Besplatnoetut.ru

НОВОСТИ ОТ Besplatnoetut.ru

Գրական ստեղծագործությունների մրցույթ: Հաղթողներին սպասվում է դրամական պարգև

    «Արցախակերտում» նախաձեռնությունն ու «Կամք» հասարակական կազմակերպությունը հայտարարում են գրական ստեղծագործությունների մրցույթ՝ «ազատագրված հայրենիքն իմ հոգու հայելիով» խորագրով:   Նպատակ՝   գրական գեղարվեստական ստեղծագործությունների մրցույթի միջոցով խթանելով ստեղծագործողներին` գրել ազատագրված հայրենիքի թեմայով՝ այդ ստեղծագործությունների տարածման շնորհիվ հասարակության գիտակցության մեջ ամրապնդել ազատագրված հայրենիքի հետ զգայական ու գիտակցական կապը:    Չափանիշեր՝   ·        Բոլոր հաստատվող աշխատանքները պետք է լինեն ազատագրված տարածքի թեմատիկայով՝ առանց ոճային, ժամանակային կամ չսահմանված այլ սահմանափակումների: ·        Չափածո գործերը կարող են լինել մինչև հազար բառ, իսկ արձակ գործերը՝ մինչև երեք հազար բառ: Գնահատելու ժամանակ բառերի քանակը ազդեցություն չի ունենալու գնահատականի վրա, եթե այն տեղավորվում է վերոնշյալ սահմաններում: ·        Աշխատանքների լեզուն հայերենն է: ·        Մեկ հեղինակը կարող է հաստատել առավելագույնը չորս ստեղծագործություն՝ երկուական չափածոյից և արձակից:  Աշխատանքները պետք է հաստատվեն մինչև դեկտեմբերի 2-ը ներառյալ   artsakhakertum@yahoo.   էլհասցեին ուղարկելու միջոցով, որին կից պետք է նշված լինեն հեղինակի/հեղինակների անուն ազգանունը, էլհասցեն, հեռախոսահամարը և ծննդյան տարեթիվը: Ստեղծագործությունների ընդունումից հետո մինչև դեկտեմբերի 16-ը ժյուրին (գրող ու «գրական թերթ»ի խմբագիր Կարինե Խոդիկյան, գրականագետ Արքմենիկ Նիկողոսյան և հրապարակախոս ու Քարվաճառի բնակիչ Ալեքսանդր Քանանյան) կգնահատի աշխատանքները, որին զուգահեռ ընթերցողների համար բաց քվեարկություն կկազմակերպվի ծրագրի բլոգում, և ժյուրիի ու ընթերցողների գնահատականների համագումարով կորոշվեն վեց հաղթողները (երեքական հաղթող երկու անվանացանկերում՝ չափածո և արձակ): Առաջին մրցանակակիրներին կտրվեն 30,000-ական դրամ, երկրորդներին՝ 20,000-ական դրամ, իսկ երրորդներին՝ 10,000-ական դրամ մրցանակներ, ինչպես նաև նրանց ստեղծագործությունները կտպագրվեն «գրական թերթ»ում:   Դեկտեմբերի վերջին կամ հունվարի սկզբին բոլոր հաստատված ստեղծագործությունները տպագրվելու են հատուկ ժողովածուով, որը նախատեսվում է տարածել ՀՀ և ԼՂՀ գրադարաններին, դպրոցներին, համալսարաններին և այլ կառույցների: Բոլոր ստեղծագործությունները դրվելու են նաև ծրագրի բլոգում և «Արցախակերտում» նախաձեռնության կայքում:     ՝ 7or.     Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝  
