Besplatnoetut.ru

НОВОСТИ ОТ Besplatnoetut.ru

ԲԵՔՀԵՄԸ ԵՎ ՎԻՆՏՈՒՐԱՆ ՀԱՆԴԻՊԵԼ ԵՆ ՆՈՐԱՁևՈՒԹՅԱՆ ԵՐԵԿՈՅԻ ԺԱՄԱՆԱԿ

  Օրերս հայտնիներ Վիկտորյա Բեքհեմն ու Աննա Վինտուրան հանդիպել են նորաձևության պատվին կազմակերպված միջոցառման ժամանակ: Նրանք ուղղակի չէին կարող բաց թողնել նպանատիպ նախաձեռնությունը: Գեղեցկուհի Վիկին հագել էր վառ նարնջագույն զգեստ, որն էլ ավելի արտահայտիչ էր  դարձրել համահունչ հարդարանքով, իսկ Աննան հագել էր դասական կաթնագույն զգեստ` այն ընդգծելով իրեն հարիր հարդարանքով և սանրվածքով:  Նրանք հանդիպել էին մի հոյակերտ կառույցի մոտ, որի վրա ներկայացված էր սիրված երգչուհի Լեդի Գագայի պաստառը: Երկու հանրաճանաչ ոճաբանները դիպուկ խորհուրդներեն են տվել կանանց նորաոճության մանրուքների, այն ճիշտ ընկալելու և տվյալ կերպ հագնվելու առումով: Նշենք, որ մոդել Ալեսսանդրա Ամբրոսիոն նույնպես ներկա է գտնվել միջոցառմանը:   Նյութը պատրաստեց` Մարգարիտ Ավետիսյանը 
Հարսն ինքնամոռաց պարում է.

        Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝    
ԱՐՏԱՎԱԶԴ ԵՂՈՅԱՆ 'ԿԵՍ ԿԱՏԱԿ, ԿԵՍ ԼՈՒՐՋ'

