Besplatnoetut.ru

НОВОСТИ ОТ Besplatnoetut.ru

“ՄԱՐՍԵԼ” ԽՄԲԻ ՍՏՅՈՊԱՆ ԵՐԿՐՈՐԴ ԱՆԳԱՄ ՀԱՅՐԻԿ Է ԴԱՐՁԵԼ

    Հոկտեմբերի 9ն, “Մարսել” խմբի մենակատար Ստյոպա Լեդկովը երկրորդ անգամ հայր է դարձել: Երգչի սիրելի կինը` Եկատիրինան, այս անգամ նրան աղջիկ է պարգևել:  Երիտասարդ հայրիկը այդ ուրախությունը կիսել է հենց բեմից` իր երկրպագուների հետ: Կարելի է ասել, որ Ստյոպան իսկական հերոս է: Աղջկա անունը կինը նախապես որոշել էր` Ադրինա. ”Ես մոլորակի ամենաերջանիկ մարդն եմ”,-ասել է Ստյոպան: Բացի նորածին Ադրինեյից, Ստյոպայի ընտանիքում կա նաև փոքրիկ տղա` Դանյան, ով ծնողներից պակաս անհամբեր չէր սպասում քույրիկի ծնունդին և նրա համար նույնիսկ նվեր է պատրաստել: Բացի հարազատներից, Ստյոպային և Եկատիրինային շնորհավորել են նաև նրա գործընկերները, որոնց թվում են` Վիկտորիա Դայնեկոն, Աննա Սեդոկովան, USB խումբը, Նատալյա Իոնովան(Գլյուկոզա), Էլվիրան, Սաշա Զվերևան, Յուլյա Եսենկոն և շատ ուրիշ ընկերներ: Դե ինչ, մենք նույնպես շնորհավորում ենք երիտասարդ հայրիկին և մաղթում քաջ առողջություն, որպեսզի նրանց ընտանիքում ավելանան հայրիկի նման տաղանդաշատ փոքրիկներ:    Նյութը պատրաստեց` Արևիկ Ավետիսյանը  
Թուրինջի դիետա. նիհարել մինչեւ Ամանոր

  Թուրինջի (գրեյպֆրուտ) դիետան ուղղակի իդեալական է ձմռանը, երբ հնարավոր չէ պատկերացնել սննդակարգն առանց ցիտրուսների: Հատկապես որ այն պատկանում է վիտամիններով հարուստ, առողջարար, ստամոքսի աշխատանքը խթանող մթերքների շարքին:   Թուրինջի դիետան բավական խիստ է, բայց հնարավորություն է տալիս մեկ շաբաթում ազատվել 5 կգ քաշից: Նախքան բուն սննդակարգին անցնելը նշենք, որ այս դիետայի ընթացքում չի կարելի օգտագործել աղ, հանքային ջուրը պետք է լինի առանց գազի, կանաչ թեյը` առանց շաքարի: Ուժեղ սովի դեպքում սննդակարգին կարելի է ավելացնել նաև անյուղ կեֆիր կամ բնական յոգուրտ:   Օր առաջին   Նախաճաշ. 1 թուրինջ, 50 գր միս, կանաչ թեյ:   Ճաշ. 1 թուրինջ, թարմ բանջարեղենից աղցան կիտրոնահյութով, թեյ կամ սուրճ:   Ընթրիք. Ջեռոցում պատրաստված հավի միս, թարմ բանջարեղենից աղցան կիտրոնահյութով, թեյ մեկ գդալ մեղրով:   Ժամը 7ց հետո՝ կես թուրինջ:     Օր երկրորդ   Նախաճաշ. 1 թուրինջ, 2 եփած ձու, սուրճ կամ կանաչ թեյ:   Ճաշ. 1 թուրինջ, 100 գր անյուղ կաթնաշոռ:   Ընթրիք. Եփած ձուկ, մեկ կտոր հաց, թեյ մեկ գդալ մեղրով, բանջարեղենից աղցան կիտրոնահյութով:     Օր երրորդ   Նախաճաշ. 1 թուրինջ, անյուղ կաթնաշոռ, թեյ կամ սուրճ:   Ճաշ. 1 թուրինջ, բանջարեղենային ապուր մի կտոր հացով, թեյ կամ սուրճ:   Ընթրիք. Հավի եփած միս, 2 լոլիկ, մեղրով թեյ:   Քնելուց առաջ կարելի է ուտել կես թուրինջ:     Օր չորրորդ   Նախաճաշ. 