Besplatnoetut.ru

НОВОСТИ ОТ Besplatnoetut.ru

ԺԻԶԵԼ ԲՈՒՆԴՀԵՆԸ ԲՈՍՏՈՆՈՒՄ ԳՆՈՒՄՆԵՐ Է ԿԱՏԱՐՈՒՄ

  Մոդել Ժիզել Բունդհենը ուղևորվել էր Բոստոն գնումներ կատարելու համար: Հղի մոդելը հագել էր ջինսե կարճ կիսատաբատ, ամառային կոշիկներ և սպիտակ հասարակ վերնաշապիկ, կրում էր ամառային ակնոց: Հուսանք, որ հղիությունից հետո մոդելը կարճ ժամանակահատվածում կվերադարձնի իր նախկին կառուցվածքը: Նշենք, որ այս հղիությունը, մոդելի համար երկրորդն է. մոդելն ունի որդի, ում հետ փորձում է ավելի շատ ժամանակ անցկացնել: Հիշեցնենք, որ վերջերս 32-ամյա մոդելը որդու հետ այցելել էր ''New England Patriots Training'' հավաքին: Գեղեցկուհի մայրիկը շատ սակավաթիվ է ընտանիքի հետ ներկայանում հանրությանը. դրա մասին են նաև փաստում պապարացիների կատարած հազվադեպ լուսանկարները:   Նյութը պատրաստեց`  Մարգարիտ Ավետիսյանը
Կրեմլը պայթեցնելու մասին Նապոլեոնի նամակը վաճառվել է աճուրդում

  Ֆրանսիական Fontainebleau աճուրդի տանը վաճառվել է Նապոլեոն Բոնապարտի գաղտնագրված նամակը, որում նա Կրեմլը պայթեցնելու մտադրություն է հայտնում, հաղորդում է RBC Daily-ն:   Նամակը վաճառվել է 187 հազար ԱՄՆ դոլարով, այն դեպքում, երբ Fontainebleau-ում ի սկզբանե կարծել են, թե նմուշը կվաճառվի 10 – 15 հազար եվրոյով:   Իր արտգործնախարար Մարեին ուղղված նամակում Ֆրանսիայի կայսրը գրում է. «Ամսի 22 առավոտյան ժամը 3ն ես կպայթեցնեմ Կրեմլը»: Նամակում Նապոլեոնը գրում է, որ հոգնել է Ռուսաստանի դեմ իր արշավից: Հայտնի է, որ Ռուսաստանից նահանջելիս Նապոլեոնն իսկապես փորձել է քանդել Կրեմլը. նա պայթեցրել է պարսպի և շինությունների մի մասը:   ՝ tert.   Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝  
Ռուսատանում ամանորյա ամենացանկալի նվերը փողն է

  Ռուսաստանում անցկացված հարցումների համաձայն, ռուս ժողովրդի համար ամանորյա ամենահարգի նվերը փողն է: Այս մասին տեղեկացնում է «» լրատվական գործակալությունը:   Ամեն տարի ռուս ժողովրդի ամանորյա ծախսերը ավելի են աճում` կազմելով ավելի քան 7428 ռուբլի (մոտովորապես 575 դոլար): Նախորդ տարվա համեմատ ամանորյա ծախսերի ծավալն աճել է 7 տոկոսով:   Համաձայն հարցումների, ռուս ժողովրդի 17 տոկոսը երազում է տոնածառի տակ որպես նվեր գտնել փող: Ամենասիրված նվերների շարքում երկրորդ տեղը զբաղեցնում է տուրիստական փաթեթը, դրան հետևում են ավտոմեքենան, համակարգչային պարագաները և այլն:   ` Panora.   Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝  
ՆՅՈՒՇԱՆ` ՀԱՆՈՒՆ ՆՈՐ ՏԱՐՎԱ ԱՆԱԿՆԿԱԼԻ, ՓՈԽԵԼ Է ԻՐ ԱՆՈՒՆԸ

