Besplatnoetut.ru

НОВОСТИ ОТ Besplatnoetut.ru

ՔՐԻՍՏԻԱՆ ՍՏՅՈՒԱՐՏԸ ԳՆԵԼ Է ՏՈՒՆ ԻՐ և ՄՈՐ ՀԱՄԱՐ

  Վերջերս լուրեր էին պտտվում, որ դերասան Ռոբերտ Փաթթինսոնը վաճառում է այն տունը, որտեղ համատեղ ապրել են ինքն ու դերասանուհի Քրիստիան Ստյուարտը, այդ ձևով ավելի ցայտուն կերպով ընդգծելով, որ իր և դավաճան Ստյուարտի հարաբերությունները վերջնականապես հասել են իրենց տրամաբանական ավարտին: Անձամբ Կրիստիանը ժամանակավոր կեցություն էր հաստատել իր նախկին ռեժիսորի տանը, որը երկար ժամանակ չէր կարող շարունակվել, և նա որոշել է հիմնական բնակության վարյ գտնել իր համար: Ի դեպ դերասանուհին որոշել է ապրել մոր հետ, որովհետև մայրը պաշտոնապես բաժանվում է հորից, իսկ այս կերպ երկու միայնակ սրտեր կապրեն միասին և կմխիթարեն միմյանց: Երեք հարկանի տունը, որտեղ նրանք ապրելու են, գտնվում է Մալիբու ծովափնյա քաղաքում, որը Քրիստիանը գնել է 4,8 մլն դոլարով: Տունը բաղկացած է հինգ սենյակներից, շրջակայքում ունի լողավազան և առանձին տնակ, որը հատուկ նախատեսված է հյուրերի համար: Տան իրավաբանակ սեփականատերը հանդիսանում է մայրը, սակայն գումարի մեծ մասը վճարել է Ստյուարտը, ով այժմ կարող իրեն է նմանատիպ ճոխություններ թույլ տալ: Երևում է աղջիկը համակերպվել է Փաթթինսոնից վերջնականպես բաժանվելու մտքի հետ. ''Տորոնտո 2012'' կինոփառատոնին նա հանդես էր եկել նոր ոճով` ստեղծելով նոր կերպար, իսկ այժմ տեղափոխվում է նոր տուն: Կարծում ենք` ոչ մի տարօրինակ բան չկա, որ 22-ամյա դերասանուհին իր կյանքը դասավորում է նորովի` հաղորդելով նրան նոր շունչ:   Նյութը պատրաստեց`  Մարգարիտ Ավետիսյանը
ՍՈՍ ՊԵՏՐՈՍՅԱՆ. ԲԱՑԱՀԱՅՏՈՒՄՆԵՐ ԵՐԵՎԱՆԻ ՆՈՐ ՇՔԵՂ ԿՐԿԵՍԻ ՄԱՍԻՆ

  Այսօր, Երևանի կրկեսային գործիչ, ռեժիսոր, արվեստագիտության թեկնածու, դոցենտ, պրոֆեսոր, միջազգային փառատոնների դափնեկիր Սոս Իոսիֆ Պետրոսյանը ն տեղեկացրեց, որ ուղիղ երկու տարի անց հայկական կրկեսի վերանորոգման աշխատանքները կհասնեն ավարտին և հանրությանը կհանձնվի ՆՈՐ  ՇՔԵՂ ԿՐԿԵՍ: “Սկզբնական շրջանում որոշված էր շենքը մասնակիորեն քանդել, սակայն քանի որ ժամանակակից  կրկեսը պետք է ունենա շատ ավելի գրավիչ և հարմարավետ տեխնոլոգիա` որոշվեց քանդվի ամբողջությամբ, և արդեն երկու տարի անց կունենանք նաև նոր և շատ ավելի գեղեցիկ բեմահարթակ` սարքավորված ժամանակակից տեխնոլոգիաներով, որը թույլ կտա կրկեսային արենան վերափոխել  յուրահատուկ ներկայացումների, այդ թվում` “Կրկես սառույցի վրա”, ”Ջրային կրկես” և այլ ելույթների համար, որոնք կընդանան լուսային շոուների ուղեկցությամբ: Կավելացվի  նստատեղերի քանակը, շենքի բարձրությունը կավելանա