Besplatnoetut.ru

НОВОСТИ ОТ Besplatnoetut.ru

ՔՐԻՍ ԲՐԱՈՒՆԸ, ՀԱՆՈՒՆ ՌԻՀԱՆՆԱՅԻ, ԽԶԵԼ Է ՀԱՐԱԲԵՐՈՒԹՅՈՒՆՆԵՐԸ ԻՐ ԸՆԿԵՐՈՒՀՈՒ ՀԵՏ

  Հայտնի ռեփեր Քրիս Բրաունը, ով տարիներ առաջ սիրավեպ էր ունեցել Ռիհաննայի հետ, վերջերս ընկերություն էր անում Կարրուչե Թրանի հետ: Սակայն ամեն դեպքում նա չի կարողանում մոռանալ Ռիհաննային և հանգիստ սրտով թողնել երգչուհուն: Հայտնի է դարձել, որ ռեփերը ընդհարվել է իր ընկերուհու` Կարրուչե Թրանի հետ, նախկին ընկերուհու` Ռիհաննայի պատճառով: Վերջին ժամանակներին Քրիսը և Ռիհաննան շատ հաճախ են հանդիպում: Նրանք միասին այցելում են ակումբներ, պարում, զվարճանում, համբուրվում: Մի խոսքով, իրենց այնպես են դրսևորում, կարծես նրանք կրկին միասին են: Բրաունը իր բաժանումը Կարրուչեի հետ մեկնաբանում է այսպես.” Ես որոշել եմ մնալ միայնակ, որպեսզի կենտրոնանամ իմ կարիերայի վրա: Ես Կարրուչիին սիրում եմ շատ ուժգին, բայց չեմ էլ ուզում տեսնել, թե ինչպես է նա տանջվում իմ և Ռիհաննայի ընկերության պատճառով: Ես նախընտրում եմ լինել ազատ, որպեսզի մեզ` երկուսիս էլ տեսնեմ երջանիկ”: Համաձայնեք, որ Քրիսի սերը տարօրինակ է: Մերժել է Կարրուչեի անկեղծ սերն ու հարաբերությունները, իսկ ահա նախկինին` ոչ:   Նյութը պատրաստեց` Արևիկ Ավետիսյանը 
″MARIO″ ԽԱՂԸ ՎԵՐԱԴԱՌՆՈՒՄ Է

   Գեղեցկուհի քույրեր Մոնիկան և Պենելոպան դարձել են գովազդային գործակալության  համակարգչային խաղեր գովազդող նոր դեմքերը:  Փաստորեն հետաքրքրաշարժ «Մարիո» խաղը կրկին վերադառնում է: 90-ական թվականներին մեծ համակրանք վայելող զարմանահրաշ խաղը կապրի իր երկրորդ կյանքը: Խաղն արդեն իսկ ամենաշատ սպառվողն է դաձել Ճապոնիայում, իսկ օրերս ներկայացվել է Եվրոպայում և Միացյալ Նահանգներում: Ինչպես նաև գովազդում ներգրավված են այնպիսի պայծառ անհատականություններ, ինչպիսիք են Նիկոլ Քիդմանը, Ռոբին Ուիլիամսը, Բիոնսեն, Սետ Գրինը և այլք: Այսօր արդեն իսկ հանրությանը ներկայացվել է նոր տեսանյութ, որտեղ ի հայտ են եկել Մոնիկա և Պենելոպա Կրուզները: Չնայած նրան, որ քույրերի միջև չորս տարվա տարիքային տարբերություն կա, անհնար է չնկատել այն հանգամանքը, որ քույրերը միմյանց սաստիկ նման են, ինչի շնորհիվ էլ Մոնիկան կարողացել է փոխարինել Պենելոպային «Կարիբյան ծովի ծովահենները» ֆիլմի վերիջին դրվագներում, երբ Պենելոպայի հղիությունը հնարավոր չէր կոծկել:   Նյութը պատրաստեց` Մարգարիտ Ավետիսյանը
Սոնա Շահգելդյանը <<Հայաստանի Ձայնը>> նախագծում որպես մրցակից.

      Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝  
ՋՈՐՋ ՄԱՅՔԼԻ ՆՎԵՐԸ ԲԺՇԿԱԿԱՆ ԱՆՁՆԱԿԱԶՄԻՆ

  Անցյալ տարի աշխարհը գրեթե կորցնում էր իր սիրելի գերաստղ Ջորջ Մայքլին: Համերգային շրջագայությունների ընթացքում նա սուր թոքաբորբով էր հիվանդացել, և երկար ժամանակ երգչի կյանքին մեծ վտանգ էր սպառնում: Այդ ժամանակ ավստրալացի բժիշկերը ոչ մի ջանք չխնայեցին, որպեսզի փրկեն նրա կյանքը: Ջորջ Մայքլը չմոռացավ իր կյաքը փրկող բժիշկների մասին և որոշեց յուրօրինակ նվեր մատուցել նրանց: Նա հարյուրավոր տոմսեր նվիրեց հիվադանոցի աշխատակազմին և սրտանց հրավիրեց իր մենահամերգին, որը օրերս կայացավ Վիեննայում: Տեղեկացնենք, որ երգիչը մենահամերգը սկսել է հետևյալ երախտիքի խոսքերով. ''Օգտվելով առիթից` ես ցանկանում եմ նշել, որ այժմ դահլիճում ներկա են գտնվում, այնպիսի մարդիկ, ում շնորհիվ մեզնից շատերը հիմա ներկա են այստեղ: Ինձ համար մեծ պատիվ է այսօր երգել այն մարդկանց համար, ովքեր փրկել են իմ կյանքը: Անչափ շնորհակալ եմ'':   Նյութը պատրաստեց`  Յուլյա Աբրահամյանը
ԱՆՆԱ ԽԱՉԱՏՐՅԱՆ 'ԱՆՄՈՌԱՆԱԼԻ ՀԱՆԳԻՍՏ ՄԵԾ ԲՐԻՏԱՆԻԱՅՈՒՄ'

  armcatalog.. կայքը զրուցեց սիրված երգչուհի Աննա Խաչատրյանի հետ: Ունեցանք հաճելի, մտերմիկ զրույց, որի ընթացքում Աննա Խաչատրյանը խոսեց որոշ հարցերի շուրջ` տալով սպառիչ պատասխաններ:- Մեծ ոգևորվածությամբ ուզում եմ կիսվել ամառային վառ տպավորություններով, որոնք ստացել եմ Անգլիայում` հանգստիս ժամաանակ: Հանգիստ, որի մասին կարող եմ ժամերով խոսել, որն ինձ համար ամենատպավորիչն էր և ամենաքմահաճը, ամենահիասքանչն ու ամենանախանձելին. մեկ բառով ասած` լավագույնը:Եղել եմ Անգլիայի տարբեր քաղաքներում` Օքսֆորդում, Լոնդոնում և 3 օր անցկացրել եմ Յորքում: 3 օր, որոնք իրնձ պարգևեցին ապշեցուցիչ տպավորություններ: Յորքը Բեծ Բրիտանիայի հին մայրաքաղաքն է, որն այժմ հանդիսանում է պատմական ամենաշքեղ կենտրոնը: Յորքում ամեն ինչ այլ էր. քաղաքն իր դռներից այն կողմ քողարկում էր այլ բնություն, այլ վարքեր ու բարքեր. կարծես տեղափոխվել էի այլ մոլորակ: Գիտեք` Յորքն այնքան հաճելի էր ''բուրում''. այստեղ տիպիկ անգլիական ''հոտն ու համն'' էր իշխում: Ասեմ, որ Անգլիայում կարոք եք հանդիպել շատ օտարերկրացիների, իսկ Յորքում գերակշռում են բնիկ անգլիացիները, ովքեր իրենց քաղաքը վեր են դասում ամեն ինչից: Քաղաքը իրոք շատ հին էր` սկսած խարխուլ շենքերից, սակայն դրանցից ոչ մեկը երբեք-երբեք արհեսական կերպով չեն քանդվի, որովհետև տեղաբնիկները հասկանում են, որ նմանատիպ հնությունները կազմում են Անգլիայի պատմության մի մասնիկը. hազարամյակների դրոշմ կա շինությունների վրա և հազարամյակներ էլ կանգուն կմնան: Ես նախանձեցի, թե ինչպես են անգլիացիները պահում իրենց քաղաքը` մաքուր, կոկիկ, տիպիկ անգլիական մոտեցումներով: Ընդհանուր առմամբ շատ եմ ճանապարհորդել, շատ երկրներում եմ եղել, սակայն ինձ համար Անգլիան զատվում էր բոլորից: Նշեմ, որ առաջին անգամ էի այնտեղ և փաստեմ, որ տնտեսական և կոմերցիոն առումով բավականին թանկ երկիր է. ապրանքների գները համեմատած այլ երկրների հետ թանկ էին 2-3 անգամ, սակայն տեսականին ահռելի է:Երգչուհուն խնդրեցինք պատմել մի զավեշտալի դեպք, որին ինքն ականատես է եղել հանգստի ընթացքում:- Այդպիսի դեպքերի ականատես էի լինում օրվա մեջ մի քանի անգամ: Սկզբում տարօրինակ էր թվում, բայց հետո կամաց-կամաց սովորեցի: Ամեն օր ականատես էի լինում, թե ինչպես սպորտային հագուստով և ճամպրուկով մարդիկ կարող էին փողոցում կանգ առնել, փոխել իրենց հագուստը` հագնելով օֆիցիալ աշխատանքային շորեր: Հավատացեք` այդ հանգամանքը շատ ծիծաղելի էր: Հետաքրքրվեցինք նաև երգչուհու ապագա ծրագրերից.- Ապագայում անպայման կլինի տեսահոլովակ` առայժմ մեկը: Դե, առաջինը դեռ ''հորով-մորով անենք'', հետո կմտածենք երկրորդի մասին: Այդ տեսահոլովակը կլինի ''Կիլիկիա'' երգի հիման վրա նկարահանված: Ճի'շտ է, շատերն են այդ երգը երգել, բայց ես ցանկանում եմ այն ներկայացնել իմ ձևով: Մենահամերգի մասին առայժմ խոսք գնալ չի կարող, որովհետև մեծ ֆինանսական ծախսերի հետ է կապված: Չի լինի նաև ձայնասկավառակ, որովհետև նրա վաճառքից ստացված եկամուտը, նույնիսկ չի զրոյացնում նախնանական ներդրած գումարը: Վերջիվերջո, յուրաքանչյուրը կարող է ինտերնետի միջոցով սրտի ուզած երգը լսել:- Իսկ արդյոք Աննա Խաչատրյանը ունի մտերիմ ընկեր, ում նա լիովին վստահում է, և նա ամեն պարագայում կսատարի իրեն:- Այո', կա այդպիսի մեկը, ում ես համարում եմ հավատարիմ ու նվիրված ընկեր, վստահում ու շատ սիրում եմ: Խոսքս սիրված երգչուհի Ռուզան Ավետիքյանի մասին է, ով դժվար պահերին ինձ միշտ սատարում է: Հետաքրքրվեցինք նաև երգչուհու առօրյա կյանքի և բեմական կյանքի նրբությունների մասին:- Իհարկե', Աննա Խաչատրյանը բեմում այլ է, առօրյա կյանքում այլ: Խոսքս շինծու, կեղծավոր լինելու մասին չէ, այլ ուղղակի կան էմոցիաներ, որոնք տարատեսակ են դրսևորվում տարբեր բնագավառներում: Բեմում ես ինձ պահում եմ բնական, իսկ ամեն անգամ յուրաքանչյուր երգ ապրում եմ յուրովի:Հարց ծագեց նաև Աննա Խաչատրյանի ցանկալի կարիերայի մասին:- Ես աշխատում եմ այնպես, ինչպես սիրտս է կամենում: Կարևոր չէ` իմ ստեղծած երգարվեստը բավարարում է այժմյան երևակայական ''պահանջարկին'': Փորձում եմ ստեղծել ճիշտ երգարվեստ, որը համոզված եմ ունի իր համապատասխան համակիրները:   Նյութը պատրաստեց`  Մարգարիտ Ավետիսյանը
ԲԵՔՀԵՄԸ ԵՎ ՎԻՆՏՈՒՐԱՆ ՀԱՆԴԻՊԵԼ ԵՆ ՆՈՐԱՁևՈՒԹՅԱՆ ԵՐԵԿՈՅԻ ԺԱՄԱՆԱԿ

  Օրերս հայտնիներ Վիկտորյա Բեքհեմն ու Աննա Վինտուրան հանդիպել են նորաձևության պատվին կազմակերպված միջոցառման ժամանակ: Նրանք ուղղակի չէին կարող բաց թողնել նպանատիպ նախաձեռնությունը: Գեղեցկուհի Վիկին հագել էր վառ նարնջագույն զգեստ, որն էլ ավելի արտահայտիչ էր  դարձրել համահունչ հարդարանքով, իսկ Աննան հագել էր դասական կաթնագույն զգեստ` այն ընդգծելով իրեն հարիր հարդարանքով և սանրվածքով:  Նրանք հանդիպել էին մի հոյակերտ կառույցի մոտ, որի վրա ներկայացված էր սիրված երգչուհի Լեդի Գագայի պաստառը: Երկու հանրաճանաչ ոճաբանները դիպուկ խորհուրդներեն են տվել կանանց նորաոճության մանրուքների, այն ճիշտ ընկալելու և տվյալ կերպ հագնվելու առումով: Նշենք, որ մոդել Ալեսսանդրա Ամբրոսիոն նույնպես ներկա է գտնվել միջոցառմանը:   Նյութը պատրաստեց` Մարգարիտ Ավետիսյանը 
Փոքրիկների <<ԳԺԱԿԱՆ>> պարը.

      Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝  
; : :