Besplatnoetut.ru

НОВОСТИ ОТ Besplatnoetut.ru

ՇԻՐՎԱՆԶԱԴԵԻ “ՄՈՐԳԱՆԻ ԽՆԱՄԻՆ” ՆԵՐԿԱՅԱՑՎԵՑ ՆՈՐ ՇՆՉՈՎ, ՆՈՐ ՄԱՏՈՒՑՄԱՄԲ:

  Վերջերս Հակոբ Պարոնյանի անվան կոմեդիայի, երաժշտական թատրոնում տեղի ունեցավ Շիրվանզադեի “Մորգանի խնամին” ներկայացման պրեմիերան: Ներկայացմանը ներկա էին ինչպես շատ թատերասերներ, այնպես էլ անվանի ու սիրված դեմքեր տարբեր ոլորտներից: Պրեմիերան անցավ ջերմ միջավայրում, հանդիսատեսը ըստ արժանվույն գնահատեց դերասանների և թատրոնի ողջ ազնակազմի աշխատանքը: Դա էին վկայում, ներկայացման վերջում, անըդհատ հնչող, չդադարող ծափերը: Հիշեցնենք, որ ներկայացումը թեև խաղացվել է շատ անգամ, բայց այս անգամն իր տեսակի մեջ առաջինն էր, քանի որ ներկայացված էր մյուզիքլի ոճում: Առաջին հայացքից կատագերգություն թվացող ներկայացումը իրականում իր մեջ ավելի խորը գաղափար էր պարունակում` հայրենիքից հեռացած և իր երջանկությունը գումարի մեջ փնտրող մի ընտանիք, որը այդպես էլ չի գտնում իր որոնածը: Վերջում հանդիսատեսի երեսին ժպիտի հետ միասին միախառնվեց թախիծը, երբ հնչեց “Կռունկ” երգը, որը արտացոլում է հայ գաղթականների կարոտն ու վիճակը:         Պրեմիերայից առաջ խոսեցինք թատրոնի գեղարվեստական ղեկավար Երվանդ Ղազանչյանի հետ, ով էլ մեզ պատմեց իրենց սպասելիքների, ապագա անելիքների մասին. “Թատրոնը շատ երկար ու լուրջ աշխատել է: Պատասխանատվությունը շատ մեծ է: Հանդիսատեսը ինքը պիտի գնահատի մեր աշխատանքը: Մենք շուտով կբեմադրենք Հովհաննես Թումանյան, այնուհետև Տիգրան Չուխաջյանի “Կարինե”-ն”:  Մենք նաև զրուցեցինք դերասաններից շատերի հետ. “Շատ երկար ենք աշխատել: Շատ բարդ աշխատանք էր: Արդեն գործը ձեռնարկելը, կարծում եմ, մեծ ռիսկ էր, որովհետև անցյալում ունենք մի շատ տպավորիչ ֆիլմ, որը մարդկանց մեջ շատ վառ տպավորություն է թողել: Բայց ներկայացման և ֆիլմի մեջ, ես կարծում եմ, հսկայական տարբերություն կա, որովհետև փորձել ենք արդիական հնչեղություն տալ ներկայացմանը: Շեշտել ենք, մեր ժամանակի, ավելի կարևոր մասերը:  Հուսանք, որ հանդիսատեսը կգնահատի մեր աշխատանքը որովհետև մենք սիրով ենք արել, մենք շատ ջանք ենք ներդրել ներկայացման մեջ և ուզում ենք, որ հանդիսատեսը բավականություն ստացած հեռանա դահլիճից”- Նշում է դերասանուհի, Մագդաշի դերակատար Սաթենիկ Հախնազարյանը: Ներկայացումից հետո շատերը շտապում էին շնորհավորել դերասաններին, իրենց վառ տպավորություններով կիսվել նրանց հետ: Մեզ հաջողվեց խոսել դերասան Վիգեն Ստեփանյանի հետ, ով էլ մեծ սիրով պատմեց մեզ իր տպավորությունների մասին. “Վաղուց արդեն օպերետ հասկացողությունը Հայաստանում չի եղել: Համենայն դեպս սա մի ժանր է, որը իրավունք ունի ապրելու, և ինչքան բազմաոճ լինեն մեր ներկայացումները, այդքան օգուտ կլինի հայ հանդիսատեսին: Կարծում եմ` լավ ավանդույթների մեջ պահպանված ներկայացում էր թե’ երաժշտության, թե’ նկարչական ձևավորման առումներով: Այսինքն` շատ հաճելի էր, որ կար լավ աշխատանք”սկ մեր այն հարցին, թե ի՞նչ կասեք ներկայացման ժանրի մասին, այսինքն` կատագերգական ժանրի և դրամայի միախառնման մասին, դերասանը պատասխանեց. “Ես այն մարդն եմ, ով ապրել է 15 տարի արտերկրում, բայց վերադարձել եմ, որովհետև չեմ պատկերացրել, թե ինչպես կարելի է ընդմիշտ հեռանալ: Ես այդպես եմ կարծում:”   Ինչևէ, մաղթենք թատրոնի անձնակազմին նորանոր ներկայացումներ և լեփ-լեցուն դահլիճ:                           Նյութը պատրաստեց Քրիստինա Բոյաջյանը
ՊՈՐՏՄԱՆԸ ՏՂԱՅԻՆ “ՆՍՏԵՑՐԵԼ” Է ՊԱՂՊԱՂԱԿԻ ՎՐԱ