  armcatalog.. կայքը վերոնշյալ խորագրի ներքո զրուցել է սիրված անձնավորություն, հեռուստամեկնաբան- ռեժիսոր, երաժշտական ձևավորող, ֆիլմերի սինխրոն թարգմանիչ, այլ կերպ ասած բազմապրոֆիլային մի անհատականության հետ, ով տարիներ շարունակ վայելում է հանրության սերն ու հարգանքը: Այդքանով հանդերձ ինքն իր աչքերում` հասարակ մարդ, իսկ մեզ համար իրական լեգենդ: - Պարոն Եղոյան մեզ հետաքրքրում է, թե ի՞նչը խթան հանդիսացավ, որ սկսեցիք ձեր վիթխարի ուղին և դարձաք կարկառուն դեմք: - Ինձ թվաց Կոմիտասի մասին եք խոսում, որովհետև ես ինձ երբեք կարկառուն դեմք չեմ համարել, առավել ևս իմ սկսած, կամ անցած ուղին վիթխարի չեմ համարում: Ինչի՞ մասին է խոսքը. ինչպես բոլորը, այնպես էլ  ես ընդամենը հասարակ մարդ եմ, մարդ, ով ունի հետաքրքրություններ ու նախաձեռնություններ: Երբեք չեմ ձգտել, որ ինձ տեղին-անտեղի անվանեն հանրաճանաչ, կարկառուն դեմք կամ անկրկնելի և անփոխարինելի: Միշտ հիշեք`անփոխարինելի ու անկրկնելի մարդիկ չկան. կան արժեքներ, որոնք մնայուն են, որոնք կրում են հազարամյակների դրոշմը և արժանի են հավերժ հիշվելու: Իսկ այս դեպքում ուղղակի պետք է նշվեր, թե ինչպես եղավ, որ ես հասա նրան, ինչին, որ հասել եմ: Ահա այս դեպքում, ամեն ինչ դասավորվեց այնպես, ինչպես ի վերուստ սահմանված էր: Մայրս մասնագիտությամբ  բժշկուհի էր, իսկ հայրս` Թաթուլ Ալթունյանի երգի-պարի անսամբլի մենակատար: Մայրս ցանկանում էր, որ ես դառնայի բժիշկ, իսկ հայրս` չէր ցանկանում , որ դառնայի արվեստագետ, բայց ինչպես ժամանակը ցույց տվեց, հանգամանքների բերումով կյանքս նվիրեցի արվեստին: Այդպես էլ բարձրագույն կրթություն չստացա: Սակայն աստված բարեգութ գտնվեց իմ հանդեպ ու ես ընկա արվեստի հորձանուտը:  Ես սիրում եմ իմ աշխատանքը, սիրում եմ իմ ստեղծած աշխարհը, որում ես ապրում եմ, որովհետև յուրաքանչյուր ոք պիտի սիրի այն գործը, ինչով նա զբաղվում է, պիտի գնահատի այն ու ի սրտե նվիրվի նրան. միայն այս դեպքում կարող է հասնել ցանակալի հաջողության: Օրինակ, եթե հաց հավաքողը սիրի իր գործը, ժամանակի ընթացում կդառնա լավ հաց հավաքող` իր գործի մասնագետը: - Իսկ ինչո՞վ եք այժմ զբաղվում պարոն Եղոյան: - Զբաղվում եմ տնայնագործությամբ` տանը հարսանիքներ, կնուքներ և տարատեսակ ֆիլմեր ու հաղորդումներ եմ մոնտաժում, եթերաժամ չունեմ, ինչպես նաև 2000 թվականի կեսերից առ այսօր աշխատում եմ ''Մհեր Մկրտչյան'' թատրոնում` որպես ներկայացումների երաժշտական ձևավորող:  - Իսկ ի՞նչ պլաններ ունեք կապված ապագայի հետ: - Ես երբեք չեմ պլանավորոմ կյանքս: Չգիտեմ` ապագայում հանգամանքների բերումով որտեղ կհայտնվեմ. ուղղակի չեմ սիրում տեղին-անտեղի գլուխ գովալ. հավատացեք` ինքնագովեստն ու ինքնահավանությունը լավագույն հատկանիշները չեն, որոնցով կարող է օժտված լինել մարդ արարածը: Չեմ սիրում, երբ մարդիկ բարձրաձայնում են, որ հայտնի են և ամենակարող, որովհետև կյանքը կարող է անականկալ կերպով հարվածել այնպես, որ որքան էլ ժամանակ անցնի չկարաղանան լիովին սթափվել: Մի կարգախոս ունեմ` -Կյանքում շատ բան կա, որ ինձ թույլ չեմ տա, բայց չկա մի բան, որ թույլ չտան ինձ: Այսինքն, չեմ անի այն ինչը չի կարելի: - Իսկ ի՞նչ կարծիք ունեք այն մասին, ինչ կատարվում է մեր կինոասպարեզում, հեռուստաեթերում և շոու բիզնեսում: - Դրանք հողմեր են, կգան ու  անմնացորդ կգնան: Ես ուրախ եմ, որ արժանացել եմ ժողովրդի սիրուն ու հարգանքին, որ ընդունվել ու սիրվել եմ ժողովրդի կողմից: Այսքանն ինձ լիովին բավարար է: - Մի զավեշտալի դեպք կպատմե՞ք ձեր կյանքից: - Ես ծնվեցի և զարմացա. սա է իմ կյանքի ողջ զավեշտը: Բայց կասեմ հաճելի դեպքեր. շատ հաճելի է այն, որ մանուկ ժամանակ ինձ իր գիրկն է առել Հրաչյա Ներսիսյանը, Ջիվան Գասպարյանը, ինչու չէ նաև Կարաբալան ու Դալուլեն: Բախտ եմ ունեցել շփվելու մեծն Շիրազի ու Սիլվա Կապուտիկյանի հետ, և բազմաթիվ այլ մեծերի: Մինչ օրս անչափ հաճելի է վերհիշել նմանատիպ գեղեցիկ դրվագները: Աստծո կամոք դեռ ապրում եմ, ինչը բոլորին եմ ցանկանում….     Իդեպ Ձեր հոդվածի անվանումը ճիշտ համապատասխանում  է իմ կյանքի էությանը:  Եվ 3 – րդ ալիքում իմ վարած ''Կես կատակ, կես լուրջ'' հաղորդաշարին, որի հեղինակն էր Արա Գևորգյանը: Այս հոդվածն էլ մի հաճելի դրվագ էր: Շնորհակալ եմ, որ չեք մոռացել:   Նյութը պատրաստեց` Մարգարիտ Ավետիսյանը
ԲԵՅՈՆՍԵՆ ԸՆՏԱՆԻՔԻ ՀԵՏ ՀԱՆԳՍՏԱՆՈՒՄ Է ԶԲՈՍԱՆԱՎՈՒՄ

