Besplatnoetut.ru

НОВОСТИ ОТ Besplatnoetut.ru

2012 ամենաշահութաբեր ֆիլմերը

    Ստորև ներկայացնում եմ ձեզ 2012 ամենաշահութաբեր ֆիլմերի հնգյակը: Չնայած տարին դեռ չի ավարտվել, սակայն մասնագետներն արդեն հասցրել են հաշվել 2012 կինոբյուջեն:   5. Եվ այսպես լավագույն հնգյակը բացում է Մադագասկար 3-ը, 718.900.262  դոլլար համաշխարհային ցուցադրումից:   4. Նոր սարդ մարդը:     752.215.857 դոլլար:   3. Սառցե դարաշրջան 4:     867.094.063  դոլլար   2. Սև ասպետը. լեգենդի վերածնունդը     1.077.204.558 դոլլար   1. Իսկ առաջին հորիզոնականում է բազմաթիվ դրական արձագանքների արժանացած, և իմ կողմից էլ առանձնահատուկ սիրված, ժանրի մեջ շեդևր համարվող "Վրիժառուները" ֆիլմը: 1.511.757.910 դոլլար համաշխարհային ցուցադրումից:   ՝ http://pahooo.blogspot.   Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝  
ՆԱԽՈՐԴ ՇԱԲԱԹՎԱ ՎԻԿՏՈՐԻՆԱՅԻ ԱՄՓՈՓՈՒՄ ԵՎ ՆՈՐ ՎԻԿՏՈՐԻՆԱՅԻ ՀԱՐՑԵՐ

    Նախորդ շաբաթվա վիկտորինայի հարցերը հետևյալն էին` Հարց 1. Ի՞նչ կերակուր է առաջարկել Աստղային ճաշացանկ բաժնի համար Արա Գևորգյանը: Այս հարցին ոչ ոք չի պատասխանել ճիշտ: Ճիշտ պատասխանն է` Սպաս: Հարց 2. Ո՞վ է Լիլիթ Հովհաննիսյանի “Շատախոս անձրը” երգի հեղինակը: Այս հարցին հնչել են հիմնականում ճիշտ պատասխաններ, սակայն համակարգիչը ընտրել է Մանե Պողոսյանի պատասխանը` Ռուբեն Հախվերդյան: Հարց 3. Ե՞րբ է ծնվել դերասան Սարգիս Գրիգորյանը: Այս հարցին ևս ճիշտ պատասխաններ չեն հնչել: Ճիշտ պատասխանն է` 1979 թվականի դեկտեմբերի 22: Հարց 4. Ու՞մ հետ է պատրաստվում զուգերգ երգել Սոնա Շահգելդյանը Այս հարցին որպես ճիշտ պատասխան համակարգիչը ընտրել է Լուիզա Շարաջյանի պատասխանը` Սևակ Ամրոյան: Հարց 5. .Ի՞նչ է Միհրան Ծառուկյանի պրոդյուսերի անուն, ազգանունը: Այս հարցին հնչած բոլոր պատասխանները ճիշտ էին, սակայն համակարգիչը ընտրեց Լիանա Մխիթարյանի պատասխանը` Ալեքսանդր Ստեփանյան: Հարց 6. վերջին համագործակցությունը ո՞ր նախագծի հետ է եղել: Այս հարցին չի հնչել ոչ մի ճիշտ պատասխան, քանի որ համագործակցությունը անսպասելի էր: Ճիշտ պատասխանն է THE VOICE OF ARMENIA (ՀԱՅԱՍՏԱՆԻ ՁԱՅՆԸ): Հարց 7. Ինչպե՞ս է վերնագրված Արամեի վերջին տեահոլովակը: Այս հարցին հնչած բոլոր պատասխանները ևս ճիշտ էին, սակայն համակարգիչը ընտրել է Անահիտ Հարությունյանի պատասխանը` Սիրո որ ժամանակ: Հարց 8. Ի՞նչ է Երգիչ Հայկոյի և երգչուհի Անահիտ Սիմոնյանի փոքրիկի անունը: Այս հարցին հնչած պատասխանների մեծ մասը ճիշտ էին, սակայն համակարգիչը այս անգամ ընտրեց Լիլիթ Մկրտչյանի պատասխանը` Արման: Հարց 9. Քանի՞ տարեկանից սկսած կարող են մասնակցել THE VOICE OF ARMENIA նախագծին: Այս հարցին հնչել է ընդամենը 3 ճիշտ պատասխան, որոնցից համակարգիչը ընտրել է Հասմիկ Մելքոնյանի պատասխանը` 16: Հարց 10. -ը ու՞մ հետ է անցկացրել վերջին հարցազրույցը: Այս հարցին հնչել են տարբեր պատասխաններ, սակայն որպես ճիշտ պատասխան համակարգիչը ընտրել է Անահիտ Հարությունյանի պատասխանը` Սիլվա Հակոբյան:   Իսկ այս շաբաթվա վիկտորինայի հարցերը կարող եք տեսնել ստորև` Հարց 1. Կամերային թատրոնի դերասանները օգոստոսի 30ն, ո՞ր փառատոնին են մասնակցել: Հարց 2. Ո՞վ էր ներկայացնում Հայատանը նախորդ տարվա մանկական Եվրատեսիլին: Հարց 3. Այս տարի ''Մեա Կուլպա'' կատակերգության, ո՞ր ամյակն է լրանում: Հարց 4. Ո՞վ է ''Դորիանս'' խմբի պրոդյուսերը: Հարց 5. Հովհաննես Դավթյանը ''Բանակում'' հոռուստասերյալում, ում կերպարն է մարմնավորում: Հարց 6. Արազ Դարեյի ո՞ր երգերն են ձայնագրվել նաև պարսկերենով: Հարց 7. Ո՞վ է ''Empiray'' խմբի մենակատարը: Հարց 8. Ե՞րբ է ծնվել Մարտին Մկրտչյանը: Հարց 9. 2008 թվականին Ղարաբաղում, ո՞ր փառատոնին է մասնակցել սիրված երգիչ Սարգիս Ավետիսյանը: Հարց 10. Ամռան ընթացքում երգչուհի Աիդա Սարգսյանը, ո՞ր երկրներում է ունեցել մենահամերգներ: Հարցերին կարող եք պատասխանել այստեղ` ՎԻԿՏՈՐԻՆԱ    
Ամենաարտասովոր հավաքածուները