հինգ մետրով, իսկ ներքնահարկում լինելու է երկհարկանի ավտոկայանատեղ”,- նշեց Սոս Պետրոսյանը: Կրկեսային գործիչը կիսվեց նաև քանդման ժամանակ գլուխ բարձրացրած իր հույզերի մասին,-“ Երբ կրկեսն իմ աչքի առաջ քանդում էին, ես շատ տխրեցի, գրեթե լաց էի լինում, չէ որ երկար տարիներ էր ինչ այդտեղ էի աշխատում, բայց ուրախալին` վերջապես բարելաված կրկես ունենալու փաստն է: Ձմռանը դրսից ցուրտ, ամռանը դրսից ավելի շոգ էր լինում կրկեսում, սակայն նույնիսկ պատերազմի տարիներին մենք չենք դադարել մեր աշխատանքները”: Պարոն Պետրոսյանը տեղեկացրեց նաև, որ շնորհիվ “Տաշիր գրուպ”, ով նաև շինարարական աշխատանքների հովանավորն է, Հայաստանում գործում է Լեոնիդ Ենգիբարյանի անվան կրկեսային ստուդիա-դպրոց` Հայաստանում միակ անվճար դպրոցը: Ընդունելությունները ամեն օր են և տարիքային սահմանափակում չկա: Դպրոցում դասավանդում են կրկեսի լավագույն մասնագետները: Վաստակավոր արտիստը առաջինը ն հայտնեց հետևյալ ուրախալի լուրը. վերջապես Հայաստանում ստեղծվեց Կրկեսային գործիչների միություն, վերջինս ունի միջազգային բնույթ, որի նախագան ընտրվել է հենց Սոս Պետրոսյանը-“Տարվա մեջ` երկուսից երեք անգամ, լինում եմ տարբեր միջազգային մրցույթների ժյուրիի անդամ` Փարիզ, Մոնտե Կառլո, Հռոմ, Պեկին,Մոսկվա և այնտեղ բոլոր հայերը խնդրում էին, որպեսզի միավորվենք մի կազմակերպության ներքո և մենք ստեղծեցինք այդ միությունը: Այն կունենա երկու մասնաճյուղ: Տեղեկացանք նաև, որ 2015 թվականին, երբ կնշենք Լեոնիդ Ենգիբարյանի 100 ամյակը,  կունենանք նաև լիցենզավորված և մասնագիտացված կրկեսային մրցույթ - փառատոն: Իսկ վերջերս տեղի ունեցավ Սոս Պետրոսյանի “Հայկական կրկես” գիրք-ալբոմի շնորհանդեսը: Հեղինակի առաջին գիրքն ամփոփում է նրա տարբեր տարիների հանդիպումներն ու հուշերը: Ի դեպ, նշենք նաև, որ Սոս Պետրոսյանը խոստացավ` անձամբ  ն հանձնել “Հայկական կրկես” գիրք-ալբոմը:    Նյութը պատրաստեց` Արևիկ Ավետիսյանը
Ինչ գույնի զգեստ հագնել առաջին ժամադրության ժամանակ

  «Ցանկացած աղջիկ կյանքում մի քանի անգամ ինքն իրեն հարց է տալիս' ի՞նչ հագնել առաջին ժամադրության ժամանակ: Պատասխանը, թվում է, բացահայտ է' հագե՛ք այն, ինչ ձեզ ամենից շատ սազում է: Բայց հոգեբանները դրա հետ այնքան էլ համաձայն չեն. եթե նույնիսկ զգեստի ձեւը ընդգծում է ձեր արժանիքները, ոչ ճիշտ ընտրված գույնը կարող է փչացնել ընդհանուր տպավորությունը ձեր զգեստից եւ ընկերոջը սխալ ազդանշաններ տալ ձեր բնավորության վերաբերյալ: Եվ հակառակը' հաջող ընտրված գույները կարող են ուժեղացնել դրական տպավորությունը ձեր ռոմանտիկ ընկերոջ մոտ: Զգեստի գույները ընտրելիս պետք է հաշվի առնել ինչպես ձեր բնավորության առանձնահատկությունները, այնպես էլ այն, թե հատկապես ինչպիսի տպավորություն եք ուզում թողնել: Ժամադրության համար պոտենցիալ բարենպաստ գույները.   