հոբբիով "տառապում են" շատ-շատերը: Իրականում սա տարբեր երկրների թղթադրամներ կամ մետաղադրամներ հավաքելու սովորությունն է: Այսպիսով որոշել եմ իմ նախասիրություններով երբեմն կիսվել նաև մեր ընթերցողների հետ: Այս անգամ կանդրադառնամ աշխարհի ամենաթանկ արժույթներին ՀՀ դրամի համեմատությամբ:    ՀԳ. Արտարժութային հաշվարկներում հնարավոր են մի-քանի լումայի շեղումներ, ներեցե՛ք անշնորհ "տնտեսագետիս" ;)   10. GEL Մեր հարևան վրացիներն իրենց "ցխելի սիմիդիով" ու  ազգային արժույթով հանգրվանել են այս հորիզոնականում: 1 վրացական լարի = 244,43 ՀՀ դրամ   9. USD Թեկուզ և նրանց երբեմն հիմար են անվանում, բայց միևնույնն է, նրանց ազգային արժույթն ամենահայտնին է աշխարհում: 1 ԱՄՆ դոլար = 407.71 ՀՀ դրամ   8. AZN Թեկուզև նրանք կորցրել են իրենց արժանապատվությունը, տանուլ են տվել պատերազմում, սակայն նավթային պաշարներն օգնում են պահպանել "ազգային" արժույթի դիրքերը: 1 ադրբեջանական մանաթ = 519,51 ՀՀ դրամ   7.EUR Հին աշխարհամասը միավորվել է մեկ կառույցի մեջ, սակայն ամեն ինչ այնքան էլ հարթ չէ այնտեղ, ինչպես թվում է: Բայց Եվրոպան կարող է պարծենալ իր ընդհանուր ձեռքբերումով... երևի միակը, որն անփոփոխ է ու չի զիջում իր դիրքրը: 1 եվրո = 520,32 ՀՀ դրամ   6.  JOD Այս Աստվածաշնչյան երկիրը ամենաթեժ տուրիստական ուղղություններից է, որը ձգում է նաև մեր հայրենակիցներին: Իսկ իր դրամական միավորը տեղակայվել է մեր 6-րդ հրիզոնականում: 1 հորդանանյան դինար = 575,051 ՀՀ դրամ   5. GBP Մինչ նրանք թեյ են խմում, խոսում եղանակի մասին ու կազմակերպում շքեղ թագավորական հարսանիքներ, իրենց ազգային արժույթը հարմարավետ տեղավորվում է մեր 5-րդ հորիզոնականում: 1 բրիտանական ֆունտ-ստերլինգ = 646,6 ՀՀ դրամ   4. LVL Մերոնք Յուրմալայում բեմեր են գրավում, իսկ լատվիական լատը իր դիրքերն է ամրապնդում մեր "օլիգարխիկ" հիթ-շքերթում: 1 լատվիական լատ = 747,57 ՀՀ դրամ   3. OMR Այս արաբական երկրում ապրում է գրեթե այնքան մարդ, որքան Հայաստանում, սակայն կենսապայմաններն այստեղ անհամեմատելի են, դե, հասկանում եք, գազ, նավթ... ու բնականաբար կայուն և բարձր ազգային արժույթ: 1 օմանական ռիալ = 1059,88 ՀՀ դրամ   2. BHD Այս կղզի-դքսության տնտեսության հիմնական ճյուղը հնուց ի վեր մարգարտի արտահանումն էր, ինչն էլ հետագայում խառնվելով սև ոսկուն` այս կղզին դարձրեց իսկական դրախտ բնակիչների համար: 1 բահրենյան դինար = 1081,75 ՀՀ դրամ   1. KWD Նոյեմբերի 10ն քուվեյթցիներն էնպես նշեցին իրենց սահմանադրության օրը, որ այն ոչ միայն լուսաբանվեց աշխարհի բոլոր ԶԼՄ-ների կողմից, այլև հայտնվեց Գինեսի ռեկորդների գրքում` որպես ամենալայնածավալն աշխարհում: Միգուցե արժեր նաև ազգային արժո՞ւյթը գրանցել` որպես ամենաթանկն աշխարհում: 1 Քուվեյթի դինար = 1443,445 ՀՀ դրամ   ՀՀԳ. Մինչ կսկսեք անիծել մեր սև օրն ու պատմաաշխարհաքաղաքական երկարաշունչ պատճառահետևանքային կապեր փնտրել, շտապեմ տեղեկացնել, որ պատրաստում եմ նյութ, որտեղ ներառված են աշխարհի ամենաէժան արժույթները ՀՀ դրամի համեմատությամբ:   ՝ pahooo.blogspot.   Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝  
Սարգիս Հովսեփյանը 40 տարեկան է

  Այսօր Ֆուտբոլի Հայաստանի ազգային հավաքականի երկարամյա ավագ Սարգիս Հովսեփյանը դառնում է 40 տարեկան: Նոյեմբերի 14ն Վազգեն Սարգսյանի անվան «Հանրապետական» մարզադաշտում կայանալիք Հայաստան-Լիտվա ընկերական հանդիպումը կդառնա Հովսեփյանի հրաժեշտի խաղը:  Սարգիս Հովսեփյանը 20 տարի շարունակ հանդես է եկել ֆուտբոլի Հայաստանի ազգային հավաքականում՝ անցկացնելով 131 խաղ:   ` lragir.   Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝      
; : :