    Աշխարհում բազմաթիվ մարդիկ կան, ովքեր անսովոր իրերի հավաքածուներ ունեն: Նույնիսկ միջազգային մամուլում կազմվել էր արտասովոր հավաքածուների թոփ-տասնյակը: Այդպիսի հավաքածուների տերերից է, օրինակ, Դիմիտրիս Պիստոլաս Աֆինսը, ով աշխարհում կինոտեսախցիկների ամենամեծ հավաքածուն ունի` թվով 937 հին մոդել:   2003 թվականից սկսած չինացի կոլեկցիոներ Վանգ Գուոհուան ծխախոտների տուփեր է հավաքում: Նա արդեն ունի ավելի քան 100 արտադրողների 30.000 ծխախոտների տուփեր:       21-ամյա Լայզա Քորթնին իր 12.113 կտորից բաղկացած Pokemon-ների հավաքածուով 2010թ. Գինեսի ռեկորդակիր է դարձել:   Գերմանացի ֆերմեր Հենրի Կատը 1997 թվականից սկսած գարեջրի բաժակներ է հավաքում: Նա ունի մոտ 20.000 բաժակ:   Իսկ Ռոն Հուդը հավաքում է PEZ կոնֆետներ: Նա ունի ավելի քանի 3000 կոնֆետ-խաղալիքներ: Վալլի Համմերը ռետինե՝ թվով 2470 բադիկների հավաքածու ունի:   Պեմ Բարկերը 18.000 բու-խաղալիքներ է հավաքել: Ռոն Թիլերը բրելոկներ է հավաքում: Շերոն Բեդգլին թվով 6000 տիկնիկ Սանտա Կլաուսներ է հավաքել:   Այսպիսի մարդիկ կան նաև Հայաստանում: Օրինակ` Արսեն Եղիազարյանը մանկուց հետաքրքրվել է նամականիշերով. «Նամականիշեր մորեղբայրս էր հավաքում և ամեն անգամ նրա տուն գնալուց, բացում և նայում էի նրա հավաքածուն: Հետո որոշեցի սեփական հավաքածուն ունենալ: Հայաստանում նամականիշեր հավաքելն այնքան էլ տարածված չէ»: Նա դժվարանում է ասել` կդադարի՞ հավաքել նամականիշեր, թե՞ ոչ, բայց նույնիսկ դադարեցնելու դեպքում, նա վստահ է, որ դրանք ոչ մի դեպքում չի վաճառի:   Մարիաննա Աճեմյանը մոտ 250 հատ տարբեր երկրներից բերված գրիչներ ունի` ԱՄՆց, Եգիպտոսից, Սոչիից և այլ տեղերից: Նա գրիչներ սկսել է հավաքել դպրոցական տարիներից, երբ ծնողները ԱՄՆց հետաքրքիր գրիչներ էին բերում: «Դա 1996-1997 թվականներն էին: Ինձ դուր էր գալիս այն, որ ես տարբերվում էի դպրոցական իմ ընկերներից. նրանց գրիչները միանման էին»,- պատմեց Մարիաննան:   Դպրոցական տարիներին նա սիրում էր մի քանի հատ գրիչ դպրոց տանել: Նա և իր գրիչները դասարանցիների կողմից արժանանում էին գովասանքի. «Հետաքրքրություն կար նաև ինստիտուտի տարիներին: Անգամ եղբայրս, երբ զինծառայության մեջ էր, ինձ բանակից