<<ԲԱՆԱԿՈՒՄ>> ՀԵՌՈՒՍՏԱՍԵՐԻԱԼԻ ԷՄԻԼԸ ՈՉ ՄԻ ԱԶԳԱԿՑԱԿԱՆ ԿԱՊ ՉՈՒՆԻ ԿԻՄ ԵՐԻՑՅԱՆԻ ՀԵՏ

    Այսօր կայքը կապ հաստատեց բոլորիս կողմից  սիրված «Բանակում»,  այժմ՝  «Քաղաքում» հեռուստասերիալի դերասան Էմիլ Գալստյանի հետ` նույն ինքը «Համբարձումը»: Չնայած այն հանգամանքին, որ Էմիլը փոքրնչ վատառողջ էր, այնուամենայնիվ սիրով համաձայնեց պատասխանել մեր բոլոր հարցերին: Եվ այսպես այն հարցին, թե ինչպիսին է Էմիլը առօրյա կյանքում՝ սերիալներից և թատրոններից դուրս, նա պատասխանեց, որ աշխատանքից դուրս ունի շատ այլ հետաքրքիր զբաղմունքներ: Մասնավորապես նշեց, որ  հաճախ է այցելում  տարբեր ակումբներ ու զվարճանքի կենտրոններ, այժմ էլ զբաղվում է  մի ներկայացման բեմադրմամբ, որի սցենարիստը հենց ինքն է: Մեզ նաև հետաքրքրեց, թե արդյոք Էմիլը իրեն նմանեցնում է «Բանակում» և «Քաղաքում» հեռուստասերիալներում կերտած  «Համբարձումի» կերպարին, նա պատասխանեց.-«Նման է այնքանով, որ ես եմ կերտում այդ կերպարը, այսինքն ձայնային առումով, իսկ ընդհանուր կերպարն ուղղակի կերպար է, ոչ մի նմանություն»: Էմիլը հավելեց նաև այն, որ – « դերասանական խաղի ժամանակ  մենք շատ հաճախ դիմում ենք իմպրովիզացիայի օգնությանը», որն էլ, ինչպես հասկացանք, նրանց մոտ շատ լավ է ստացվում:  Իսկ այն հարցին, թե  արդյոք կա բարեկամական կապ  «Համբարձում» և սիրված դերասան Կիմ Երիցյանի միջև, Էմիլը տվեց հետևյալ պատասխանը.-«Ո՛Չ, դա անպայման մեծ տառերով գրեք, որ չկա նման բան»: Փորձեցինք նաև տեղեկանալ Էմիլի անձնականից և պարզեցինք, որ դերասանի սիրտը դեռևս ազատ է, նա փնտրտուքի մեջ է և իր երազների թագուհուն դեռևս չի գտել: Եվ  քանի որ այսօր մեր սիրելի Երևան քաղաքի 2794-ամյակն է, դերասանը շնորհավորեց  բոլոր երևանցիներին այս գեղեցիկ տոնի կապակցությամբ՝  մաղթելով, որ մարդիկ փոխեն  իրենց վատ վերաբերմունքը միմյանց նկատմամբ, լցվեն սիրով ու հարգանքով, որովհետև միայն այդ ժամանակ մեծ բան կփոփոխվի.- «Եթե մենք մեր չափով ներդրում ունենանք, թեկուզ աղբը գցենք աղբարկղը, Երևանը ավելի կգեղեցկանա: Իսկ քանի որ Երևանը մեր «սիրտն» է, մենք ապրում ենք Երևանում, մենք էլ կգեղեցկացնենք մեր քաղաքը»: Եվ վերջում դերասանը նշեց, որ եթե հնարավորություն ունենար ինչ-որ բան փոխելու, այնպես կաներ, որ թատրոններում հանդիսատեսի պակաս չլիներ և մարդիկ կարողանային գնահատել ճիշտ արվեստը: Էմիլին մաղթելով քաջ առողջություն՝ հուսանք, որ կիրականանա նրա երազանքը: Մենք ևս, կայքի ողջ անձնակազմի անունից, շնորհավորում ենք մեր քաղաքի տարեդարձը՝  հպարտ լինելով, որ ապրում ենք նման գեղեցիկ քաղաքում, այն քաղաքում, որն ունի դարերի պատմություն և սիրտն է Հայոց աշխարհի:   Նյութը պատրաստեց՝ Տիգրան Հակոբյանը  