  Վերջիվերջո ծանրաբեռնված աշխատանքից դույզննչ թոթափվելով` ամերկացի սիրված երգչուհի Բեյոնսեն ամուսնու և դստեր հետ որոշել է հանգստանալ: Հանգիստն անցկացնելու համար ընտանիքն ընտրել է Ֆրանսիան, որտեղ նրանք իրենց լիակատար հանգիստն են անցկացնում զբոսանավում, որում հանգրվանել են հանգստյան առաջին օրից սկսած: Բեյոնսեի սիրելի ամուսինը`Jay-Z-ը ոչ մի րոպե դստերը գրկից չի իջեցրել, իսկ այդ ընթացքում երգչուհին կարողացել է վայելել իր հանգիստը, նույնիսկ դեմքն է հանգստացրել ամենօրյա ''առատ'' դիմահարդարանքից:   Նյութը պատրաստեց` Մարգարիտ Ավետիսյանը
ՆԱԽՈՐԴ ՇԱԲԱԹՎԱ TOP 10-Ի ԱՄՓՈՓՈՒՄ ԵՎ ՆՈՐ TOP 10-Ի ՁԵՎԱՎՈՐՈՒՄ

    Հարգելի՛ ընթերցողներ, մեր կայքի վերնամասում հայտնիների` պարբերաբար իրար հաջորդող նկարները պատահաբար չեն: Ինչպես գիտենք, հայտնիներից շատերը իրենց անձնական էջերն ունեն մեր կայքում, որտեղ ընթերցողները կարող են ծանոթանալ իրենց կենսագրությանը, երգերին, տեսահոլովակներին, նվեր ընծայել և առաջարկություններ գրել: Հենց ընթերցողների այցելությունների քանակով էլ որոշվելու է մասնակիցների Top 10-Top 1 հորիզոնականները: Ամեն շաբաթ մենք կամփոփենք հայտնիների անձնական էջերի այցելությունների քանակը, իսկ ամեն ամսվա վերջում բոլոր թվերը կզրոյացվեն: Եվ այսպես, նախորդ շաբաթվա Top 10-ը հետևյալն էր`       1. Միհրան Ծառուկյան 2. Արա Գևորգյան 3. Սիլվա Հակոբյան 4. Ալեքսանդր Բաբասյան 5. Հայկ Չոմոյան 6. Մագա Մարտիրոսյան 7. Կամո Սեյրանյան 8. Արմինե Պողոսյան 9. Ջոնի Կարապետյան 10. Սարգիս Գրիգորյան   Իսկ այժմ, ուշադրություն, այս շաբաթվա Top 10-ը`   1. Միհրան Ծառուկյան 2. Սիլվա Հակոբյան 3. Արմինե Պողոսյան 4. Էդգար Սարգսյան 5. Ալեքսանդր Բաբասյան 6. Սարգիս Գրիգորյան 7. Հայկ Չոմոյան 8. Արա Գևորգյան 9. Ջոնի Կարապետյան 10. Հայկ Ղուկասյան   Ամփոփենք արդյունքները. ինչպես և նախորդ շաբաթ, այս շաբաթ ևս առաջատարն է Միհրան Ծառուկյանը: Անփոփոխ հորիզոնականում է նաև Ջոնի Կարապետյանը` Top 9: Մեկ շաբաթվա ընթացքում եղան վերելքներ` Սիլվա Հակոբյան 3-րդ հորիզոնականից 2-րդ, Արմինե Պողոսյան` 8-րդից 3-րդ, Սարգիս Գրիգորյան`10-րդից 6-րդ: Եղան նաև վայրէջքներ` Ալեքսանդր Բաբասյան` 4-րդից 5-րդ, Հայկ Չոմոյան` 5-րդից 7-րդ, Արա Գևորգյան`2-րդից 8-րդ: Այս շաբաթվա շքերթից դուրս են մնացել Կամո Սեյրանյանը և Մագա Մարտիրոսյանը: Բացի այդ,  կան նաև նորեկներ` Էդգար Սարգսյան և Հայկ Ղուկասյան:  Դե ինչ, շնորհավորում ենք հաղթող` Միհրան Ծառուկյանին, և կոչ անում բոլոր երկրպագուներին առավել ակտիվ լինել` Ձեր կողմից սիրված արտիստներին բարձր հորիզոնականներում տեսնելու համար:
ՍՊԵՆԴԻԱՐՅԱՆԻ ԱՆՎԱՆ ՄԻՋԱԶԳԱՅԻՆ ՄՐՑՈՒՅԹ` ՅԱԼԹԱՅՈՒՄ

