Besplatnoetut.ru

НОВОСТИ ОТ Besplatnoetut.ru

ԱՐԱ ՀԱՐՈՒԹՅՈՒՆՅԱՆԸ ՊԱՏՐԱՍՏՈՒՄ Է ՆՈՐ ՆԵՐԿԱՅԱՑՈՒՄ

  2003 թվականին, երբ Արա Հարությունյանն ավարտեց Երևանի Թատերական Ինստիտոիտի “Մունջ դրամա” բաժինը, սկսեց մտածել  ստեղծելու մի խումբ, ինչն իրականացնելու համար երկար ժամանակ չպահանջվեց: Հենց 2003 թվականին ստղծվեց “Միմ ստուդիո” թատերախումբը: Խումբը կազմված է 3 դերասանից`  Հայկ Իսրաելյան, Հովհաննես Հաջինյան և խմբի գեղարվեստական ղեկավար` Արա Հարությունյան: Խումբը, 2011 թվականին “Գագիկ Ծառուկյան” հիմնադրամի աջակցությամբ մասնակցել է Մոսկվայում կայացած “Սպիտակ դիմակ” թատերական միջազգային փառատոնին և հաղթող ճանաչվելով՝ արժանացել է առաջին պատվավոր մրցանակին: Այսօր, “Միմ ստուդիոյի” գեղարվեստական ղեկավար Արա Հարությունյանի  հետ զրույցում -ը տեղեկացավ, որ այժմ դերասանը աշխատում է նոր ներկայացման վրա, որը կոչվում է “Ֆիլմ-ֆիլմ-ֆիլմ”, իսկ թե երբ կլինի պրեմիերան, դերասանը դժվարացավ պատասխանել,-“ Այդ ամենն ինձանից կախված չէ, կա ֆինանսական խնդիր և այլ մանր հարցեր, որոնք լուծվելուց հետո նոր կկայանա պրեմիերան, սակայն մոտավորապես կասեմ, որ հնարավոր է դա լինի եկող տրվա փետրվար ամսին”,-նշեց Արան: Այն հարցին, թե ինչպես է վերաբերում հումորի զգացումից զուրկ մարդկանց, Արան պատասխանեց,-“ Ես առհասարակ, մարդկանց լավ եմ վերաբերվում, կարևոր չէ, թե ինչ հատկություններով է  օժտված, կարևորը մարդ լինի, սակայն չեմ կարծում, որ հումորի զգացում չունեցող մարդիկ կան”:    Նյութը պատրաստեց՝ Արևիկ Ավետիսյանը
10 միլիոնից ավել մարդ դիտել է արդեն այս սիրո խոստովանությունը.

      Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝  
ՀԱՅ ԵՐԻՏԱՍԱՐԴՍՆԵՐԸ ՆՈՒՅՆՊԵՍ ՆՇՈՒՄ ԵՆ “ՀԵԼՈՈՒՆԻ” ՏՈՆԸ

  Հոկտեմբերի 31 լույս նոյեմբերի 1 գիշերը ԱՄՆ-ում և Եվրոպայում նշվում է “Հելոուինի” տոնը: Ամերիկացիներն այն նաև անվանում են “Դդումի տոն”: Դդումը “Հելոուինի” չար ուժերի գլխավոր հատկանիշն է: Այս օրը նրանք դդումից տարբեր կերակրատեսակներ են պատրաստում ու համտեսում: Բացի կերակուրներ պատրաստելուց, դդումների վրա փորագրություններ են անում, մոմեր վառում դդմի ներսում և այլն: Արևմուտքում այս օրը փոքրիկները թակում են մարդկանց դռներն ու քաղցրավենիք պահանջում: Իսկ ինչպես են նշում այդ տոնը Հայաստանում: Երկար տարիներ Ամերիկայի Միացյալ Նահանգներում բնակություն հաստատած Թադևոս Պասկևիչյանը, ով այսօր ապրում է Հայաստանում, պատմել է, թե ինչպես էին իրենք “Հելոուինի” տոնը նշում ԱՄՆ-ում: “Մենք այդ օրը կերպարանափոխվում էինք տարբեր հերոսների ու ուշ երեկոյան գնում տարբեր մարդկանց տուն, թակում դուռը ու գոչում՝ trich or treat (խարդախություն կամ հյուրասիրություն): Նրանք տալիս էին մեզ կոնֆետներ, և մենք ուրախ-ուրախ գնում էինք տուն: Ամեն տարի տարբեր կերպարներով էինք հանդես գալիս”: Վերջին տարիներին Թադևոսը սկսել է մասնակցել նաև Հայաստանում անցկացվող “Հելոուին Party”-ներին։ Ըստ նրա, դրանք նշվում են հայավարի: ”Հիմա ավելի շատ նշվում է խմելու, պարելու և ուրախանալու համար: Քաղաքի շատ ակումբներում են կազմակերպվում “Հելոուին Party”-ներ ու դրանց մասնակիցները պետք է ներկայանան տարբեր զգեստներով: Բոլորն էլ զանազան հանդերձանքով են հանդես գալիս, բայց անգամ չեն էլ հասկանում, թե դա ինչ տոն է, ինչպիսի մթնոլորտում պետք է անցկացվի: Ընդհանրապես չեմ էլ հասկանում, թե ինչու Հայաստանում սկսեցին այն տոնել”,- ասաել է նա: 
Այսօր Հակոբ Պարոնյանի ծննդյան 169-ամյակն է