    Վերջերս Նյուշան իր նոր տեսահոլովակի համար ձեռք է բերել խիզախ Գերդայի կերպարը: Թիմուր Բեկմամբետովայի Bazelevs կինոընկերությունը, համատեղ` Wizart Animation տուդիայի, Ռոսսիյա պրոյեկտի համար պատրաստում են աննախադեպ ծրագիր. պատկերավորում են Հանս Քրիստիան Անդերսենի հայտնի “Ձյունե թագուհի” հեքիաթը: Ծրագրում ներառված են հայտնի անուններ, ինչպիսիք են` Իվան Օխլոբիստինը, Դմիտրի Նագիևը, Լիզա Արզամասովան, Աննա Արդովան, Յուր Ստոյանովը: Գլխավոր դերը Գերդայինն է, որը մարմնավորում է Նյուշան: Ըստ Ռեժիսորի, ամենահամապատասխան թեկանծուն Նյուշան է, թե իր ձայնային տվյալներով և թե էներգիայով: “Ձյունե թագուհին” եթերում կհայտնվի մինչ Նոր Տարի` դեկտեմբերի 31ն, և խոստանում է դառնալ իսկական անակընկալ` աշխարհի բոլոր ընտանիքների համար: Սակայն, որպեսզի դուք շատ երկար չսպասեք Նյուշային, շատ շուտով կտեսնեք երգչուհու նոր տեսահոլովակը, որը նկարահանվել է` “Շուտով Նոր Տարի է” երգի հիման վրա, որը հանդիսանում է “Ձյունե թագուհի” ֆիլմի Soundtrack-ը: Տեսահոլովակի նկարահանումներն ավարտվել են մի քանի օր առաջ, Մոսկվայում: Ըստ տեսահոլովակի ռեժիսորի մտահղացման, Նյուշան հանդես է գալու երկու կերպարում` մեկը ծանոթ է հանդիսատեսին, իսկ մյուս կերպարը դեռ գաղտնիք է: ”Ինձ շատ է դուր գալիս աշխատել այս նախագծի համար, ես շատ եմ սիրում այս հեքիաթը: Մանկուց Գերդան ինձ համար եղել է խիզախության, հավատարմության և բարության օրինակ: Հույս ունեմ, որ իմ երկրպագուներին և աշխարհի ընտանիքներին դուր կգա այս նոր ֆիլմը և տեսահոլովակը: Ֆիլմի անձնակազմի անունից, ես կասեմ, որ շատ բարդ աշխատանքներ են տարվում, հեշտ չէ անել այն, ինչ մենք անում ենք, պարզապես շատ-շատ ենք աշխատում”- նշել է երգչուհին:       Նյութը պատրաստեց` Արևիկ Ավետիսյանը
ՆԱԽՈՐԴ ՇԱԲԱԹՎԱ ՎԻԿՏՈՐԻՆԱՅԻ ԱՐԴՅՈՒՆՔՆԵՐԻ ԱՄՓՈՓՈՒՄ:

  Նախորդ շաբաթվա վիկտորինայի հարցերը հետևյալն էին՝ Հարց 1. Կամերային թատրոնի դերասանները օգոստոսի 30ն, ո՞ր փառատոնին են մասնակցել: Այս հարցին ոչ ոէ չի պատասխանել ճիշտ: Ճիշտ պատասխանն է՝ ''Աշխարհի թատրոններ'': Հարց 2. Ո՞վ էր ներկայացնում Հայատանը նախորդ տարվա մանկական Եվրատեսիլին: Այս հարցին համակարգիչը որպես ճիշտ պատասխան ընտրել է Գոհար Խալաթյանի պատասխանը՝ Դալիթա Ավանեսյան: Հարց 3. Այս տարի ''Մեա Կուլպա'' կատակերգության, ո՞ր ամյակն է լրանում: Այս հարցին չի հնչել ոչ մի ճիշտ պատասխան: Ճիշտ պատասխանն է՝ 10: Հարց 4. Ո՞վ է ''Դորիանս'' խմբի պրոդյուսերը: Այս հարցին որպես ճիշտ պատասխան համակարգիչը ընտրել է Իրինա Դանիելյանցի պատասխանը՝ Վահագն Գևորգյան: Հարց 5. Հովհաննես Դավթյանը ''Բանակում'' հեռուստասերյալում, ում կերպարն է մարմնավորում: Այս հարցին որպես ճիշտ պատասխան այս անգամ համակարգիչը ընտրեց Նվարդ Տոնոյանի պատասխանը՝ Մխո: Հարց 6. Արազ Դարեյի ո՞ր երգերն են ձայնագրվել նաև պարսկերենով: Այս հարցին ցավոք սրտի չի հնչել ոչ մի պատասխան: Ճիշտ պատասխանն է՝ ''Սև-սպիտակ'' և ''Սիրո արևներ'' : Հարց 7. Ո՞վ է ''Empiray'' խմբի մենակատարը: Այս հարցին ճիշտ պատասխան է ընտրվել Ավետ Բադալյանի պատասխանը՝ Սարգիս Մանուկյան: Հարց 8. Ե՞րբ է ծնվել Մարտին Մկրտչյանը: Այս հարցին, որքան էլ որ զարմանալի է, չի հնչել ոչ մի ճիշտ պատասխան: Ճիշտ պատասխանն է՝ 1984 թվականի հոկտեմբերի 4: Հարց 9. 2008 թվականին Ղարաբաղում, ո՞ր փառատոնին է մասնակցել սիրված երգիչ Սարգիս Ավետիսյանը: Այս հարցին ճիշտ պատասխան է ընտրվել Աննա Նահապետյանի պատասխանը՝ ''Ընծա'' Հարց 10. Ամռան ընթացքում երգչուհի Աիդա Սարգսյանը, ո՞ր երկրներում է ունեցել մենահամերգներ: Այս հարցին ևս չի հնչել ճիշտ պատասխան: Ճիշտ պատասխանն է՝ ''Վեգաս'' և ''Սիդնեյ'': Իսկ այս շաբաթվա մեր Վիկտորինայի հարցերը հետևյալն են՝ Հարց 1. Ո՞վ է ՀՀ յոգայի ֆեդերացիայի փոխնախագահը: Հարց 2. Ո՞ր երգի հիման վրա է երգչուհի Աննա Խաչատրյանը նկարահանելու տեսահոլովակ: Հարց 3. Ո՞վ է Դեր-Հովայի և Հասմիկ Կարապեյանի ''Անհնարը'' տեսահոլովակի ռեժիսորը: Հարց 4. Ի՞նչ է Դորիանս խմբի ստեղնահարի անունը: Հարց 5. Ի՞նչ է ''System of a down'' ռոք խմբի մեներգիչի անունը: Հարց 6. Ո՞ր համալսարանում է սովորել սիրված երգչուհի Աննա Խաչատրյանը: Հարց 7. Ի՞նչ մասնագիտություն ունի սիրված դուդուկահար Ջիվան Գասպարյանը: Հարց 8.  ''Նոր ալիք 2012'' մրցույթին ո՞վ ներկայացրեց  Հայաստանը: Հարց 9. Ո՞վ էր ազատ գոտի իրական նախագծի անդրանիկ հաղորդավարը: Հարց 10. Քանի՞ տարեկանում մահացավ ''Փոփի արքա'' Մայքլ Ջեքսոնը: Վիկտորինայի հարցերին կարող եք պատասխանել այստեղ՝ ՎԻԿՏՈՐԻՆԱ
ԲԻԼԼԻ ՔՐԻՍԹԱԼԸ ԿՏՊԱԳՐԻ ՀՈՒՇԱԳՐԵՐ

  Բիլլի Քրիստալը պայմանագիր է կնքել ˝Henry Holt and Company˝ հրատարակչության հետ, որի շրջանակներում, այն տպագրելու է դերասանի հուշագրերը: Լրատվամիջոցների լուսաբանումների համաձայան ֆինանսական պայմանները դեռ ստույգ չեն որոշվել, բայց հեղինակի հոնորարը առաջիկայում կազմելու է մոտ 4 մլն դոլար: Քրիստալը պլանավորել է տեքստային աշխատանքներն ավարտել 2012 թվականի նոյեմբերին. նա ցանկություն ունի գիրքը արդեն իսկ  տեսնել վաճառքում 2013 թվականի մարտի 13ն` իր ծննդյան 65-ամյակի օրը: Ամերիկացի դերասանն էկրաններից հանրությանը ներկայացել է 1970-ական թվականների կեսերից: Ի դեպ հանրահայտ դերասանը նախկինում հասցրել է  ևս մի քանի գիրք տպագրել, որոնց թվում էր  նրա ինքնակենսագրականը: Ինչպես նաև նշենք, որ դերասանը բազմիցս ներկայացել է մեզ որպես ˝Օսկարի˝ մրցանակաբաշխության հանդիսավար` վերջին անգամ 2012 թվականի փետրվարին:   Նյութը պատրաստեց` Մարգարիտ Ավետիսյանը
Ինչո՞ւ եւ ինչպե՞ս է Հրաչ Քեշիշյանը նկարահանում «Գարեգին Նժդեհ»-ը.ֆոտո