  Յալթայում նոյեմբերի 1-3-ը կկայանա Ա. Ա. Սպենդիարյանի անվան  Երգահանների միջազգային  “Բյուզանդիայի պարգեւները”  մրցույթը: Այն նվիրված է հայտնի երգահանի ծննդյան 140-ամյակին և անցկացվում է Ուկրաինայի կոմպոզիտորների միության, Ուկրաինայի հայերի միության, Ուկրաինայի կոմպոզիտորների ազգային միության ղրիմյան բաժանմունքի, Յալթայի քաղխորհրդի  աջակցությամբ: 1ն մրցանակի դափնեկիրներին կշնորհվի Ուկրաինայի հայերի միության նախագահ Վիլեն Շատվորյանի մրցանակը: Մրցույթին մասնակցելու ցանկություն են հայտնել 16 մասնակիցներ Կիեւից, Դոնեցկից, Մարիուպոլից, Մոսկվայից, Բախչիսարայից, Յալթայից:    Նյութը պատրաստեց` Արևիկ Ավետիսյանը
ԿԱՐԵՆ ՔՈՉԱՐՅԱՆԸ ՆԱԶԵՆԻ ՀՈՎՀԱՆՆԻՍՅԱՆԻ ՀԵՏ ԿՎԱՐԻ ԵՐԿՐԻ ԳԱՆՁԵՐԸ ՀԱՂՈՐԴՈՒՄԸ

    Կապ հաստատելով երկար ժամանակ էկրաննրին չերևացող և բոլորիս կողմից շատ սիրված Կարեն Քոչարյանի հետ՝  պարզեցինք, որ այս շաբաթ օրվանից Արմենիա հեռուստաալիքով Նազենի Հովհհանիսյանի հետ մեկտեղ Կարեն Քոչարյանը վարելու է <<Երկրի Գանձերը>> հաղորդումը, ինչպես նաև՝ որպես սցենարի հեղինակ: armcatalog.. հետ զրույցուն պ. Քոչարյանը նշեց նաև, որ սույն ամսվա վեջերին պետք է վարի Արամ Խաչատրյան համերգասրահում տեղի ունեցող Արտեմի Այվազյանի 110 ամյակին նվիրված երեկոն, որը կազմակերպում է Մշակույթի նախարարությունը:  -Ի՞նչ տարբերություն կասեք, երբ  նախկին հեռուստատեսությունը համեմատեք ներկայիս հետ. Շատերն ասում են , որ նախկինում քաղցրություն կար, իսկ այժմ ամեն ինչ գունավոր է, բայց անհամ: 30 տարվա փորձ ունեցող հաղորդավարը, ասյպես պատասխանեց հետևյալ հարցին,-<<Քաղցրություն չէի ասի, բայց կար խստություն, պրոֆեսիոնալիզմ, ինչպես նաև կարգ ու կանոն>>: Եվ վերջում Կարեն Քոչարյանը մաղթեց նոր սերնդի ներկայացուցիչներին՝ սիրեն իրենց գործը և քաղաքը: Իսկ մեզ բոլորիս մնում է միայն լսել և հետևել ավագ սերնդի խորհուրդներին:  
; : :