  Այսօր հայ մեծ գրող-երգիծաբան՝ Հակոբ Պարոնյանի ծննդյան 169 ամյակն է: Հակոբ Պարոնյանը ծնվել է Թուրքիայի եվրոպական մասի Ադրիանապոլիս քաղաքում 1843 թվականին: Տարրական կրթությունն ստացել է ծննդավայրի Արշակունյաց վարժարանում: Նա համարվում է 19-րդ դարի երկրորդ կեսի հայ գրականության, հատկապես ռեալիստական արձակագրության ամենանշանավոր դեմքերից մեկը: Սկյուտարի վարժարանում աշխատելիս Պարոնյանը ծանոթանում է բանաստեղծ Սիմոն Ֆելեկյանի հետ և նրա առաջարկով սկսում է աշխատակցել «Եփրատ» թերթին՝ հետագայում դառնալով նրա խմբագիրը: Այդպես է սկսվում մեծ երգիծաբանի մուտքը լրագրության և հրապարակախոսության աշխարհ:  Պարոնյանի ստեղծագործական կյանքում վճռական դեր է կատարում նրա ծանոթությունը Հարություն Սվաճյանի և նրա «Մեղու» հանդեսի հետ: Կարճ ժամանակ աշխատակցելով «Մեղու»ն՝ նա այնուհետև ստանձնում է շաբաթաթերթի խմբագրությունը: Պարբերականի քննադատական ուղղվածությունն ավելի է սրվում, որը և պատճառ է դառնում իշխանությունների կողմից նրա փակվելուն:  Պարոնյանի լավագույն ստեղծագործությունները լույս են տեսել այս պարբերականներում: Նա գրեթե մենակ էր լցնում իր խմբագրած թերթերի ու հանդեսների էջերը: Դա տառապալից աշխատանք էր: Բայց կամքի գերագույն լարումով նա հաղթահարում էր հոգեկան ու ֆիզիկական զրկանքները՝ խորապես հավատացած լինելով, որ սերունդներին թողնում է գրական անմահ ժառանգություն:  Կյանքի վերջին տարիներին կարիքը մեծ երգիծաբանին ստիպում է նորից անցնել հաշվապահի հոգեմաշ աշխատանքին: Բայց հյուծող հիվանդությունը՝ թոքախտը, արդեն վերջնականապես քայքայել էր նրա օրգանիզմը: Պարոնյանը վախճանվում է 1891թ. մայիսի 27ն՝ սերունդներին թողնելով իր անմահ ստեղծագործությունները՝ «Մեծապատիվ մուրացկաններ», «Քաղաքավարության վնասները», «Պաղտասար աղբար», «Պտույտ մը Պոլսո թաղերու մեջ» և այլն, որոնք այսօր էլ ընթերցվում են որպես ժամանակակից գործեր և զարդարում են հայ բեմը:    ՝ neo   Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝  
Ամերիկուհին ընդհանրապես ցավ չի զգում

