Besplatnoetut.ru

НОВОСТИ ОТ Besplatnoetut.ru

ԱՍՏՂԵՐԸ ՄԱՍՆԱԿՑԵԼ ԵՆ ՕՊԵՐԱՅԻ ԵՎ ԲԱԼԵՏԻ ՄՐՑԱՇՐՋԱՆԻ ԲԱՑՄԱՆԸ

  Սեպտեմբերի 20ն Նյու Յորքը պաշտոնական մեկնարկ տվեց օպերայի և բալետի նոր մրցաշրջանին: Այդ առիթով, David H. Koch թատրոնում կայացավ Ballet Fall Gala ամենամյա երեկոն, որտեղ կարմիր գորգը զարդարել էին հայտնի աստղերը և հայտնիները (այնտեղ էին` Էնն Խետեուեյը, Սառա Ջեսսիկա Պարկերը, Կարոլինա Կուրկովան, Օլիվիա Պալերմոն և այլոք), իսկ ֆոտոխցիկների լույսերը կուրացնում էին մարդկանց աչքերը: Մասնավորապես տոնի հանդիսավոր պահին Վալենտին Գարավանը նշեց իր ներդրումները բալետի արվեստում (վերջին երեք տարիների ընթացքում դիզայները մի քանի բեմական հագուստ է կարել Նյու Յորքի բալետային ներկայացումների համար): Նշենք, որ այնտեղ գտնվող աստղերը գովաբանում էին Կելվին Կլեյ ֆիրման:    Նյութը պատրաստեց` Արևիկ Ավետիսյանը
Ինչպե՞ս երկարեցնել թարթիչները տնային պայմաններում

  Եթե ուզում եք մշտապես գայթակղիչ հայացք ունենալ, ուշադրություն դարձրեք Ձեր թարթիչներին, ընդ որում՝ պետք չէ անընդհատ վազել գեղեցկության սրահներ: Գործը նաև տնային պայմաններում է հնարավոր գլուխ բերել:  1. Ձիթապտղի յուղի մի քանի կաթիլ կաթացրեք բամբակի փոքրիկ կտորի վրա ու այն դրեք թարթիչներին՝ թողնելով մոտ 5 րոպե, ապա լվացեք աչքերը գոլ ջրով: Այս գործողությունը կրկնելով 4 շաբաթ շարունակ՝ կզգաք, թե ինչպես է փոխվում թարթիչների որակը, թե ինչպես են դրանք դառնում առավել առատ ու փայլուն: 2. Քնելուց առաջ թարթիչների սանրիկին մի քիչ վազելին քսեք ու սանրեք թարթիչները: Կատարեք այս գործողությունը ամեն օր ու կհասնեք անհավատալի արդյունքների: 3. Որոշ ժամանակ հրաժարվեք թարթիչների ջարդիչից : Այն աննկատ, բայց լուրջ վնաս է հասցնում թարթիչներին ու կանխում է դրանց աճը: Փորձեք գոնե մեկ ամիս հանել այն կիրառությունից, հետո էլ առավել հազվադեպ օգտագործեք: 4. Е վիտամինի յուղ գնեք ու հնարավորության դեպքում ամեն օր մի քանի կաթիլ քսեք թարթիչներին: Այս վիտամինը կօգնի բարելավել թարթիչների որակն ու խտություն կհաղորդի դրանց:   `zh.   Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝     
ԼԵՎՈՆ ԱՐՈՆՅԱՆԸ ԵՐԿՐՈՐԴՆ Է ԱՇԽԱՐՀՈՒՄ

  ՖԻԴԵ-ն հրապարակել է աշխարհի  ուժեղագույն շախմատիստների նոյեմբեր ամսվա վարկանշային աղյուսակը:Առաջին տեղում նորվեգացի Մագնուս Կառլսենն է (2848),  երկրորդում  Լևոն Արոնյանը (2815), իսկ երրորդը ռուս Վլադիմիր Կրամնիկն է (2795) գործակցով:Լավագույն 100 շախմատիստների ցուցակում են նաև չորս հայ գրոսմաստերներ. 45. Վլադիմիր Հակոբյան (2703) 62. Սերգեյ Մովսեսյան (2688) 74. Գաբրիել Սարգսյան (2679) 92. Տիգրան Լ. Պետրոսյան (2659)  `asekose.   Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝  
Մեխիկոյում ծաղրածուների օլիմպիադա է անցկացվել

