Besplatnoetut.ru

НОВОСТИ ОТ Besplatnoetut.ru

ՀՂԻ ՍԱՌԱՆ ԻՆՔՆ Է ԴՍՏԵՐԸ ՈՒՂԵԿՑՈՒՄ ԴՊՐՈՑ

  Սեպտեմբերի 11ն Սառա Միշել Գելլարը ընկերուհու և դստեր հետ քայլելով Բեվերլի Հիլզի փողոցներով, իր դստերը` Շարլոտին ուղեկցել է դեպի դպրոց: Սառան որոշել է, որ որքան հնարավոր է, ավելի շատ ժամանակ տրամադրի դստերը և լինի նրա կողքին, մինչ լույս աշխարհ կգա իր մյուս փոքրիկը: Որպեսզի Սառան միշտ հիշի դստեր հետ անցկացրած իր երջանիկ պահերը, նա վերցրել է լուսանկարչական սարքը և փորձել հետաքրքիր պահերն անմահացնել:   Նյութը պատրաստեց`Արևիկ Ավետիսյանը
<<Էն ժամանակվա համ ու հոտն ուրիշ էր էլի>>.

      Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝  
ԳԱՐՆԵՐԸ ԵՎ ԱՖՖԼԵԿԸ ՄԵԾԱՑՆՈՒՄ ԵՆ ՓՈՔՐԻԿ ԿԱՐԱՏԵԻՍՏԻ

  Ջեննիֆեր Գարները և Բեն Աֆֆլեկը իրենց ավագ դստերը ուղարկում են կարատեի դասընթացների: Դատելով լուսանկարներից` հեկտեմբերի 26ն փոքրիկ Վաիլետը անցել է նոր մակարդակի: Սրահ մտնելիս` աղջիկը սպիտակ գոտիով էր, իսկ ավելի ուշ, երբ նրա հայրը սրահից տանում էր, երեխան արդեն նարնջագույ գոտիով էր, իսկ ձեռքին էլ դիպլոմ:   Նյութը պատրաստեց` Արևիկ Ավետիսյանը
Ալ Պաչինոյի աղքատ մանկությունը

  Ալ Պաչինոն (Ալֆրեդո Ջեյմս Պաչինո) ծնվել է 1940 թվականին, Նյու Յորքում: Ծնողները Սիցիլիայից էին եւ շատ վաղ էին ամուսնացել. հայրը՝ 20, մայրը` 17 տարեկանում: Առաջնեկի` Ալֆրեդոյի ծնվելուց հետո նրանք բաժանվում են, հետագայում անհաջող փորձեր անելով միանալու: Ալ Պաչինոն սիրով ու երախտագիտությամբ է հիշում մորը. «Իմ ծնողները բաժանվեցին, երբ ես շատ փոքր էի, մենք մորս հետ գնացինք պապիս ու տատիս մոտ: Մենք այնքան աղքատ էինք, որ հազիվ էինք ծայրը ծայրին հասցնում»: Աղքատության այդ տարիներին մի գրոշն անգամ թանկ էր աղքատ ընտանիքի համար, այսօր արդեն միլիոնատեր դարձած դերասանը հիշում է. «Իմ մեծ տատիկը երբեմն ինձ արծաթյա դոլար էր տալիս, նա միշտ քնքուշ էր վարվում: Երբ նա ինձ տալիս էր փողը, ամբողջ ընտանիքը բացականչում էր՝ ոչ, ոչ, ոչ: Մի տուր նրան արծաթյա դոլար: Եվ ես ինձ մեղավոր էի զգում, որ վերցրել եմ այն»: Ալ Պաչինոյի մայրը, ճիշտ է, աշխատում էր, սակայն միշտ ժամանակ գտնում էր որդու համար. «Ինչ նոր ֆիլմ էլ լիներ, մայրս ինձ տանում էր դիտելու: Հաջորդ օրը նա գնում էր աշխատանքի, ես սկզբից մինչեւ վերջ միայնակ խաղում էի տեսածս ֆիլմը»: Ալ Պաչինոն երախտագիտությամբ է հիշում մորը նաեւ այն բանի համար, որ ետ է պահել իրեն փողոցային կյանքից. «Ընկերներս գալիս էին, ինձ կանչում էին փողոց խաղալու, մայրս դուռը փակում ու դուրս չէր թողնում, ես կռվում էի, հանդիմանում… սակայն գիտե՞ք, թե ինչ ստացվեց. այսօր արդեն այդ տղաները չկան: Նրանք մահացել են` ընկնելով հանցագործ կյանքի մեջ»: Ալ Պաչինոյի մայրը մահանում է արյան քաղցկեղից, երբ նա ընդամենը 22 տարեկան էր, նույն տարում մահանում է նաեւ մորական պապը, ում հետ Ալը շատ կապված էր: Վշտից նա իրեն ամբողջովին նվիրում է աշխատանքին:   `hraparak.   Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝     
ԵԿԵՔ ԳՈՒՇԱԿԵՆՔ ՀԱՅՏՆԻ ՄԱՐԴԿԱՆՑ ԾԱՂՐԱՆԿԱՐՆԵՐԸ ԵՎ ԼՍԵՆՔ ԵՐԱԺՇՏՈՒԹՅՈՒՆ