1 թուրինջ, 1 եփած ձու, մեղրով թեյ կամ սուրճ:   Ճաշ. 1 թուրինջ, բանջարեղենային աղցան, թեյ կամ սուրճ:   Ընթրիք. Բանջարեղենային ապուր, թեյ կամ սուրճ կիտրոնով ու մեկ թեյի գդալ մեղրով:   Քնելուց առաջ կարելի է ուտել կես թուրինջ:   Օր հինգերորդ   Նախաճաշ. Բանանի, խնձորի ու թուրինջի աղցան, թեյ կամ սուրճ:   Ճաշ. բանջարեղենային աղցան ձեթով ու կիտրոնահյութով, թեյ կամ սուրճ:   Ընթրիք. եփած ձուկ, տոմատի հյութ:   Քնելուց առաջ կարելի է ուտել կես թուրինջ:     Դիետայի վեցերորդ ու յոթերորդ օրերին կարելի է կրկնել մյուս 5 օրերից ցանկացած երկուսի սննդակարգը:    ` LADYNEWS.   Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝  
ԱՎՐԻԼ ԼԱՎԻՆԸ ՆԵՐԿԱՅԱՑՐԵԼ Է ՆՈՐ ՀԱՎԱՔԱԾՈՒ

  Օրերս կանադացի երգչուհի Ավրիլ Լավինը ներկայացրել է հագուստի նոր հավաքածու, որը տեղի է ունեցել Նյու-Յորքում տեղի ունեցող նորաձևության շաբաթվա ընթացքում: Այն կայացել է ''Abbey Dawn'' ապրանքանիշի ներկայացման շրջանակներում, որի հրավերը Ավրիլ Լավինը ստացել է ''Քարդաշյան ընտանիքը'' իրական շոու ծրագրի հաղորդավարուհի Կայլի Ջեներից: Փոփ-երգչուհին նորաձևության շոու ծրագիրը բացել է իր գույնզգույն հագուստներով: Ի դեպ Ավրիլը, իր խոսքում նշել է, որ աշխատելով այդ հագուստների էսքիզների վրա, ինքն էլ ցանկացել է պոդյում բարձրանալ և հավելել է, որ այդ հավաքծում հարիր է ազատ և ինքնավստահ մարդկանց:   Նյութը պատրաստեց` Մարգարիտ Ավետիսյանը
Սոֆին ընկավ Նազենիի ջրերը

    Սոֆի Մխեյանը մեր էստրադայի, երեւի թե, ամենաակտիվ, ամենաաշխատասեր եւ պնդաճակատ աղջիկն է: Սկզբից նա շոու-բիզնես մտավ հայտնի հայրիկի ազգանունով եւ մելամաղձոտ երգերով: Նրան այդքան էլ չսիրեցին: Ասում էին, թե շատ կոպիտ է, կանացի չէ: Բայց նա շարունակեց աշխատել ինքն իր վրա, հետո մեկ էլ կամաց-կամաց` մեր աչքերի առաջ սկսեց աճել: Մի քանի էքսպերիմենտ արտաքինի հետ, մի քանի էքսպերիմենտ երգերի մեջ եւ արի ու տես, որ գեղեցիկ ու ինքնավստահ աղջիկ է դարձել:Գուցե նրան Սիլվա Հակոբյանի պես շատ չեն հրավիրում հարսանիքների կամ Սիրուշոյի պես չեն համարում ամենասեքսուալը, բայց փաստ է, որ նա կայացել է: Ինքն իր ձեռքով իրեն կերտեց, այսօր կայացած անուն ունի, բոլոր տեսակի պետական-հիմնադրամանային-ֆինանսավորվող պրոեկտներում առաջինը նա է: Աշխատում է ոճաբան Կիվիերա Նայնոմիսի հետ, մի քիչ տարօրինակ լեն-լմփոշ է հագնվում, բայց հետաքրքիր ու տարբերվող ոճ ունի, կրակոտ ժպիտ ու խելացի աչքեր, մազերի գույնն էլ այնքան հաճախ է փոխում, որ չենք հասցնում հոգնել: Չնայած Սոֆիի աշխատասիրությունն օգնեց նրան կարիերաում, բայց երեւի թե խանգարեց անձնական կյանքում: Նա արդեն 28, շուտով 29 տարեկան աղջիկ է եւ իր խոսքից ու պահվածքից զգացվում է, որ վաղուց արդեն պատրաստ է ընտանիք կազմելու, երեխաներ ունենալու, բայց ինչ-որ բան չի ստացվում: Ես հասկանում եմ, որ կան տղամարդիկ, որոնք չեն հանդուրժի, որ իրենց կինը երգչուհու կարիերա անի, կան տղամարդիկ, որոնք չեն սիրում կայացած եւ ֆինանսական ու մտավոր պաշարով կանանց, կան տղամարդիկ, որոնց նա, ուղղակի, կարող է դուր չգալ, բայց դե ոնց էլ լիներ այս 28 տարվա մեջ մեկի հետ մի բան կստացվեր, մեկը կերեւար ասպարեզում, թեկուզ, որպես նրա սրտի հավակնորդ, բայց չկա: Անձամբ ես նրա կողքին երբեք նման տղամարդ չեմ տեսել: Վերջին տարիներին Սոֆին շատ է մտերմացել Նազենի Հովհաննիսյանի հետ, նրանց շատ հաճախ կարելի է հանդիպել քաղաքի տարբեր սրճարաններում, նրանք նույնիսկ միասին են մեկնում հանգստանալու: Նազենին նույնպես արդեն վաղուց պատրաստի հարսնացու է, նա անգամ 2 տարով մեծ է Սոֆիից, բայց նրա կողքին էլ չի երեւում ապագա ամուսինը: Երկու հայտնի, հմայիչ, խելացի աղջիկները մնացել են առանց փեսացուների: Արդյո՞ք դա խոսում է հայ տղամարդկանց թուլության, կայացած կնոջ կերպար չընդունելու մասին, թե՞ աղջիկներն են իրենց շատ բարձր գնահատում, դժվար թե իմանանք մոտակա ապագայում:   `hraparak.     Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝          
ՍԱՄՎԵԼ ԱՌԱՔԵԼՅԱՆԻ «ՏԱՔՍԻ, ՏԱՔՍԻ» ՆԵՐԿԱՅԱՑՈՒՄԸ

    Սամվել Առաքելյանը (Նիկոն) հայտնի է` որպես բազմաթիվ մանրապատումների դերասան: Սակայն երևի թե քչերին է հայտնի, որ իր նախաձեռնությամբ բեմադրվել է «Չարաբաստիկ ճամպրուկը կամ Տաքսի, Տաքսի» ներկայացումը, որը Կարպ Խաչվանքյանի մասնակցությամբ ներկայացման փոփոխված տարբերակն է: «Սյուժեն հիմնականում նույնն է, սակայն բեմադրության սկզբում պատկերվում են երկրաշարժի դրվագներ: Յուրաքանչյուր կերպար յուրովի ձևով է ներկայացվում: Կարպ Խաչվանքյանից հետո շատ դժվար էր բեմադրել, առավել ևս խաղալ այդքան անթերի կատարած դերը: Բեմադրության հիմքում ընկած է մի ֆիլմի սցենար, որը ես մտադրություն ունեի նկարահանել երկրկրաշարժի մասին, սակայն հանգամանքների բերումով ի կատար չածեցի: Հետագայում այդ ֆիլմի սցենարն էլ դարձավ «Չարաբաստիկ ճամպրուկը  կամ Տաքսի, Տաքսի» ներկայացման հիմքը»: Նոր ներկայացման գլխավոր դերերում են ՀՀ վաստակավոր դերասանուհի Անահիտ Քոչարյանը և Սամվել Առաքելյանը, բեմադրիչը Սուսաննա Բաղդասարյանն է: armcatalog.. հետ խոսելով առաջիկա ծրագրերի մասին` Սամվելն ասաց, որ սպասվում է  նոր գեղարվեստական ֆիլմ, տրագիկոմեդիա` «Պետրոսն ամուսնացավ» և 2  բեմադրություն` «Գյումրեցի հրեշտակը» և մանկական «Առյուծ արքան», սակայն այդ բոլոր ծրագրերը իրականացնելու համար անհրաժեշտ է հովանավորչություն: Առաջիկայում սպասվում է նաև Սամվել Առաքելյանի բենեֆիսը` 35 տարի բեմում և իր 50 ամյակը:  Նյութը պատրաստեց` Գոհար Հակոբջանյանը  