  Մեքսիկայի մայրաքաղաք Մեխիկոյում անցկացվել է «Ծաղրածուների 10-րդ Օլիմպիադան», հայտնում է РИА Новости-ն։ Օլիմպիադան անցկացվել է «Ֆրանցիսկո Մարկես» փակ լողավազանում, որտեղ անցկացվել են Օլիմպիադա-1968 որոշ մրցումներ։ Գունավոր շորերով և շպարով դերասանները մասնակցել են մի քանի մրցույթներում՝ ներառյալ ծիծաղելի թռիչքներ ջրի մեջ, պարանի ձգում, վազքի մրցույթ հսկայական կոշիկներով։ «Մեր նպատակն է ժամանակ անցկացնել երեխաների հետ, որպեսզի նրանք տեսնեն ծաղրածուներին, հանգստանան և ծիծաղեն կամ գոնե պարզապես ժպտան»,- պատմել է մրցույթի մասնակիցներից մեկը։ «Մարզիկները» ստացել են միավորներ յուրաքանչյուր հաղթանակի համար։ Հաղթողին շնորհվել է «Ծաղրածու. Տարվա մարզիկ» կոչումը։ Միջոցառումը կազմակերպվել է Մեքսիկայի ծաղրածուների ակումբի կողմից՝ բարեգործական նպատակներով։   `tert.   Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝     
Երջանիկ ամուսնության գաղտնիքները

  Տղամարդիկ բնակչության կանացի կեսից ոչ պակաս են երազում ընտանիքի, կնոջ ու երեխաների մասին։ Կինը, իր հերթին, տարված է հարսանիքի, սպիտակ զգեստի եւ այն մտքով, որ պսակադրությունից հետո ամուսինն իրեն ձեռքերի վրա կպահի։ Mignews - ը չափազանց տխուր է համարում, երբ կյանքի նկատմամբ ունեցած մանր, բայց նշանակալի հայացքների պատճառով հաճախ ընտանիքներ են քանդվում։ Բանն այն է, որ խնդիրը փնտրում ենք հանգամանքների, ճակատագրի, այլ մարդկանց, մեր կեսի, բայց ոչ՝ մեր մեջ, նշում են հոգեբանները։  Դիտարկենք երջանիկ ընտանեկան կյանքի մի քանի կետ։   1. Մի փոխիր նրան, այլ՝ ինքդ քեզ   Մարդուն փոխելու փորձերն անշնորհակալ զբաղմունք է։ Առավել եւս, որ, որպես կանոն, նրա բնավորությունն ու սովորությունները գիտենք դեռեւս մինչեւ ամուսնությունը։ Այդ պատճառով, կեսիդ փոխելու փորձերի փոխարեն փոխիր թերությունների հանդեպ վերաբերմունքդ։   2. Գնա փոխզիջման   Այս խոսքերը բազմիցս ենք լսել, եւ այնուամենայնիվ, պետք է սովորենք փոխզիջման գնալ։   3. Փոխըմբռնում ու վստահություն   Եթե անընդհատ խանդես ու պահանջես, ապա ոչ մի լավ բան չի ստացվի։ Պետք է վստահել ու հասկանալ, չէ՞, որ կատարյալ չենք, եւ սեփական ընտրության իրավունք ունենք, նույնիսկ, եթե այն սխալ է։   4. Աջակցություն եւ օգնություն   Ինչ էլ որ պատահի, միշտ եղիր ամուսնուդ կամ կնոջդ կողքին։ Օգնիր քո կեսին գլուխ հանել, եթե նա խճճվել է։ Չէ՞, որ մեր հանդեպ հենց այդպիսի վերաբերմունք ենք պահանջում։ Առավելեւս, որ երեխաներին էլ լավ օրինակ է պետք ծառայել. հենց նրանք են մի օր, իրենց անհաջողություններով ու բացթողումներով, սկսելու դրսեւորել ձեր ամուսնության որակն ու ջրի երես հանել ձեր բոլոր սխալները։ Հիշեք, եթե սիրում եք միմյանց, ապա ոչ մի վեճ չի կարող ստիպել կասկածել ձեր ընտրության եւ երջանկության մեջ, չէ՞, որ մենք ենք այն կառուցում, իսկ կիսվելով՝ բազմապատկում ենք։   ՝   Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝  
Ամենաարտասովոր հավաքածուները