    «Գարեգին Նժդեհ» ֆիլմը էկրան կբարձրանա 2013թ. սկզբում: Այն նվիրվում է Հայոց բանակի կազմավորման 21-ամյակին: Ֆիլմի նկարահանումներն արդեն ավարտվել են, այժմ ընթանում են մոնտաժային աշխատանքները: Նկարահանումները կայացել են Հայաստանում  եւ Եվրոպայում: Ֆիլմի նկարահանման աշխատանքներից առաջին լուսանկարների համացանցում տարածվելուց հետո մեծ քննարկումներ ծավալվեցին, եղան քննադատություններ: Այս եւ այլ հարցերի վերաբերյալ .styleն գրավոր պատասխանել է «Գարեգին Նժդեհ» ֆիլմի ռեժիսոր եւ պրոդյուսեր Հրաչ Քեշիշյանի հետ:     Ինչպե՞ս եւ ինչո՞ւ որոշեցիք նկարահանել «Գարեգին Նժդեհ» ֆիլմը:   Գարեգին Նժդեհի կենսագրությանն անդրադառնալու մասին մտածել եմ վաղուց: Ֆիլմի նախապատրաստական աշխատանքներն էլ են սկսվել վաղուց, հնարավոր դարձավ այս ֆիլմն իրագործել միայն այս տարի: Մենք պետք է ճանաչենք մեր հերոսներին, որպեսզի ստեղծենք մեր հայրենիքը: Մենք պետք է օրինակներ ունենանք, որ կարողանանք բաղդատել մեր արարքները, մենք պետք է պաշտենք մեր հերոսներին եւ հասկանանք, որ մեր հողի յուրաքանչյուր քառակուսի սանտիմետրի համար պարտական ենք հայրենիք ստեղծողներին եւ պաշտպանողներին: Գարեգին Նժդեհի մասին պետք է անընդհատ պատմել, անընդհատ խոսել եւ այնպես, որ ոչ միայն սերտած լինենք նրա մտքերն, այլ ապրենք նրա օրինակով ու փիլիսոփայությամբ:     Ե՞րբ է սկսվել եւ ե՞րբ են ավարտվելու նկարահանումները, ե՞րբ է լինելու ֆիլմի պրեմիերան, այն կդիտենք հեռուստատեսությա՞մբ, թե՞ կլինի միայն կինոթատրոններում:   Ֆիլմի նկարահանումների առաջին օրը սեպտեմբերի 16-ն էր:  Նկարահանման աշխատանքները գրեթե ավարտված են, հիմա արդեն սկսվել են մոնտաժային աշխատանքները: Սա լիամետրաժ գեղարվեստական ֆիլմ է: Այն մեծ էկրան կբարձրանա 2013 թվականի սկզբում, նվիրվելու է Հայոց բանակի կազմավորման 21-ամյակին:     Ֆիլմի ստեղծագործական կազմը կներկայացնեք, ովքե՞ր են դերակատարները:   Սա առաջին ֆիլմն է, որ նկարահանվում է նորաստեղծ PAN ARMENIAN FILMS ընկերությունը, այն  PAN ARMENIAN MEDIA GROUP կազմում է: Սցենարի հեղինակն է Քրիստ Մանարյանը, նրա արմատները Նախիջեւանից են, ինչպես եւ Նժդեհինը: Գլխավոր դերերում Արտաշես Ալեքսաննյանն է եւ Շանթ Հովհաննիսյանը: Նրանք մարմնավորել են Նժդեհի երկու տարիք: Չուլպան Խամատովան մարմնավորել է Նժդեհի  տիկնոջը` Էփիմեին, Գոհարի դերում Ֆրիդա Գեւորգյանն է: Խորեն Լեւոնյանը կերտել է Սիսիանի զորահրամանատար Պողոս Տեր-Դավթյանի կերպարը, Ալբերտ Սաֆարյանը կներկայանա Դրոյի կերպարով: Միխայիլ Եֆրեմովը հանդես կգա Պետկո Խրիստովի դերում, Հովհաննես Դեւեճյանի դերում Վիգեն Ստեփանյանն է: Ռոբերտ Հակոբյանը Ազգային անվտանգության փոխնախարարի դերում է, Արմեն Մարգարյանը մարմնավորել է Վաչե Հովսեփյանին, մարդ, ով մեկ տարի շփվել է Նժդեհի հետ Երեւանի բանտում եւ իր հուշերում ներկայացրել է բավականին հետաքրքիր մանրամասներ Նժդեհի` Երեւանի բանտում գտնվելու մեկ տարվա մասին: Դերասանական կազմը մեծ է, շատ ուրախ եմ, որ ֆիլմում նկարահանվել է նաեւ Երվանդ Մանարյանը, Դավիթ Հակոբյանը, Սոֆյա Սարգսյանը, Արթուր Նալբանդյան,Դավիթ Թադեւոսյանը, Արման Նավասարդյանը, Վիկտոր Վասիլեւը, Նազենի Հովհաննիսյանը, Արամ Գեւորգյանը, Գուրգեն Անտոնյան եւ էլի շատ սիրված ու հայտնի դերասաններ: Ֆիլմի նկարիչն է Սեդրակ Վելիկոդնին, զգեստների նկարիչը Լուսինե Խաչատրյանն է, գրիմի նկարիչը Անդրեյ Նովիկովն է: Բեմադրող օպերատորն է Մկրտիչ Մալխասյանը մոնտաժման ռեժիսորներն են Էդուարդ Մատենցյանն ու Վահագն Խաչատրյանը:     Որքա՞ն է ֆիլմի բյուջեն:   Ֆիլմը դեռ ընթացքում է, բյուջեի մասին խոսելը դեռ շուտ է, միայն կարող եմ ասել, որ սա պետպատվեր չէ, եւ ինչպես իմ նախորդ ֆիլմերը, այս ֆիլմը նույնպես նկարահանվել է առանց պետական ֆինանսավորման: Ֆիլմի գլխավոր հովանավորն է «Զանգեզուրի պղնձամոլիբդենային կոմբինատ» ՓԲԸ-ն:     Մեկ-երկու նախադասությամբ կներկայացնեք ֆիլմի սյուժեն, ի՞նչ աղբյուրներից եք օգտվել եւ այլն:   Օգտվել ենք Գարեգին Նժդեհի «Հավատամք», «Էջեր իմ օրագրեն», «Ամերիկահայությունը»,«Ցեղը եւ իր տականքը», «Իմ պատասխանը», «Իմ խոսքը, թե ինչո՞ւ զենք բարձրացրի խորհրդային զորքերի դեմ» երկերը: Ինչպես նաեւ`Վաչե Հովսեփյանի «Գարեգին Նժդեհն եւ ԿԳԲ-ն», Արտակ Վարդանյան` «Նժդեհյան մասունքներ», Մուշեղ Լալայան`«Գարեգին Նժդեհ» եւ այլն:     Պատահակա՞ն է արդյոք, որ այս ֆիլմը նկարահանվում է նախագահական ընտրություններից առաջ: Ձեզ քննադատողները նաեւ նշում էին, թե սա ՀՀԿ պատվերն է: Կմեկնաբանեք` որքանով են իրականությանը համապատասխանում այս տեղեկությունները եւ ինչ կապ ունի այս ֆիլմը ՀՀԿ, նախագահական ընտրությունների հետ:   Եթե Աստված ինձ առողջություն եւ կյանք տա, ես պատրաստվում եմ դեռ շատ գործեր նկարահանել:     Տեղեկություններ էին տարածվել նաեւ, թե Նժդեհի ազգականները բողոքում են եւ համաձայնություն չեն տվել նրա մասին ֆիլմ նկարել: Նման բան կա՞: Դուք կապվե՞լ եք նրա ազգականների հետ:   Մեր ստեղծագործական խումբը պարբերաբար շփվում է Գարեգին Նժդեհի ժառանգների հետ:     `       Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝                     
; : :