Կնոջ հետ պետք է հաճելի լինի ոչ միայն անկողնում. ԱԼԵՔՍԱՆԴՐ ԲԱԲԱՍՅԱՆ

    Շնորհավորում եմ  ամուսնության կապակցությամբ:  Ամուսնությունից հետո շա՞տ բան է փոխվել Ձեր կյանքում:   Ամուսնությունից հետո կտրուկ շրջադարձն այն էր, որ զգացի` ինչքան երջանիկ եմ:   «Ի՜նչը կհաղթեր կյանքում հերոսին, թե չլինեին կինն ու գինին». կխնդրեի  Ձեր մեկնաբանությունը. համաձա՞յն եք, որ կանայք այդպիսի մեծ ուժով են օժտված:   Իրականում համաձայն եմ`կանայք այդպիսի մեծ ուժով են օժտված, սակայն մեր իրականության մեջ մի քիչ դժվար կլինի, եթե տղամարդը կայացած է: Կինը կարող է հաղթել, եթե տղամարդն է այդ հնարավորությունը տալիս, իսկ առհասարակ ինչքան էլ կինն ուժեղ լինի, միեւնույնն է, տղամարդու ունակությունները, գաղափարը մի քայլ առաջ են կնոջից: Ես շատ եմ հարգում կանանց, բայց կարծում եմ`կանայք իշխելու, հրամայելու ու հաղթելու համար չեն ստեղծված, նրանք ավելի շուտ իրենց երջանիկ պետք է զգան պարտվողի կարգավիճակում` սիրելի տղամարդու կողքին. կինը միշտ էլ կարիք ունի սիրված ու պաշտպանված զգալու:       Ձեր  կինը շոու- բիզնեսից չէ, ճի՞շտ եմ:   Այո՛:    Իսկ եթե լիներ, դա կարո՞ղ էր Ձեզ համար խանգարող հանգամանք հանդիսանալ նրա հետ ընտանիք կազմելու հարցում:   Դե շոու-բիզնեսից չէ, դրա համար էլ իմ կինն է:   Փաստորեն, եթե լիներ, դա Ձեզ կխանգարեր:   Այո՛. ես երբեք չեմ պատկերացրել`իմ կինը կարող է լինել շոու-բիզնեսից. բացառվում էր, դա իմ սուբյեկտիվ  կարծիքն է, իմ տեսանկյունը:   Մասնագիտությամբ  պատմաիրավաբան, տնտեսագետ, իսկ ինչպե՞ս ստացվեց, որ հայտնվեցիք դերասանական աշխարհում:   Սկզբնական շրջանում արտաքին տեսքս ինձ օգնեց, նաեւ ռեժիսոր ընկերներ ունեմ, ովքեր ինձ աջակցեցին:        Ձեր հարցազրույցներից մեկում նշել եք, որ ճիշտ է՝ չունեք թատերական կրթություն, բայց  ունեք ի վերուստ տրված դերասանական տաղանդ:  Եթե առաջարկութուն ստանայիք խաղալու նաև թատրոնում, կհամաձայնե՞իք. միայն տաղանդը բավարար կհամարեի՞ք:   Թատրոնում խաղալու համար շատ ժամանակ է պետք, ինչպես նաև թատերական կրթություն, չնայած կրթությունն առանց պրակտիկայի զրո է… Հիմա ես ունեմ այդ պրակտիկան, գուցե թատրոնի համար դա դեռ բավարար չէ, բայց եթե հետագայում կարիք լինի, ապա այդ բացը կլրացնեմ: Եթե անկեղծ լինեմ, առաջարկ հիմա էլ կա, պարզապես իմ անձնական բիզնեսն ունեմ ու ժամանակի առումով չեմ հասցնի, իսկ թատրոնում խաղալու համար  շատ ժամանակ ու էներգիա է պետք:    Ի՞նչ եք կարծում, ամենօրյա աշխատանքը պրոֆեսիոնալ դերասանների հետ կնպաստի՞ նրան, որ ժամանակի ընթացքում ինքներդ Ձեզ համարեք ոչ միայն տաղանդավոր, այլ նաև պրոֆեսիոնալ դերասան:   Այո՛. աշխատում եմ իսկապես պրոֆեսիոնալների հետ, ես մի անուն կնշեմ միայն` Արմեն Էլբակյան. նրա հետ խաղալը  ու կադրից դուրս մի կես ժամ շփումը հավասար է մի ամբողջ ամսվա դասընթացի: Առհասարակ, Արթուր Կարապետյանի, Արմեն Էլբակյանի հետ խաղալը մի  քայլ առաջ է այն կրթությունից, որ կարելի է ստանալ թատերականում:       Հնարավո՞ր է` ինչ-որ ժամանակ հետո հրաժարվեք սերիալներում նկարահանվելուց:   Երեւի  թե, ո՛չ: Նկարահանվում եմ նաեւ գեղարվեստական ֆիլմում:   Առաջին փո՞րձն է գեղարվեստական ֆիլմում:   Այո՛:   Փիլիսոփաներից մեկն ասել է`«երբ տղամարդն ասում է կնոջն իր մեղքեիր մասին, ապա սովորաբար այն պատճառով, որ դրանց ավելացնի ևս մեկը». կարծում եք, դա հատո՞ւկ է տղամարդկանց:   Լավ է ասել (ծիծաղում է): Կարծում եմ` եթե տղամարդը ինչ-որ մեղք է գործում ու պատմում իր սիրելի կնոջը, ապա դա չի խոսում մեծ սիրո մասին, իսկ ընդհանրապես կարծում եմ`հնարավոր է, որ տղամարդը իր մեղքերը խոստովանի կնոջը` դրանց եւս մեկը ավելացնելու նպատակով:   Ո՞րն  է կնոջ ամենամեծ ակնկալիքը սիրելի  տղամարդուց, ըստ Ձեզ:   Զգալ կանացի երջանկություն, վերջինս մեջ ամեն ինչ է մտնում:    Ձեր կնոջ հանդեպ սերն առաջին հայացքից է եղե՞լ:   Ո՛չ. դա մի քիչ ավելի դեռահաս տարիքում է լինում, սիրում են, որովհետև դեռ պատանի են, դեռ գաղափարապես հասուն չեն, իսկ հասուն տարիքում այդպես չի լինում. դու մարդուն պետք է սիրես իր բնավորությամբ, իր ներաշխարհով, իր հավատարմությամբ ու իր ամեն ինչով, իսկ դա առաջին հայացքից չի կարող լինել:   Ամենաառաջինը  ի՞նչը Ձեզ գրավեց նրա մեջ :   Ամեն ինչն է գրավել, բայց ուզում եմ հիշել` առաջինն ինչն էր (մտածում է), երևի թե ընդհանուր կերպարը` նիստուկացը, խոսքը, կարգուկանոնը, որ կա իր մեջ, այս ամենն առաջին հանդիպումից տպավորվեց, որը հետագայում վերածվեց շատ մեծ սիրո:   Եթե չեմ սխալվում, մոտ մեկ ամիս է, ինչ ամուսնացած եք. համատեղ ապրելը, կենցաղը հասցրե՞լ են փոխել ինչ-որ բան ձեր հարաբերություններում:   Այդքան էլ շատ բան չի փոխվել, ուղղակի ամեն ինչը դարձել է համատեղ, որն էլ ավելի ամրացնում ու ջերմացնում է հարաբերությունները:   Հայ կանանց ու աղջիկների մեջ կա՞ մի բան, որ Ձեզ հունից հանում է, նյարդայնացնում:   «Նաիրյան բուրմունքը» չկա: Ինչքան էլ դեպի Եվրոպա գնանք, այդ բուրմունքը պետք է մնա, ցանկացած իրավիճակում աղջիկները պետք է մի քիչ հեզ ու հնազանդ լինեն , ամեն դեպքում դա է գնահատվում:   Կանանց հավերժական  բողոքները տղամարդկանցից արդարացվա՞ծ են:   Կանանց բողոքները, կարծում եմ, կապված են ավելի լուրջ գործոնների հետ, օրինակ` տղամարդու կյանքում ուրիշ կնոջ լիենլու փաստի… Ընդհանուր առմամբ այդ բողոքներն արդարացված են.  