  Հայտնի դերասանուհի Նատալի Պորտմանը, իր հանգստյան օրն անցկացրել է ամուսնու` Բենջամինի և որդու` Ալեֆի հետ: Ընտանիքը գրեթե ամբողջ օրն անցկացրել է մաքուր օդում: Զբոսանքի ժամանակ նրանք այցելել են նաև պաղպաղակների խանութ: Նատալին որոշել էր երեխային պաղպաղակ հյուրասիրել, սակայն փոքրիկին այդ սառը քաղցրավենիքն այդքան էլ դուր չի եկել: Դերասանուհին ծիծաղելով հետևել է Ալեֆի ծամածռություններին` ուտելու ժամանակ: Պաղպաղակից հետո աստղային ընտանիքը շարունակել է զբոսանքը: Հիշեցնենք, որ Նատալի Պորտմանի հարսանեկան արարողությունը կայացել է Կալիֆորնիայում: Հարսանիքին հրավիրված էր ընդհամենը 60 հոգի` զույգի հարազատ ու ամենամտերիմ մարդիկ:    Նյութը պատրաստեց` Արևիկ Ավետիսյանը
ԱՅՍ ՊԱՀԻՆ ՍՈՍ ՍԱՐԳՍՅԱՆԻ ԿՅԱՆՔԻՆ ՎՏԱՆԳ ՉԻ ՍՊԱՌՆՈՒՄ

  Սոս Սարգսյանի առողջական վիճակի կայուն լինելու մասին հաղորդել է «Նաիրի  բժշկական կենտրոնի հերթապահ բժիշկ-ռեանիմատոլոգ Արտավազդ Ասլանյանը: Շնչառական անբավարարությամբ ուղեկցվող թոքաբորբի նախօրեին բուժհաստատություն տեղափոխված սիրված դերասանն այս պահին ստանում է համապատասխան բուժում ու հետազոտվում ինտենսիվ թերապիայի բաժանմունքում: Թե դեռ քանի օր դերասանը կանցկացնի հիվանդանոցում, բժիշկների հսկողության ներքո, դեռ պարզ չէ: Սակայն բժիշկն ասել է,որ վաստակավոր դերասանի կյանքին վտանգ այս պահին չի սպառնում: Նշենք նաև, որ օրեր առաջ լրացավ  Սոս Սարգսյանի 83-ամյակը:Ցավոք, դերասանն իր ծննդյան տարեդարձը նշել է «Նաիրի հիվանդանոցի վերակենդանացման բաժանմունքում: Շնորհավորանքների, զանգերի ու հյուրերի պակաս մեծ վարպետը այդ օրը չի ունեցել: Վարչապետ Տիգրան Սարգսյանը և  ՀՀ Ազգային ժողովի նախագահ Հովիկ Աբրահամյանը նույնպես այցելել են հիվանդանոց՝ շնորհավորելու մեծանուն դերասան Սոս Սարգսյանի ծննդյան 83-րդ տարեդարձը։
ՄԻՀՐԱՆ ԾԱՌՈՒԿՅԱՆԻ ԱՆԱԿՆԿԱԼԸ ՀԱՅԱՍՏԱՆ-ԻՏԱԼԻԱ ԽԱՂԻՑ ԱՌԱՋ

  Միհրան Ծառուկյանը ֆուտբոլային խաղից առաջ , բոլորին մեծ անակնկալ մատուցեց: Հոկտեմբերի 11ն տեղի ունեցավ նրա նոր`<<Գոլ>> տեսահոլովակի պրեմիերան: Տեսահոլովակը նվիրված է Հայաստանի ֆուտբոլի հավաքականին: –ի հետ զրույցում երգչի պրոդյուսեր Ալեքսանդր Ստեփանյանը պատմեց, որ երգի մտահաղացումը ծնվել է Գրիգոր Կյոկչյանի մոտ. <<Երգը կատարելու առաջարկը ներկայացրին Միհրանին: Միհրանը մեծ սիրով համաձայնվեց երգել: Հոկտեմբերի սկզբին սկսվեցին տեսահոլովակի նկարահանումները և հոկտեմբերի 11ն տեղի ունեցավ պրեմիերան>>: Հավելենք, որ երաժշտության հեղինակներն են Էդգար Ալեքսանյանը և Գրիգոր Կյոկչյանը, պարը կատարել է <<Ամարաս>> պարային խումբը:   Նյութը պատրաստեց՝ Հիփսիմե Մկրտչյանը
ՄԵՐ ԸՆԹԵՐՑՈՂՆԵՐԻ ՀԱՐՑԵՐԸ ԵՐԲԵՔ ԱՆՊԱՏԱՍԽԱՆ ՉԵՆ ՄՆՈԻՄ: ՀԱՐՑԵՐ ԱՐԹՈՒՐ ՊԵՏՐՈՍՅԱՆԻՆ