Ողջո՜ւյն, աշխատավարձին «ռոճիկ», դրամին էլ «մայեթ» ասող ու «տալիքների» մեջ թաղված հայ միջին քաղաքացի

  Աշխարհի ամենաէժան արժույթները ՀՀ դրամի համեմատությամբ   Ողջո՜ւյն, աշխատավարձին "ռոճիկ",  դրամին էլ "մայեթ" ասող ու "տալիքների" մեջ թաղված հայ միջին վիճակագրական քաղաքացի: Ինչպես խոստացել էի, այսօր որոշել եմ դրականորեն ազդել ձեր տրամադրության վրա: Նախորդ նյութում ներկայացրել էի աշխարհի ամենաթանկ արժույթները դրամի համեմատությամբ ու խոստացել ներկայացնել դրա հակառակ "հիթ-շքերթը": Դե ասածն արած է: Էնպես որ առաջարկում եմ մեզ մի քիչ լավ զգալ ու "վերևից նայել" ներքոնշյալ ազգային արժույթներին ;)   10. SOS Որտե՞ղ փնտրել երկրներ, որոնց ազգային արժույթն ավելի ցածր արժեք ունի, քան ՀՀ դրամը... Կգուշակե՞ք, թե՞ ասեմ )))) Լավ, չտանջեմ, տասներորդ հորիզոնականում է Սոմալին 1 սոմալիական շիլլինգ = 0.253 ՀՀ դրամ   9. UGX - Ուգանդա Այս նախկին բրիտանական գաղութը համարվում է աշխարհում ամենաերիտասարդ բնակչությամբ պետությունը, քանի որ բնակչության միջին տարիքը 14,8 տարեկանն է, սակայն մի՛ շտապեք ճամպրուկների հետևից` Ուգանդայում հաստատվելու ու աշխատելու, քանի որ նախ Ուգանդայում ասֆալտ չկա, երկրորդն էլ այս ցուցանիշի պատճառը կյանքի միջին տևողությունն է, այն է ` 54 տարեկան: Իսկ այ ծնելիության 3.8% ռեկորդային ցուցանիշով Ուգանդան երկրորդն է աշխարհում: Իսկ մեր ինֆլյացիոն հիթ-շքերթում այն իններորդն է: 1 ուգանդական շիլլինգ = 0.156 ՀՀ դրամ   8. KHR Կամբոջա Այս ասիական բավականին էկզոտիկ երկիրն իր հարուստ բնությամբ ու հնագույն մշակույթով ամենաարագ զարգացող տուրիստական ուղիներից է: Մի ուշագրավ փաստ: Կամբոջայում ֆիքսված ինտերնետ կապի ամսավճարը տատանվում է 100-200 դոլարի սահմաններում: Ու էստեղ հարց է ծագում, ինչքա՜ն պիտի աշխատի խեղճ Կամբոջացին, որ կարողանա մտնել իրենց ԲլոգՆյուզն ու արտազատել հոգում կուտակված մաղձը: 1 կամբոջական ռիալ = 0.102 ՀՀ դրամ   7. PYG Պարագվայ Անցում կատարենք լատինական Ամերիկա, որտեղ բացի կրքոտ պարերից, սուրճի բույրից ու մելամաղձոտ սերիալներից կա նաև մի երկիր, ում ազգային արժույթն ավելի էժան է, քան մեր տեղականը:  1 պարագվայական գուարանի = 0.092 ՀՀ դրամ   6. GNF Գվինեա Հերթական աֆրիկական երկիրը, որտեղ հերիք չի թուղթ ունեն, մի հատ էլ էդ թղթով դրամ են պատրաստում... 1 գվինեական ֆրանկ = 0.059 ՀՀ դրամ   5. LAK Լաոս Հնդկաչին թերակղզում այս կոմունիստական ոճով կառավարվող երկրի ազգային արժույթը բացում է "լավագույն" հնգյակը: 1 լաոսյան ֆրանկ = 0.051 ՀՀ դրամ   4. IDR Ինդոնեզիա Այս երկիր-կղզիախումբը, որի արտադրած "արդար" յուղով սնվում է ՀՀ քաղաքացին ու նրա գործարաններում հավաքած հեռուստացույցերով դիտում տեղական սերիալային ողբերը, իր ազգային արժույթով զիջում է մեզ: 1 ինդոնեզական ռուփի = 0.043 ՀՀ դրամ   3.  