    Աշխարհում բազմաթիվ մարդիկ կան, ովքեր անսովոր իրերի հավաքածուներ ունեն: Նույնիսկ միջազգային մամուլում կազմվել էր արտասովոր հավաքածուների թոփ-տասնյակը: Այդպիսի հավաքածուների տերերից է, օրինակ, Դիմիտրիս Պիստոլաս Աֆինսը, ով աշխարհում կինոտեսախցիկների ամենամեծ հավաքածուն ունի` թվով 937 հին մոդել:   2003 թվականից սկսած չինացի կոլեկցիոներ Վանգ Գուոհուան ծխախոտների տուփեր է հավաքում: Նա արդեն ունի ավելի քան 100 արտադրողների 30.000 ծխախոտների տուփեր:       21-ամյա Լայզա Քորթնին իր 12.113 կտորից բաղկացած Pokemon-ների հավաքածուով 2010թ. Գինեսի ռեկորդակիր է դարձել:   Գերմանացի ֆերմեր Հենրի Կատը 1997 թվականից սկսած գարեջրի բաժակներ է հավաքում: Նա ունի մոտ 20.000 բաժակ:   Իսկ Ռոն Հուդը հավաքում է PEZ կոնֆետներ: Նա ունի ավելի քանի 3000 կոնֆետ-խաղալիքներ: Վալլի Համմերը ռետինե՝ թվով 2470 բադիկների հավաքածու ունի:   Պեմ Բարկերը 18.000 բու-խաղալիքներ է հավաքել: Ռոն Թիլերը բրելոկներ է հավաքում: Շերոն Բեդգլին թվով 6000 տիկնիկ Սանտա Կլաուսներ է հավաքել:   Այսպիսի մարդիկ կան նաև Հայաստանում: Օրինակ` Արսեն Եղիազարյանը մանկուց հետաքրքրվել է նամականիշերով. «Նամականիշեր մորեղբայրս էր հավաքում և ամեն անգամ նրա տուն գնալուց, բացում և նայում էի նրա հավաքածուն: Հետո որոշեցի սեփական հավաքածուն ունենալ: Հայաստանում նամականիշեր հավաքելն այնքան էլ տարածված չէ»: Նա դժվարանում է ասել` կդադարի՞ հավաքել նամականիշեր, թե՞ ոչ, բայց նույնիսկ դադարեցնելու դեպքում, նա վստահ է, որ դրանք ոչ մի դեպքում չի վաճառի:   Մարիաննա Աճեմյանը մոտ 250 հատ տարբեր երկրներից բերված գրիչներ ունի` ԱՄՆց, Եգիպտոսից, Սոչիից և այլ տեղերից: Նա գրիչներ սկսել է հավաքել դպրոցական տարիներից, երբ ծնողները ԱՄՆց հետաքրքիր գրիչներ էին բերում: «Դա 1996-1997 թվականներն էին: Ինձ դուր էր գալիս այն, որ ես տարբերվում էի դպրոցական իմ ընկերներից. նրանց գրիչները միանման էին»,- պատմեց Մարիաննան:   Դպրոցական տարիներին նա սիրում էր մի քանի հատ գրիչ դպրոց տանել: Նա և իր գրիչները դասարանցիների կողմից արժանանում էին գովասանքի. «Հետաքրքրություն կար նաև ինստիտուտի տարիներին: Անգամ եղբայրս, երբ զինծառայության մեջ էր, ինձ բանակից գրիչ էր նվեր ուղարկել: Հետո, ցավոք, այդ գրիչս գողացան: Երևի դա էր պատճառը, որ մեջս մի տեսակ դատարկությամբ լցվեց: Բացի դրանից` գրիչ հավաքողները շատացան, իսկ ես չեմ սիրում, երբ մի բան եմ անում, սկսում են բոլորն անել: Ժամանակները փոխվեցին, հետաքրքրություններս նույնպես»:   Գրիչների մեծ հավաքածու ունի նաև Սեգ Կիրակոսյանը: Նա սկսել է գրիչներ հավաքել 2004 թվականից. «Տանը հին ժամանակներից մնացած մի քանի գրիչ կար. շատ էի սիրում, բայց հին էին` չգրող ու մոռացված էին: Անգլիայից ընկերներիցս