ԿԱՐՄԻՐ Իհարկե, այդ գույնը ցուցակի գագաթին է: Կրքի, սեքսուալ գրավչության եւ ակտիվ կենսակերպի գույնը: Պատահական չէ, որ կարմիր զգեստով մարդիկ ձգում են հայացքը եւ հետաքրքրություն են առաջացնում: Բայց այդ գույնի հետ պետք է զգույշ լինել, եթե չեք ծրագրում մտերիմ հարաբերություններ հենց առաջին ժամադրությունից: Վառ կարմիր գույնը ընկերոջ ենթագիտակցությանը ազդանշան է ուղարկում. «Տիրացի՛ր ինձ, ես քոնն եմ»: Չե՞ք ցանկանում այդքան բացահայտ ներկայանալ: Դուք դեռեւս կարող եք ընտրել կարմիր գույնը, սակայն ավելի «համեստ» կամ ավելի մուգ երանգներով, օրինակ' մարջանագույնը (սեզոնի ամենանորաձեւ գույնը), բորդո գույնը կամ մորեգույնը: Այդ երանգները նույնպես ուղարկում են սեքսուալ գրավչության ազդանշաններ, բայց ավելի «համեստ». «Մեր միջեւ ամեն ինչ հնարավոր է»:   ՎԱՐԴԱԳՈՒՅՆ Դա ընդհանուր առմամբ գրեթե նույն, բայց շաղված կարմիրն է: Անկասկած, վարդագույնը ազդանշաններ է տալիս ռոմանտիկայի եւ ֆլիրտի մասին, բայց, միեւնույն ժամանակ, ունի հանգստացնող էֆեկտ: Դա փոքրիկ հիմարիկ աղջիկների գույնն է, որոնք ցանկանում են երեւալ հասուն կին, եւ որոնց անհրաժեշտ է ուժեղ տղամարդկային թիկունքի աջակցությունը: Պատահական չէ, որ այն իրենից ներկայացնում է կարմիր «կրքի» եւ սպիտակ «անմեղության» խառնուրդ: Ընդհանուր առմամբ լիովին հնարավոր է, որ առաջին ժամադրության ժամանակ ամեն ինչ կախված է այն էֆեկտից, ինչը դուք ցանկանում եք թողնել: Եթե ցանկանում եք թողնել մանկական անմիջականության կամ զգայական էության տպավորություն, ապա այդ գույնը, ինչպես երբեք, լավագույնն է: Իսկ եթե ցանկանում եք թողնել առողջ խելքի եւ գործնականության տպավորություն, ապա մոռացեք այդ գույնի մասին:   ՆԱՐՆՋԱԳՈՒՅՆ Դա ամենավառ գույնն է: Նույնիսկ խունացած գունատ-նարնջագույն մարզաշապիկը կթվա ամենապայծառը բոլոր գույների մեջ: Եթե ձեր կերպարին չի բավականացնում պայծառությունը, ապա համարձակորեն հագեք ինչ-որ նարնջագույն հագուստ, եւ ոչ ոք աշխարհում ձեզ «գորշ մուկ» չի անվանի: Դա լավատեսության, հույսի եւ ոգեշնչման գույնն է, եւ կարծես թե դրանում ոչ մի վատ բան չկա: Բայց դա նաեւ արկածախնդրության եւ ժամանակին կանգ առնել չկարողանալու գույնն է: Ամեն դեպքում այդ գույնը համեստ եւ ամոթխած բնավորություն ունեցողների համար չէ: Եվ եթե ձեր ընկերը դրանց թվին է պատկանում, ապա ձեր զգեստի նարնջագույնը նրան ավելի շատ կխրտնեցնի, քան