IRR Իրան Եթե դուք դեռ կարծում եք, որ դրամական միավորի արժեքը կախված է երկրի տնտեսական վիճակից, ապա դուք ճիշտ եք, սակայն ոչ միշտ է այդպես, վառ օրինակ նավթի ու բնական գազի հարուստ պաշարներով Իրանի Իսլամական Հանրապետությունը: 1 իրանական ռեալ = 0.034 ՀՀ դրամ   2.STD Սան Տոմե և Պրինսիպի Այս հիթ-շքերթը պատրաստելիս անընդհատ մտածում էի` ի՜նչ էի անելու առանց Աֆրիկայի: Ի դեպ, Սան Տոմե և Պրինսիպիի դեմոկրատական հանրապետություը այն եզակի աֆրիկյան պետություններից է, որը կարելի է համարել ազատ ու ժողովրդավարական: Միգուցե այն պարզ պատճառով, որ տեղակայված է կղզու վրա ու հեռու է մայրցամաքից: 1 դոբրա = 0.022 ՀՀ դրամ   1. VND Վիետնամ Չէ, Հնդկաչինում իրոք գործերը մեղմ ասած լավ չեն: Աշխարհի ամենաէժան ազգային դրամական միավոր հիթ-շքերթում համոզիչ հաղթանակ է տանում Վիետնամի Սոցիալիստական Հանրապետությունը: 1 վիետնամական դոնգ = 0.019 ՀՀ դրամ   ՀԳ. Ամեն ինչ այնքան էլ վատ չէ, ասեմ ավելին այս նյութը պատրաստելիս, հետաքրքիր բացահայտումներ արեցի: Մեծ թվով հարուստ տնտեսություններ ունեցող երկրների ազգային արժույթները գրեթե հավասար են մեր դրամին, էնպես որ, եկե՛ք սիրենք մեր ազգային դրամն ու խթանենք նրա արժևորմանը: Все так и մերն ուրիշ ա ;)   ՝ pahooo.blogspot.   Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝  
ԱՆՆԱ ԽԱՉԱՏՐՅԱՆ 'ԱՆՄՈՌԱՆԱԼԻ ՀԱՆԳԻՍՏ ՄԵԾ ԲՐԻՏԱՆԻԱՅՈՒՄ'

  armcatalog.. կայքը զրուցեց սիրված երգչուհի Աննա Խաչատրյանի հետ: Ունեցանք հաճելի, մտերմիկ զրույց, որի ընթացքում Աննա Խաչատրյանը խոսեց որոշ հարցերի շուրջ` տալով սպառիչ պատասխաններ:- Մեծ ոգևորվածությամբ ուզում եմ կիսվել ամառային վառ տպավորություններով, որոնք ստացել եմ Անգլիայում` հանգստիս ժամաանակ: Հանգիստ, որի մասին կարող եմ ժամերով խոսել, որն ինձ համար ամենատպավորիչն էր և ամենաքմահաճը, ամենահիասքանչն ու ամենանախանձելին. մեկ բառով ասած` լավագույնը:Եղել եմ Անգլիայի տարբեր քաղաքներում` Օքսֆորդում, Լոնդոնում և 3 օր անցկացրել եմ Յորքում: 3 օր, որոնք իրնձ պարգևեցին ապշեցուցիչ տպավորություններ: Յորքը Բեծ Բրիտանիայի հին մայրաքաղաքն է, որն այժմ հանդիսանում է պատմական ամենաշքեղ կենտրոնը: Յորքում ամեն ինչ այլ էր. քաղաքն իր դռներից այն կողմ քողարկում էր այլ բնություն, այլ վարքեր ու բարքեր. կարծես տեղափոխվել էի այլ մոլորակ: Գիտեք` Յորքն այնքան հաճելի էր ''բուրում''. այստեղ տիպիկ անգլիական ''հոտն ու համն'' էր իշխում: Ասեմ, որ Անգլիայում կարոք եք հանդիպել շատ օտարերկրացիների, իսկ Յորքում գերակշռում են բնիկ անգլիացիները, ովքեր իրենց քաղաքը վեր են դասում ամեն ինչից: Քաղաքը իրոք շատ հին էր` սկսած խարխուլ շենքերից, սակայն դրանցից ոչ մեկը երբեք-երբեք արհեսական կերպով չեն քանդվի, որովհետև տեղաբնիկները հասկանում են, որ նմանատիպ հնությունները կազմում են Անգլիայի պատմության մի մասնիկը. hազարամյակների դրոշմ կա շինությունների վրա և հազարամյակներ էլ կանգուն կմնան: Ես նախանձեցի, թե ինչպես են անգլիացիները պահում իրենց քաղաքը` մաքուր, կոկիկ, տիպիկ անգլիական մոտեցումներով: Ընդհանուր առմամբ շատ եմ ճանապարհորդել, շատ երկրներում եմ եղել, սակայն ինձ համար Անգլիան զատվում էր բոլորից: Նշեմ, որ առաջին անգամ էի այնտեղ և փաստեմ, որ տնտեսական և կոմերցիոն առումով բավականին թանկ երկիր է. ապրանքների գները համեմատած այլ երկրների հետ թանկ էին 2-3 անգամ, սակայն տեսականին ահռելի է:Երգչուհուն խնդրեցինք պատմել մի զավեշտալի դեպք, որին ինքն ականատես է եղել հանգստի ընթացքում:- Այդպիսի դեպքերի ականատես էի լինում օրվա մեջ մի քանի անգամ: Սկզբում տարօրինակ էր թվում, բայց հետո կամաց-կամաց սովորեցի: Ամեն օր ականատես էի լինում, թե ինչպես սպորտային հագուստով և ճամպրուկով մարդիկ կարող էին փողոցում կանգ առնել, փոխել իրենց հագուստը` հագնելով օֆիցիալ աշխատանքային շորեր: Հավատացեք` այդ հանգամանքը շատ ծիծաղելի էր: Հետաքրքրվեցինք նաև երգչուհու ապագա ծրագրերից.- Ապագայում անպայման կլինի տեսահոլովակ` առայժմ մեկը: Դե, առաջինը դեռ ''հորով-մորով անենք'', հետո կմտածենք երկրորդի մասին: Այդ տեսահոլովակը կլինի ''Կիլիկիա'' երգի հիման վրա նկարահանված: Ճի'շտ է, շատերն են այդ երգը երգել, բայց ես ցանկանում եմ այն ներկայացնել իմ ձևով: Մենահամերգի մասին առայժմ խոսք գնալ չի կարող, որովհետև մեծ ֆինանսական ծախսերի հետ է կապված: Չի լինի նաև ձայնասկավառակ, որովհետև նրա վաճառքից ստացված եկամուտը, նույնիսկ չի զրոյացնում նախնանական ներդրած գումարը: Վերջիվերջո, յուրաքանչյուրը կարող է ինտերնետի միջոցով սրտի ուզած երգը լսել:- Իսկ արդյոք Աննա Խաչատրյանը ունի մտերիմ ընկեր, ում նա լիովին վստահում է, և նա ամեն պարագայում կսատարի իրեն:- Այո', կա այդպիսի մեկը, ում ես համարում եմ հավատարիմ ու նվիրված ընկեր, վստահում ու շատ սիրում եմ: Խոսքս սիրված երգչուհի Ռուզան Ավետիքյանի մասին է, ով դժվար պահերին ինձ միշտ սատարում է: Հետաքրքրվեցինք նաև երգչուհու առօրյա կյանքի և բեմական կյանքի նրբությունների մասին:- Իհարկե', Աննա Խաչատրյանը բեմում այլ է, առօրյա կյանքում այլ: Խոսքս շինծու, կեղծավոր լինելու մասին չէ, այլ ուղղակի