  ԱՄՆ Փաթթերսոն քաղաքում բնակվում է 13-ամյա Էշլի Բլոքերը, ով օժտված է արտասովոր ունակությամբ: Աղջիկը բացարձակապես չի զգում ոչ մի ցավ: Ծնողները Էշլիի տարօրինակ հատկության մասին իմացել են, երբ վերջինս, կոտրելով ոտքի կոճը, շարունակել է այդ վիճակով 2 օր շարունակ ազատ շարժվել: Հետաքրքրական է նաև այն, որ Էշլին ծնվելու ժամանակ ոչ մի ձայն չի հանել: 13-ամյա աղջկան իր համադասարանցիները հաճախ անվանում են «սուպերմեն» : Բժիշկները, ուսումանսիրելով Էշլիի մարմնի զգայունության աստիճանը, եկել են այն եզրահանգման, որ նա ունակ է զգալու միայն բարձր ճնշումը: Փոքր հասակում, որպեսզի աղջիկը քնած ժամանակ պատահմամբ չվնասի իր մաշկը, նրա ձեռքերի վրա հատուկ ճկուն վիրակապ են փաթաթել: Այն, որ Էշլին ցավ չի զգում դա դեռ չի նշանակում, որ նա չի տխրում կամ առավել ևս չի հուզվում: Աղջկա ծնողների խոսքով` Էշլին բավական նուրբ ու զգայուն հոգեկան կառուցվածք ունի:   ՝ aravot.   Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝  
ԹՈՎՄԱՍ ՊՈՂՈՍՅԱՆԸ ԲԱՎԱԿԱՆԻՆ ՀԵՌՈՒ Է ՇՈՒԲԻԶՆԵՍԻՑ...

Կարծում եմ բոլորին կհետաքրքրի, թե ՀՀ ժողովրդական արտիստ, բանասիրական գիտությունների թեկնածու, Կոմիտասի անվան պետական կոնսերվատորիայի պրոֆեսոր և ''Սայաթ-Նովա'' աշուղական երգի վաստակավոր անսամբլի գեղարվեստական ղեկավար Թովմաս Պողոսյանի կարծիքն այսօրվա մեր շոուբիզնեսի մասին: -Շոուբիզնես բառն, արդեն ինքնին  ասում է, որ դա ավելի շատ բիզնես է, գործարարություն, քան  բարձր արվեստի հետապնդում: Ես բացարձակապես հեռու եմ այդ բնագավառից: Եվ նույնիսկ հեռվից ճանաչելով` ինձ չի հուզում այդ երևույթը: Իսկ այն հարցին, թե այդ պեպքում ինչպես կպարզաբանեք, որ ձեր դուստրը`Սերինե Պողոսյանը նույն այդ ոլորտում է, և ավելի շատ  էստրադային երգեր է կատարում, քան գուսանական, Թովմաս Պողոսյանը պատասխանեց՝ -Նախ ասեմ, որ աղջիկս դեռ տասը տարեկանից սովորում է Ջիվանու անվան աշուղական դպրոցում:  Եթե նկատի ունեք տեսահոլովակները, ապա ասեմ, որ հենց նրա առաջին տեսահոլովակը եղել է աշուղ Լեյլու «Հայրիկ ջան» երգը: Հետո ցանկություն հայտնեց փորձել էստրադային ժանրում, և ես դեմ չեղա:  Չեմ ուզում գովել նրան, բայց  նա բավականին լուրջ աղջիկ է: Իմ պահանջն ու սկզբունքը մեկն է եղել` ասել եմ, աղջիկս ինչ էլ որ անես, պիտի անես արվեստի և բարձր ճաշակի պրոֆեսիոնալի շրջանակներում: Այդպես էլ արվել է: Խորապես համոզված եմ, որ Սերինեն դառնալու է իր հայրիկի շարունակությունը ժանրային իմաստով: Նա երգելու է  ժողովրդական և աշուղական երգեր, որով իմ համոզմամբ ավելի ճիշտ կդրսևորի իրեն մեր ժողովրդական , ազգային երգարվեստում: Նյութը պատրաստեց՝ Նելլի Անդրեասյանը
ՍՏԵՂԾԱԳՈՐԾԱԿԱՆ ԱՄԱՌ ՍՏԵՂԾԱԳՈՐԾՈՂ ՄԱՐԴՈՒ ԿՅԱՆՔՈՒՄ