    կայքը նորից առաջինն է իր ԾԱՂՐԱՆԿԱՐՆԵՐ բաժնով, որտեղ տեղ են գտել հայտնի մարդկանց ծաղրանկարները, սակայն այս բաժինն ավելի հետաքրքիր դարձնելու համար,  մենք չենք նշել, թե ում ծաղրանկարներն են: Սակայն դուք հնարավորություն ունեք գուշակել մասնակցի անունը և լսել հաճելի երաժշտություն: Ծաղրանկարները, որոնք պարբերաբար ավելանում են,  մեզ է տրամադրում ինտերնետային կայքի բարեկամ Արամ Ղամբարյանը: Բոլոր ծաղրանկարները մեզ մոտ տեղ են գտել իրենց իսկ համաձայնությամբ:  
Քրիսթին Սթյուարտը և Ռոբերտ Պատինսոնը միասին հայտնվել են MTV շոուին

    Աստղային զույգը` Քրիսթին Սթյուարտը և Ռոբերտ Պատինսոնը, առաջին անգամ միասին հայտնվել են հեռուստատեսային շոուին, հայտնում է VIVA-ն: Հուլիսին տեղի ունեցած սկանդալից հետո, որը տեղի էր ունեցել Քրիսթինի և ամուսնացած ռեժիսորի դավաճանության պատճառով, աստղային զույգը առաջին անգամ միասին ներկայացավ հանրությանը: Զույգը մեծ ուրախությամբ ներկայացել է MTV հեռուստաշոուին, որտեղ տեղի են ունեցել « Twilight. Saga: Dawn.» ֆիլմի 2-րդ մասի նկարահանումները:   `shshyan.     Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝    
Porsche Cayenne GTS – Սպորտային ամենագնացների նոր առաջատարը