մեկն այդ ժամանակ ուղարկեց Աֆրիկայի բնական փայտից պատրաստած գրիչ: Հավանաբար այդ գրիչը պատճառ հանդիսացավ, որ միացնեմ մեր տան մի քանի հին գրիչներին ու դարձնեմ հավաքածու»,- ասաց Սեգը:   Սկզբում նա հավաքում էր ամեն ինչ, բացի, ինչպես ինքն է ասում` «ճտիկով գրիչից»: «Շուրջ 2 տարի անց հասկացա, որ եթե գրիչի խանութ բացեմ ու ունեցածս գրիչները 20 դրամով վաճառեմ`առանձնապես չեմ տխրի: Քանակը շատ էր, ու կարող էի արդեն աշխատել որակի վրա: Բաժանեցի նրանց 3 խմբի` «արտասովոր տեսքով, բայց շատ տարածված», «խորհրդանիշեր» ու «ձեռագործ»: Վերջինը հատկապես կարևորում եմ, որովհետև հավաքածուի արժեքը հենց նրանք են որոշում, իսկ գործարանում արտադրվածները ով էլ ուզի՝ կունենա: Արժեք ասելով, իհարկե, նկատի չունեմ փողը:   Օրինակ, մի ձեռագործ գրիչ ունեմ, որը պատրաստել է Արցախյան կռվում զոհված ազատամարտիկը: Որդին կուրսեցիս էր ու շատ երկար մտածելուց հետո որոշեց գրիչը նվիրել ինձ: Մի գրիչն էլ պատրաստել է ինչ-որ բանտարկյալ`1960-ականներին: Մանրամասները չգիտեմ, բայց շատ բարդ աշխատանք է, զարմանում եմ, թե ոնց են կալանավայրում ձեռքով նման բան պատրաստել»,- պատմեց Սեգը: Նա ասում է` եթե որևէ տարածքում դրանք ցուցադրելու հնարավորություն ունենա և կարողանան ապահովել գրիչների անվտանգությունը, ապա սիրով դրանք կցուցադրի. «Տանը դրած` շատ մարդ չի տեսնում»:   Մեր մյուս զրուցակիցը`Ռիտա Ղազարյանը, անձեռոցիկների մեծ հավաքածու ունի, որոնց թիվն անցնում է 200-ը. «Անձեռոցիկներ սկսել եմ հավաքել ութ տարեկանից; Քույրս հավաքում էր: Նրա հավաքածուից մի քանի անձեռոցիկներ հավանեցի, նա նվիրեց ինձ, և հենց դրանք էլ եղան իմ առաջին անձեռոցիկները: Ընկերներս և ծանոթներս արդեն տեղեկացված են, որ ես ունեմ նման հոբբի, ու ամեն առիթին նվիրում են: Նույնիսկ դասախոսներս գիտեն, որ սիրում եմ անձեռոցիկներ հավաքել, և մի անգամ էլ նրանցից մեկը Իսպանիայից բերված մի շատ գեղեցիկ անձեռոցիկ նվիրեց: Փոքր ժամանակ մտածում էի` այնքան հավաքեմ, որ հարսանիքիս բոլոր հյուրերին բաժին հասնի, իսկ հիմա արդեն սովորություն է դարձել և չեմ կարողանում հրաժարվել դրանից»:   Ռիտան ունի նաև գրիչների և պատկերազարդ մագնիսների հավաքածու:   Դժվար է ասել, թե ինչն է մարդկանց դրդում տարիներ շարունակ հավաքել ինչ-որ իրերի հավաքածուներ` տվյալ առարկայի նկատմամբ սե՞րը, կապվածությու՞նը, թե՞ շրջապատի մարդկանցից տարբերվելու ցանկությունը: Ամեն դեպքում հետաքրքիր է, որ կան այսպիսի մարդիկ, ովքեր տարիներ շարունակ նվիրվում են այս գործին և հավաքում են հետաքրքիր առարկաների հավաքածուներ:   ՝ 168.   Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝    
Բացառիկ կադրեր. Սարգիս Հովսեփյան.

      Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝  
; : :