թե կգրավի:   ԿԱՆԱՉ Կանաչի ցանկացած երանգ խոսում է կենսական էներգիայի, առողջության, ապրելու ցանկության մասին: Դա երիտասարդության գույնն է, որը ազդանշան է ուղարկում դրա կրողի մասին, որ նա քնքուշ, լավ մարդ է: Գերազանց գույն է նրա համար, որպեսզի թողնեք դրական տպավորություն:   ԿԱՊՈՒՅՏ Այդ գույնը առաջին ժամադրության համար սազում է ոչ բոլորին, սակայն շատերին: Դա ինտելեկտի, զսպվածության, անկեղծության եւ չեզոքության գույն է, որը կարծես թե ասում է զրուցակցին. «Մենք պետք է միմյանց ավելի լավ ճանաչենք»: Եթե ձեր ընկերը կնոջ մեջ գնահատում է խելքն ու հավատարմությունը ոչ վերջին հերթին, ապա կապույտի ցանկացած երանգ առաջին ժամադրության համար տեղին կլինի:   ՄԱՆՈՒՇԱԿԱԳՈՒՅՆ Դա դեկադենտական գույն է: Նախկինում այն հաջողության եւ թագավորական տոհմին պատկանելու խորհրդանիշ էր համարվում: Ժամանակակից հոգեբանության մեջ համարվում է, որ դա խոսում է ռոմանտիկ եւ ամաչկոտ բնավորությամբ մարդկանց մասին: Իզուր չէ, որ մանուշակագույնը կարմիրի եւ կապույտի խառնուրդն է: Այն ավելի առեղծվածային է, քան կարմիրը, եւ ավելի միստիկ է, քան կապույտը: Եթե կարմիր գույնը խոսում է չթաքցրած կրքի մասին, ապա մանուշակագույնը կրքի մեջ մտցնում է ռոմանտիկայի երանգ: Եվ եթե կապույտ գույնը վկայում է ինտելեկտի մասին, ապա մանուշակագույնը' ավելի շատ էզոթերիկայի:   ՍԵՎ Այդ գույնը հարմար է ոչ միայն հուղարկավորությունների եւ գործնական ճաշերի, այլ նաեւ առաջին ժամադրության համար: Սեւ գույնը, կարծես թե, իրենից ներկայացնում է բոլոր գույների խառնուրդը միանգամից: Այն խոսում է ձեր հանելուկային լինելու ու գրավչության, էլեգանտության եւ ոճի մասին ու դրա հետ միաժամանակ բերում է վտանգի եւ իշխանատենչության ինչ-որ երանգ' ձեր մասին տալով ազդանշան որպես «ճակատագրական» կնոջ: Բայց սեւ գույնը միաժամանակ կարող է ճնշող ազդեցություն ունենալ շրջապատի տրամադրության վրա, այդ իսկ պատճառով, որպեսզի չծանրացնեք թողած տպավորությունը, ավելի լավ է լրացնել սեւ գույնը այլ գույներով կամ աքսեսուարներով:   Իսկ հիմա այն մասին, թե առաջին ժամադրության ժամանակ ինչ գույնի զգեստ չարժե հագնել.   ԴԵՂԻՆ Շատ քիչ մարդկանց է սազում դեղին գույնը: Բայց եթե դա նույնիսկ դուք եք, ապա ամեն դեպքում ավելի լավ է պահել դեղին զգեստը հաջորդ հանդիպումների համար: Դեղին գույնը խորհրդանշում է իմաստություն եւ ինտուիցիա, բայց կարող է խոսել նաեւ ավելորդ ինքնավստահության կամ ինքնամփոփության մասին: Դա ավելի շատ ընկերության, քան թե սիրո գույն է: Իսկ մի՞թե, գնալով առաջին ժամադրության, դուք երազում եք հենց ընկերության մասին:   