    armcatalog.. կայքի խմբագրությունը վերջերս ստացել է նամակ, որտեղ մեր ընթերցողը ցանկանում էր մի քանի հարց ուղղել “Կյանքի կառուսել” նախագծի դերասան Արթուր Պետրոսյանին: armcatalog..-ը կապ հաստատեց դերասանի հետ, և հարցերն ու պատասխանները ներկայացնում ենք ստորև`    1.Ի՞նչ հեռախոս է օգտագործում Արթուր Պետրոսյանը: - Այս պահին հեռախոսս հասարակ, երկու սիմ-քարտով հեռախոս է: 2. Ո՞րն է եղել Ձեր կյանքի ամենագեղեցիկ օրը: - Այս հարցը ես կցանկանայի շրջանցել, որովհետև չեմ կարող միանշանակ պատասխանել: 3. Արտասահմանյան ո՞ր գեղարվեստական ֆիլմն եք սիրում: - Շատ ֆիլմեր կան, որ սիրում եմ, հատկապես` դասականների ֆիլմերը: 4. Որտե՞ղ եք հանգստացել այս տարի: - Այս տարի մեկ շաբաթով հասցրել եմ լինել Քոբուլեթիում: 5.  Ի՞նչ նոր ծրագրեր ունեք: - Պատրաստվում եմ հաճախել կինոռեժիսորական կուրսերի: Բացի այդ, ցանկություն ունեմ նկարահանել իմ ֆիլմը:  
Ուիթնի Հյուսթոնը հետմահու արժանացել է MTV- ի մրցանակի

  Ամերիկյան երգչուհի Ուիթնի Հյուսթոնը հետմահու արժանացել է MTV Europe Music Awards հեռուստաալիքի «Գլոբալ սրբապատկեր» հատուկ մրցանակին։ Ինչպես հաղորդում է «Ռոսբալտը», այսպիսով մրցույթի կազմակերպիչները գնահատել են փոփ-երաժշտության մեջ նրա ունեցած ներդրումը։ Մրցանակաբաշխության արարողությունը տեղի կունենա նոյեմբերի 11- ի երեկոյան Մայնի Ֆրանկֆուրտում։ Այս տարի այն կվարի հայտնի գերմանացի թոփ-մոդել Հայդի Քլումը։  Ավելացնենք, որ Global Icon մպցանակը շնորհվում է արդեն երրորդ տարին անընդմեջ։ Ավելի վաղ այն ստացել են Bon Jovi եւ Queen խմբերը։ Հիշեցնենք, որ Ուիթնի Հյուսթոնը վախճանվել է փետրվարի 11- ին, Լոս Անջելեսում, 48 տարեկանում։ Նրա մարմինը հայտնաբերվել է հյուրանոցային համարի լողասենյակում։ Փորձագետները Հյուսթոնի օրգանիզմում թմրանյութի հետքեր են հայտնաբերել, սակայն այդ հանգամանքը ճանաչվել է երգչուհուն մահվան հասցրած գործոններից մեկը միայն։   `   Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝     
Սարյանի կտավը հեղինակավոր Sothebys աճուրդում վաճառվել է ռեկորդային 1 մլն դոլարով

    Մեծ Բրիտանիայի մայրաքաղաք Լոնդոնում հեղինակավոր Sotheby's աճուրդի տանը 1 մլն դոլարով (623.7 ֆունտ ստերլինգ) վաճառվել է Մարտիրոս Սարյանի «Պոետ. Արագածի լանջերին» վաղ շրջանի բնապատկերը։   Ինչպես նշում է РИА-Новости-ն, սա ռեկորդային գումար է տաղանդավոր հայ գեղանկարչի աշխատանքների համար։ Ուշագրավ է հատկապես այն հանգամանքը, որ Սարյանի աշխատանքից  զատ վաճառվել է նաև մեկ այլ հայազգի նկարիչ Դմիտրի Նալբանդյանի «Երիցուկներ» կտավը։ Անհայտ գնորդն այն ձեռք է բերել 286.6 հազար դոլարով (175.3 ֆունտ ստերլինգ)։   Ռուսական արվեստին նվիրված աճուրդի ընթացքում ևս մի քանի գնային ռեկորդներ են սահմանել Վալենտին Սերովի, Վասիլի Վերեշչագինի և Լադո Գուդիաշվիլիի կտավները։  Ռուսական արվեստին նվիրված աճուրդները կշարունակվեն նաև այսօր։     ՝ tert.     Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝    
; : :