տղամարդիկ որպես կանոն դավաճանում են:     Իսկ որպես տղամարդ ի՞նչ խորհուրդ կտաք կանանց, նման դեպքերում ինչպե՞ս վարվել:   Ինքս բնույթով հավատարիմ ու կայուն մարդ եմ. եթե սիրում եմ, նշանակում է`հավատարիմ եմ ու դիմացինից էլ եմ ակնկալում հավատարմություն: Ամեն դեպքում, եթե ընտանիքում քայքայված մթնոլորտ է, անգամ երեխաների գործոնը չպետք է խանգարի հեռանալ. ինչքան էլ երեխաների երջանկությունը կարեւոր լինի, մարդն ինքն իր կյանքը չպետք է կործանի: Պարզապես  պետք է ամեն ինչ անել`հարցը դրան չհասնի, ու ընտանիքում մաքսիմալ ջերմություն ստեղծել:    Կանանց պետք է սիրե՞լ, թե՞ հասկանալ, հետո սիրել:   Կանանց ամբողջ կյանքի ընթացքում էլ կարելի է նորովի բացահայտել, պետք է պարզապես շատ չփորփրել… Գալիս է մի պահ, որ պետք է կանգ առնել: Փիլիսոփաներից մեկն էլ ասել է.«Այն, ինչը փակ է, կարող է լինել անսահման»: Եթե կանայք ինչ-որ փակ կետեր ունեն, դրանք կարող են լինել անսահման, իսկ անսահմանության ձգտող մարդը իրականում կորցնում է ամեն ինչ, դրա համար պետք է հասկանալ`երբ կանգ առնել:    Ի՞նչ է պահանջվում զույգերից ներդաշնակ ու կայուն ընտանիք ունենալու համար:   Գիտակցություն: Մարդիկ շատ դեպքերում առաջնորդվում են բնազդներով, օրինակ  հնարավոր է` շատ կանայք անկողնում լավն են, բայց արդյոք որպես կին լավը կլինե՞ն, նման բաները պետք է հաշվի առնել ու անգամ այն նախաճաշը, որ կինը դնում է, պետք է հաճույքով ուտել, ոչ թե ուտել նրա համար, որ սոված ես: Ամեն փոքրիկ թվացող դետալ պետք  է հաշվի առնել` միասին ճաշելը, զբոսնելը, ներկայացում գնալը. այս ամենի մեջ պետք  է կողքիդ տեսնես միայն կնոջդ, իսկ եթե այդպես չէ ու մարդկանց միմյանց կապում են միայն մարմնական հաճույքները, ապա դա որոշ ժամանակ հետո կվերանա:  Դրա համար եմ ասում` մարդուն պետք է ամենակարեւորը` գիտակցություն`ճիշտ ընտրություն կատարելու:     Հարցազրույցը՝ Շողիկ Գալստյանի   ՝ lady   Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝  
ՀՌԻՓՍԻՄԵ ԽՈՒՐՇՈՒԴՅԱՆԸ ՀԱՐՍՆԱՑՈՒԻ ԴԵՐՈՒՄ

  Օր առաջ համացանցում է հայտնվել ծանրամարտիկներ Հռիփսիմե Խուրշուդյանի և նրա ամուսնու` Տարոն Թովմասյանի հարսանիքի ամբողջական ֆոտոշարքը` հարսի տնից մինչև ռեստորան: Հիշեցնենք, որ Հռիփսիմեն և Տարոնը ամուսնացել են հոկտեմբերի 18ն: Հռրփսիմեն իր հարսանեկան զգեստը Բելգիայից է ձեռք բերել: Հարսանիքից ժամեր առաջ Հռիփսիմեն ասել է, որ Տարոնը կզարմանա, երբ իրեն տեսնի կանացի և գեղեցիկ հարսանեկան զգեստով: Հավելենք նաև, որ Հռիփսիմեն ասել է, թե նախընտրում է հայկական ավանդական հարսանիք անել` քավորի տուն, հարսի տուն, եկեղեցի, փեսայի տուն: Եվրոպական հարսանիք անելու միտումին դեմ է: Պետք է պահպանենք հայկական հարսանիքի ավանդույթները,- ասել էր նորահարսը: 
; : :