  Porsche Cayenne GTS-ը ընկերության սպորտային ամենագնացի տարատեսակների հիերարխիայում զբաղեցնում է բավականաչափ բարձր դիրք: Այն դասակարգվում է 400 ձիաուժանոց Porsche Cayenne S եւ 500 ձիաուժանոց Cayenne Turbo միջեւ եւ մինչեւ Turbo S հրապարակ գալը երկրորդ հզորագույն Cayenne-նն է իր 4.8լ աշխ. ծավալով, 420 ձիաուժ հզորությամբ V8 շարժիչով: Սա GTS երկրորդ սերունդն է եւ ասպարեզ է հանվել 2012 ապրիլին Պեկինի միջազգային ավտոսալոնում, իսկ մենք՝ ավտոմոբիլային լրագրողների միջազգային խմբի անդամներս, հավաքվել ենք Լայպցիգում՝ Porsche գործարան-սպասարկման կենտրոնում, որտեղի հատուկ սարքավորված վազքուղում եւ արտաճանապարհային փորձադաշտում էլ տեղի է ունենում մեր ծանոթությունը նոր մեքենայի հետ:   Նոր Cayenne GTS արտաքինը հիմնականում կրկնում է Turboն, հատկապես առաջնամասի ագրեսիվ ձեւավորմամբ, սակայն մի քանի շտրիխներով կարելի է տարբերել նրան: Մեքենայի վրա իսպառ բացակայում են քրոմապատ դետալները: GTS ապակիների շրջանակները սեւ են, խլացուցիչների կրկնակի խողովակները՝ նույնպես, մի սեւ գիծ էլ բեռնախցիկի ներքնամասում կա: Բացի այդ, առջեւի լուսարձակների ապակիները եւ կանգազդանշաններն ավելի մգացված են, իսկ կողային դռների շեմերի սպոյլերները ներկվում են մեքենայի գույնով: GTS կախոցներն ավելի կարճ են եւ սպորտային, որով մեքենայի ճանապարհածերպը 24 մմ-ով ավելի քիչ Է: Թվում է, թե այդ 2.4 սանտիմետրը մեքենայի չափերի ֆոնին դժվար թե որեւէ կերպ նկատվի, բայց իրականում GTS-ը դրա շնորհիվ ավելի սլացիկ եւ սպորտային է դիտվում: Մեքենան սարքավորվում է եւ’ սովորական զսպանակային կախոցներով, եւ’ ադապտիվ պնեւմոկախոցներով՝ մեքենայի թափքի դիրքի կարգավորման հինգ ռեժիմներով: Որպես ստանդարտ՝ առաջարկվում են 20 դյույմանոց անիվներ, բայց որպես հավելյալ սարքավորում կարելի է պատվիրել նաեւ 21 դյույմանոցներ: Մեքենայի ինտերիերը նույնպես առանձնապես չի տարբերվում: Որպես ստանդարտ՝ առաջարկվում է ալկանտարա թավշակաշի, իսկ անհատականացման կողմնակիցները կարող են պատվիրել հատուկ կարով եւ GTS մակագրություններով ինտերիեր: Հատուկ GTS համար մշակվել են երկու առանձնահատուկ գույն՝ ալ կարմիր՝ Carmine Red, եւ դեղնականաչավուն՝ Peridot Metallic: Նոր GTS-ը ընկերության կողմից դիտարկվում է որպես Cayenne ամենասպորտային տարբերակ, ինչի հետ, թերեւս, դժվար է չհամաձայնել, մանավանդ մրցարշավային վազքուղու վրա: Հիանալի կառավարվող GTS-ով ուղղակի գերագույն հաճույք է վարել մրցարշավային վազքուղով, հատկապես ամերիկյան Լագունա Սեկայի նշանավոր վազքուղու Խցանահան ոլորանի կրկնօրինակով, որի մրցարշավային բարեմասնությունները գնահատվել են բազմաթիվ տաղանդավոր մրցարշավորդների կողմից: Սակայն GTS բոլոր բարեմասնությունները վեր հանելու համար հարկավոր է համեմատել այն այլ Cayenne-ների, օրինակ՝ 400 ձիաուժանոց Cayenne S եւ Turbo հետ: Հենց Turbo հետ համեմատությունից հետո էլ պարզ կլինի, թե որքանով է սպորտային եւ կառավարվող