  armcatalog.. կայքը զրուցեց սիրված երգչուհի Հասմիկ Կարապետյանի հետ, ով ինչպես միշտ շատ ծարնրաբեռնված լինելու պատճառով, այս ամառ ևս չի կարողացել լիարժեք հանգստանալ:- Այս ամառն ինձ համար շատ բեղուն էր և ստեղծագործական: Չնայած կարող եմ ինչ-որ չափով նաև հանգիստ համարել, բայց, այնուամենայնիվ, որոշել եմ ձմռանը, իսկ եթե կրկին չհաջողվի, ապա մյուս տարվա ամռանը լիովին լիցքաթափվել` առանց գործնական գոծընթացի համատեղության: Նախ ասեմ, որ իմ և Դեր Հովայի համագործակցության շնորհիվ ծնվել է զուգերգ, որի խոսքերի և երաժշտության հեղինակը անձամբ ես եմ, իսկ պրոդյուսինգով զբաղվել է Դեր Հովան, ինչպես նաև համագործակցել ենք ռեժիսոր Սերժ Գաբյանի հետ: Երգը կոչվում է ''Անհնարը'', որի տեսահոլովակն արդեն պատրատ է և շուտով սպասում ենք տեսահոլովակի պրիմիերային: Հաջորդ երգը, որը կրկին ծնունդ առավ ամռան ընթացքում, կոչվում է ''Որ կգամ'', որի խոսքերի հեղինակն է Վարդան Զադոյանը, մեղեդին կրկին գրել եմ ես, իսկ երաժշտական պրոդյուսինգով զբաղվել է ''Դորիանս'' խմբի ստեղնահարը` Արման Փահլևանյանը: Նշեմ, որ սա իմ և Արման Փահլևանյանի երկրորդ համագործակցությունն էր: Այս ընթացքում աշխատել եմ նաև թվով 5-րդ ձայնասկավառակիս թողարկման վրա:Նշենք, որ Հասմիկ Կարապետյանը օգոստոս ամսվա վերջին` 17-27-ն ընկած հատվածում, գտնվել է ՌԴ-ում, մասնակցել է ''Ոսկե ծիրան'' երգի փառատոնին: -Այո', ես, երգչուհի և ԱԺ պատգամավոր Շուշան Պետրոսյանը, Արսեն Գրիգորյանը` Մրոն, և երգչուհի Մարթա Կիրակոսյանը գտնվել ենք ՌԴ Տուապսե ծովափնյա քաղաքում և մասնակցել ենք վերոնշյալ երգի փառատոնին, որը կազմակերպվել էր երկրորդ անգամ: Նաև նշեմ, որ մեր նվերն ենք մատուցել նրանց` այս տարի մենք գրել են փառատոնի օրհներգը, որի երաժշտության հեղինակը ես եմ, խոսքերի հեղինակն է Սուսաննա Մարտիրոսյանը, գործիքավորումն իրականացրել է Արման Փահլևանյանը, իսկ այս ամենը կոորդինացրել և նախագահել է Շուշան Պետրոսյանը: Երգը գրվել է ռուսերենով, քանզի նվիրվել ենք Ռուսաստանում բնակվող հայերին: Կարող եմ ասել, որ 10 օրյա բուռն հանգիստ ենք ունեցել Սև ծովի ափին:- Ինչու՞ է Հասմիկ Կարապետյանը թողարկում ձայնասկավառակ, երե շատ երգիչ-երգչուհիներ խուսափում են այդ ծախսատար և անեկամտաբեր գործընթացից:- Իմ կոլեգաները ճիշտ են նշել` ձայնասկավառակի թողարկումը գնալով իմաստազրվում և արժեզրկվում է: Այո', այն կախված է ահռելի ներդրումների հետ, իսկ այս ամենին զուգընթաց հայ կատարողները մինչև օրս ապահովագրված չեն մինչև ձայնասկավառակի թողարկումը` պարունակվող երգերի բարձրաձայնումից: Ճի'շտ է, այժմ գործում է ''Հայ հեղինակ'' իրավաբանական կազմակերպությունը, բայց, այդուհանդերձ, մեր հեղինակային իրավունքները լիարժեք ապահովագրված չեն:Ուղղակի կարող եմ ասել, որ ձայնասկավառակներն իմ կյանքի պատմությունն են, իմ սրտի խոսքն են, իմ երգարվեստի ''գրքերն'' են և այն թողարկում եմ, ոչ միայն կոմերցիոն նպատակներից ելնելով, այլ սեփական հանգստության, սեփական ցանկություններն իրագործելու համար:Երգչուհին, ապագա պլաններից խոսելով, արեց հետևյալ ձևակերպումը.-Ապագա պլաններից խոսելով` ոչ մի ստույգ բան չեմ կարող ասել, որովհետև ես պաշտում եմ եթերը, այն էլ ուղիղ եթերը, իսկ մենք գիտենք` ուղիղ եթերն որքան պատասխանատվություն է կրում իր մեջ, բայց միաժամանակ մեզ յուրովի կոփում է, և ես սիրում եմ այն: Ուղղակի վերջերս շատ էի երևում էկրաններից, որն էլ ուներ իր բացասական կողմերը, այդ իսկ պատճառով հունվար ամսից որպես հաղորդավարուհի հադես չեմ գալիս. ուզում եմ պահպանել խորհրդավորությունս, փոքրիշատե քողարկվել և հանդել գալ միայն երաժշտական ասպարեզում:    Նյութը պատրաստեց` Մարգարիտ Ավետիսյանը
; : :