ՍՊԻՏԱԿ Առաջին ժամադրությանը կարելի է հագնել սպիտակ շալվար կամ կիսաշրջազգեստ, բայց ոչ' սպիտակ զգեստ կամ ամբողջովին սպիտակ կոստյում: Սպիտակ բաճկոնակները նույնպես չափազանց ձեւական են եւ ավելի շատ ասոցացվում են աշխատանքի կամ ուսման, այսինքն' համազգեստի հետ: Ընդհանուր առմամբ սպիտակ գույնը խորհրդանշում է անաղարտություն եւ անմեղություն' կեղծավորության եւ անհասանելիության որոշ երանգներով: Առաջին ժամադրության համար դա չափազանց «ստերիլ» գույն է: Ավելի լավ է այն պահեք հարսանիքի համար:   ԴԱՐՉՆԱԳՈՒՅՆ ԵՎ ԳՈՐՇ Դրանք ձանձրալի գույներ են, որոնք խորհրդանշում են անկում, ծերություն, պահպանողականություն: Սակայն դարչնագույնը ամեն դեպքում մի քիչ գորշից լավն է: Այն կարող է լինել ընդունելի, եթե խորը շոկոլադային երանգներով է կամ իր հիմքում ունի բորդո գույնի երանգներ: Այդ դեպքում դա վկայում է իմաստուն ծերության խառնուրդով էլեգանտության մասին: Բայց միեւնույն է' կարող է բնութագրել ձեզ որպես էմոցիաներից ժլատ անձնավորություն»։ Այս մասին Facebook սոցցանցի իր էջում գրել է Ալվինա Բաբայանը։   ՝ lurer.   Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝  
Էլթոն Ջոնը հաղթել է իր հանրահայտ Nikita երգի գրագողության վերաբերյալ դատը

  Հանրահայտ բրիտանացի երգիչ Էլթոն Ջոնը հաղթել է դատական գործընթացը հեղինակային իրավունքների խախտման վերաբերյալ` հաղորդում է TMZ պորտալը: Երգերի հեղինակ Գայ Հոբսը 2012թ ապրիլին դիմել է Իլինոյսի ֆեդերալ դատարան՝ Էլթոն Ջոնի դեմ հայցով, հայտարարելով, որ հանրահայտ երգիչն օգտագործել է իր տեքստը: Հայցի փաստաթղթում նշվում է, որ 1982թն Հոբսը իր Natasha ստեղծագործությունը, որը նվիրված էր ռուս մատուցողուհու հետ իր սիրավեպին, ուղարկել է բոլոր ձայնագրող ընկերություններին, այդ թվում այն մեկին, որը թողարկել է Էլթոն Ջոնի երգերը: Հոբսի ստեղծագործությունը ընկերությունը չի թողարկել, սակայն Էլթոն Ջոնի 1985թ Nikita երգի մեջ Հոբսը չափազանց ծանոթ բառեր է նկատել: Իր հայցում նա պահանջում է հեղինակային իրավունքների խախտման համար փոխհատուցում:  Էլթոն Ջոնն ի պատասխան դատարանից պահանջել է փակել գործը, քանի որ իր կարգի երաժիշտը չէր գողանա անհայտ բանաստեղծի երգի բառերը: Դատարանը համաձայնել է երգչի փաստարկների հետ և Էլթոն Ջոնի դեմ հայցը փակվել է:   ՝ 1in.   Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝  
ԷՐԻԿԸ ԿՊԱՏՄԻ “ԱՆԻՐԱԿԱՆ” ՍԻՐՈ ՄԱՍԻՆ