կան էմոցիաներ, որոնք տարատեսակ են դրսևորվում տարբեր բնագավառներում: Բեմում ես ինձ պահում եմ բնական, իսկ ամեն անգամ յուրաքանչյուր երգ ապրում եմ յուրովի:Հարց ծագեց նաև Աննա Խաչատրյանի ցանկալի կարիերայի մասին:- Ես աշխատում եմ այնպես, ինչպես սիրտս է կամենում: Կարևոր չէ` իմ ստեղծած երգարվեստը բավարարում է այժմյան երևակայական ''պահանջարկին'': Փորձում եմ ստեղծել ճիշտ երգարվեստ, որը համոզված եմ ունի իր համապատասխան համակիրները:   Նյութը պատրաստեց`  Մարգարիտ Ավետիսյանը
Ամերիկուհին պարտության մատնեց Սյուզի Կենտիկյանին

    Երեկ, Դյուսելդորֆում կայացավ պրոֆեսիոնալ բռնցքամարտի կանանց թեթևագույն քաշային կարգում WBA տիտղոսի համար մենամարտը: Գերմանիայի ներկայացուցիչ հայազգի Սյուզի Կենտիկյանը (29-2, 16 նոկաուտ) 10 ռաունդանոց մենամարտում, միավորներով, պարտություն կրեց 31-ամյա ամերիկացի Կարինա Մորենոյից, որը աշխարհի նախկին քառակի չեմպիոն է:  Նշենք, որ Սյուզի Կենտիկյանն աշխարհի նախկին չեմպիոն է WIBF (2007թ.) և WBO (2009թ.) վարկածներով:     ՝ zh.   Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝  
2012 ամենաշահութաբեր ֆիլմերը

    Ստորև ներկայացնում եմ ձեզ 2012 ամենաշահութաբեր ֆիլմերի հնգյակը: Չնայած տարին դեռ չի ավարտվել, սակայն մասնագետներն արդեն հասցրել են հաշվել 2012 կինոբյուջեն:   5. Եվ այսպես լավագույն հնգյակը բացում է Մադագասկար 3-ը, 718.900.262  դոլլար համաշխարհային ցուցադրումից:   4. Նոր սարդ մարդը:     752.215.857 դոլլար:   3. Սառցե դարաշրջան 4:     867.094.063  դոլլար   2. Սև ասպետը. լեգենդի վերածնունդը     1.077.204.558 դոլլար   1. Իսկ առաջին հորիզոնականում է բազմաթիվ դրական արձագանքների արժանացած, և իմ կողմից էլ առանձնահատուկ սիրված, ժանրի մեջ շեդևր համարվող "Վրիժառուները" ֆիլմը: 1.511.757.910 դոլլար համաշխարհային ցուցադրումից:   ՝ http://pahooo.blogspot.   Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝  
Քարդաշյանին մոդել դառնալու ճանապարհին խանգարել է իր հայկական կազմվածքը

  Քարդաշյանը նշել է, որ 90-ականներին ընդունված էր, որ մոդելները պետք է «կմախքի պես նիհար լինեին»:    «Սակայն իմ հայկական արմատները թույլ չէին տալիս համապատասխանել այդ կազմվածքին»,-նշել է Քարդաշյանը The Sun հետ զրույցում:   Քիմը հավելել է, որ իր փարթամ բարեմասնությունները սկզբնական շրջանում իրեն ավելի շատ խանգարում, քան օգնում էին:   Նշենք, որ ամերիկահայ մոդելն օրերս է բոլորել իր 32 տարին:   ՝ hay   Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝  
; http://www.blagosvit.com.ua/ технология укладки битумной черепицы katepal. : :