GTS-ը: Չէ որ Turbo-ն իր 500 ձիաուժանոց շարժիչով այսօր ամենաարագընթաց եւ թանկարժեք Cayenne է, որը 100 կմ/ժ արագությանը հասնում է ընդամենը 4.7 վայրկյանում, մինչդեռ GTS այս ցուցանիշը մեկ վայրկյանով ավելի է: Բայց եկեք, առաջ չընկնենք: Չնայած Turbo հզորությանը եւ արագությանը, GTS-ը ավելի հասկանալի եւ կանխատեսելի է իրեն դրսեւորում: Այն, կարելի է ասել, ավելի արագ եւ հաստատուն է անցնում ոլորանները, մինչդեռ Turbo-ն իրեն դրսեւորում է ուղղաձիգներին: Իմ սուբյեկտիվ տպավորությունով, GTS-ը շրջանն անցնելու արագությամբ համարյա չի զիջում Turboն, իսկ վարման հաճույքի տեսակետից ինձ ավելի դուր եկավ: Այն ավելի հղկված եւ հավասարակշռված է՝ հստակ ռեակցիաներով, ղեկանիվի ճշգրիտ դարձերով եւ 8 աստիճանով Tiptronic ավտոմատ փոխանցումատուփի արագ եւ հարմար աշխատանքով: 2085 կգ կշռող GTS-ը, որը մոտ 100 կգ-ով թեթեւ է Turboց, ավելի ճարպիկ է եւ ճկուն: Ի դեպ, նախորդ սերնդի համեմատ նոր Cayenne-ները քաշի կորուստ են ունեցել, որի հիմնական մեղավորներից է նաեւ իջեցնող փոխանցումաշարքի բացակայությունը: Նախորդ սերնդի Cayenne-ն աչքի էր ընկնում նախանձելի անցունակությամբ, որի կռվաններից մեկն էլ իջեցնող փոխանցումաշարքն էր: Նոր սերնդի Cayenne-ները զուրկ են այդ սարքավորումից, քանի որ ուսումնասիրությունները ցույց են տվել, որ գնորդների ընդամենը չնչին՝ մի քանի տոկոսն է ընդհանրապես օգտվում դրանից: Այդ պատճառով էլ ավելորդ քաշ ձեռք չբերելու համար որոշվեց նոր սերնդի մեքենաներին չզինել այդ արտաճանապարհային օժանդակ սարքավորումով եւ բավարարվել միայն չորս տանող անիվների համակարգով: Նախկին խորհրդային զորքերի տանկային փորձադաշտի ամենատարբեր խոչընդոտները՝ 60 տոկոսանոց բարձունքները, 35 աստիճանով թեքությունները, ջրային եւ փոսային հատվածները Porsche-ն անցնում է անխռով ու հանգիստ, առանց դույզննչ անհանգստության եւ տագնապի: Փորձադաշտի ոչ մի հատվածում չզգացվեց իջեցնող փոխանցումաշարքի անհրաժեշտությունը: Ինչու է հարկավոր դա, եթե մեքենան իր բազմաթիվ էլեկտրոնային համակարգերով կարողանում է հաղթահարել բոլոր խոչընդոտները. այնպես որ, կարծում եմ Porsche-ում ճիշտ որոշում են կայացրել այս առումով եւ Cayenneն ամենագնացից դարձրել են քրոսսովեր: Հաջողությամբ ավարտելով այս արտաճանապարհային վարժությունները՝ մենք կրկին տեղափոխվում ենք մրցարշավային վազքուղի, որտեղ, ինչպես նախորդ մեր այցելության ժամանակ, Porsche թեստ-դրայվերները ցույց են տալիս Cayenne հնարավորությունները էքստրեմալ վարման պայմաններում, իսկ մենք էլ՝ ավտոմոբիլային լրագրողների միջազգային խմբի անդամներս, ըմբոշխնում ենք այդ ֆանտաստիկ դրայվը՝ որպես ուղեւորներ: Հենց այսպիսի բարձր նոտայով էլ ավարտվում է մեր այցը Լայպցիգ եւ ծանոթությունը նոր Cayenne GTS հետ, որի արդյունքում գծագրվում է թանկարժեք սպորտային քրոսսովերների դասի նոր առաջնորդի իրական պատկերը:   ՝ aravot.   Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝  
; : :