  էրիկի նոր` “Անիրական”   տեսահոլովակը  մեկ   օրվա  ընթացքում  ավելի քան  3000  դիտում  ունեցավ: Էրիկի կարծիքով տեսահոլովակը արդեն իսկ  հասավ  հաջողության: “Կարդացել եմ բազմաթիվ  մեկնաբանություններ   իմ  նոր տեսահոլովակի վերաբերյալ, որոնց   մեծամասնությունը   դրական  էր,  կար նաև  բացասական կարծիքներ, դե իհարկե  առանց  դրանց  էլ  անհնարին  է (ժպտում  է)”, - նշեց  Էրիկը: “Անիրական”     երգի  երաժշտության  հեղինակը Ռիչարդ  Մադլենյանն  է,  խոսքերինը`  Գայանե  Ավետիսյանը,  իսկ  տեսահոլովակի  ռեժիսորը`  Արթուր Մանուկյանը:  “Սյուժեյի  հիմքում  ընկած  է  սերը, որին շատերը երկար են սպասել և  որը  անիրական  է  միշտ  թվացել”,- զրույցում  հավելեց  երգիչը:  Նկարահանումները   տեղի  են  ունեցել  Ֆլորենսիա   ռեստորանային  համալիրում, Երևանի  երթուղային   կայարանի  տարածքում: “Ֆլորենսիայում   կան  գեղեցիկ  տաղավարներ,  որոնք  և  օտագործեցինք  գեղեցիկ  տեսահոլովակ  նկարահանելու համար ,  իսկ  կայարանում  տարածքը մեծ  և  ազատ  էր, նկարահանումների  ժամանակ  խանգարողներ  չկային”,-  հավելեց  Էրիկը: Տեսահոլովակի    գլխավոր   հերոսուհին  այս  տարվա  “վիցցե  միսս  Հայաստան”  Անիտա  Գաբրիելյանն  է:  Տեսահոլովակում  նկարահանվել  են  նաև  “A-Era”  պարային  խումբը:    Այն  հարցին, թե  ինչու  այսքան  երկար  սպասեցնել  տվեց էրիկը  իր  երկրպագուներին` պատասղանեց, որ  անցած  տարի  շատ  էր  եթերներում  հայտնվել`  մրցույթներ, փառատոններ: ”Չի  կարելի  եթերներում  շատ  լինել և  զուգահեռ  տեսահոլովակ  նկարահանել, նաև  ժամանակի  խնդիրն  էր, իսկ  այս  տարի  որոշել  եմ  հիմնականում  զբաղվել   անհատական  գործունեությամբ` նկարահանել  տեսահոլովակներ, որոնք  մնայուն  են, իսկ  փառատոններն  անցողիկ”,- նշեց  երգիչը:  Շատերի  կարծիքով    նոր  տեսահոլովակը    հաջողված  է, քանի  որ  Էրիկի  ձայնային  լավ  տվյալները  լրացնում  են  շատ  խնդիրներ:   Նյութը պատրաստեց Արևիկ Ավետիսյանը   ՆԿԱՐՆԵՐ
Բրիտնի Սփիրսը գիրք է գրել

  Բրիտնի Սփիրսը էներգիայի անսպառ աղբյուր ունի: Բացի նրանից, որ նա երգում , նկարահանվում է ֆիլմերում, հայտնի շոուի ժյուրիի անդամների կազմում է, այժմ էլ որոշել է զբաղվել գրականությունով: Օրերս Բրիտնին կներկայացնի իր նոր գիրքը, որի սյուժեն նա իր կյանքից է վերցրել: Ենթադրվում է, որ գիրքը շատ նորություններ կբացահայտի երգչուհու կյանքի մասին:   `zh.   Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝     
ՆԱԽՈՐԴ ՇԱԲԱԹՎԱ ՎԻԿՏՈՐԻՆԱՅԻ ԱՄՓՈՓՈՒՄ ԵՎ ԱՅՍ ՇԱԲԱԹՎԱ ՎԻԿՏՈՐԻՆԱՅԻ ՁԵՎԱՎՈՐՈՒՄ

Նախորդ շաբաթվա Վիկտորինայի հարցերը հետևյալն էին՝   Հարց 1. Ո՞ր երգն է Անչոկին ճանաչում բերել: Այս հարցին որպես ճիշտ պատասխան է ընտրվել Լիանա Գևորգյանի պատասխանը՝ Աշուն: Հարց 2. Ո՞վ է Համազգային Թատրոնի ղեկավարը: Այս հարցին որպես ճիշտ պատասխան է ընտրվել Անի Մանուկյանի պատասխանը՝ Սոս Սարգսյան: Հարց 3. Ե՞րբ է ծնվել Հայկական կրկեսի լեգենդար արտիստ Լեոնիդ Ենգիբարյանը: Այս հարցին հնչած պատասխաններից որպես ճիշտ պատասխան համակարգիչը ընտրել է Անահիտ Խորշիկյանի պատասխանը՝ 1935 թվականի մարտի 15ն: Հարց 4. Ե՞րբ և որտե՞ղ է կայանալու Արա Գևորգյանի մենահամերգը: Նշենք, որ այս համերգն արդեն տեղի է ունեցել, սակայն ցավալի է, որ այս հարցին չի հնչել ոչ մի ճիշտ պատասխան: Ճիշտ պատասխանն է՝ հոկտեմբերի 10ն, Թբիլիսիի Եվրոպա հրապարակ: Հարց 5. Ե՞րբ է ծնվել Վիկ Դարչինյանը: Այս հարցին ճիշտ պատասխան է ընտրվել Կարինե Ղազարյանի պատասխանը՝ 1976 թվականի հունվարի 7ն: Հարց 6. Ո՞վ է Եվրատեսիլի հայաստանյան պատվիրակության ղեկավարը: Այս հարցին հնչել է միայն մեկ սխալ պատասխան, իսկ ճիշտ պատասխաններից համակարգիչը ընտրել է Լիլիթ Մկրտչյանի պատասխանը՝ Գոհար Գասպարյան: Հարց 7. Քանի՞ տարով է մեծ Շակիրան իր ամուսնուց: Այս հարցին հնչած բոլոր պատասխանները ճիշտ էին և համակարգիչը ընտրել է Սուրեն Այվազյանի պատասխանը՝ 10: Հարց 8. Քանի՞ տարեկան է Լևոն Արոնյանը: Այս հարցին նորից հնչել է հիմնականում ճիշտ պատասխան և համակարգիչը ընտրել է Անահիտ Հարությունյանի պատասխանը՝ 30: Հարց 9. Քիմ Քարդաշյանը քանի՞ անգամ է ամուսնացած եղել: Այս հարցին հնչել է 3 ճիշտ պատասխան, որից 2-ը պատասխանել են արական սեռի ներկայացուցիչներ, սակայն, ցավոք սրտի, համակարգիչը ընտրել է Լիլիթ Սևոյանի պատասխանը՝ 2: Հարց 10. Գուրգեն Սարգսյանը <<Աննա>> հեռուստասերիալում ու՞մ  կերպարն էր մարմնավորում: Այս հարցին հնչել են բազմաթիվ ճիշտ պատասխաններ, սակայն համակարգիչը ընտրել է Միլա Վարդանյանի պատասխանը՝ Գուգոյի:   Այս շաբաթվա Վիկտորինայի հարցերը հետևյալն են՝   Հարց 1. Ի՞նչ է <<Դժվար ապրուստ>> հեռուստասերիալում հանդես եկող Էվայի դերակատարի իրական անուն, ազգանունը: Հարց 2. Ո՞ր դպրոցում է սովորել Մովսես Երեմյանը: Հարց 3. Սիլվա Հակոբյանի <<Մռութիկ>> տեսահոլովակում ո՞վ է հանդես եկել որպես գլխավոր հերոսուհի: Հարց 4. Ո՞ր համալսարանն է ավարտել Ռեփեր Միշոն: Հարց 5. Ե՞րբ է ծնվել <<32 ատամ>> ակումբի Արսեն Գրիգորյանը: Հարց 6. Ո՞վ է Միհրան Ծառուկյանի <<Գոլ>> երգի խոսքերի հեղինակը: Հարց 7. Որտե՞ղ է բնակվում երգիչ Նորոն՝ նույն ինքը Նորո Կիրակոսյանը: Հարց 8. Որտե՞ղ է ծնվել Արամ Ավագյանը: Հարց 9. Մարիաննա Մխիթարյանն ու՞մ  կերպարն է մարմնավորում <<Դժվար ապրուստ>> հեռուստասերիալում: Հարց 10. Ի՞նչ է Անահիտ Սիմոնյանի ամուսնու անուն, ազգանունը:   Վիկտորինայի հարցերին կարող եք պատասխանել այստեղ՝ ՎԻԿՏՈՐԻՆԱ
; : :