գրիչ էր նվեր ուղարկել: Հետո, ցավոք, այդ գրիչս գողացան: Երևի դա էր պատճառը, որ մեջս մի տեսակ դատարկությամբ լցվեց: Բացի դրանից` գրիչ հավաքողները շատացան, իսկ ես չեմ սիրում, երբ մի բան եմ անում, սկսում են բոլորն անել: Ժամանակները փոխվեցին, հետաքրքրություններս նույնպես»:   Գրիչների մեծ հավաքածու ունի նաև Սեգ Կիրակոսյանը: Նա սկսել է գրիչներ հավաքել 2004 թվականից. «Տանը հին ժամանակներից մնացած մի քանի գրիչ կար. շատ էի սիրում, բայց հին էին` չգրող ու մոռացված էին: Անգլիայից ընկերներիցս մեկն այդ ժամանակ ուղարկեց Աֆրիկայի բնական փայտից պատրաստած գրիչ: Հավանաբար այդ գրիչը պատճառ հանդիսացավ, որ միացնեմ մեր տան մի քանի հին գրիչներին ու դարձնեմ հավաքածու»,- ասաց Սեգը:   Սկզբում նա հավաքում էր ամեն ինչ, բացի, ինչպես ինքն է ասում` «ճտիկով գրիչից»: «Շուրջ 2 տարի անց հասկացա, որ եթե գրիչի խանութ բացեմ ու ունեցածս գրիչները 20 դրամով վաճառեմ`առանձնապես չեմ տխրի: Քանակը շատ էր, ու կարող էի արդեն աշխատել որակի վրա: Բաժանեցի նրանց 3 խմբի` «արտասովոր տեսքով, բայց շատ տարածված», «խորհրդանիշեր» ու «ձեռագործ»: Վերջինը հատկապես կարևորում եմ, որովհետև հավաքածուի արժեքը հենց նրանք են որոշում, իսկ գործարանում արտադրվածները ով էլ ուզի՝ կունենա: Արժեք ասելով, իհարկե, նկատի չունեմ փողը:   Օրինակ, մի ձեռագործ գրիչ ունեմ, որը պատրաստել է Արցախյան կռվում զոհված ազատամարտիկը: Որդին կուրսեցիս էր ու շատ երկար մտածելուց հետո որոշեց գրիչը նվիրել ինձ: Մի գրիչն էլ պատրաստել է ինչ-որ բանտարկյալ`1960-ականներին: Մանրամասները չգիտեմ, բայց շատ բարդ աշխատանք է, զարմանում եմ, թե ոնց են կալանավայրում ձեռքով նման բան պատրաստել»,- պատմեց Սեգը: Նա ասում է` եթե որևէ տարածքում դրանք ցուցադրելու հնարավորություն ունենա և կարողանան ապահովել գրիչների անվտանգությունը, ապա սիրով դրանք կցուցադրի. «Տանը դրած` շատ մարդ չի տեսնում»:   Մեր մյուս զրուցակիցը`Ռիտա Ղազարյանը, անձեռոցիկների մեծ հավաքածու ունի, որոնց թիվն անցնում է 200-ը. «Անձեռոցիկներ սկսել եմ հավաքել ութ տարեկանից; Քույրս հավաքում էր: Նրա հավաքածուից մի քանի անձեռոցիկներ հավանեցի, նա նվիրեց ինձ, և հենց դրանք էլ եղան իմ առաջին անձեռոցիկները: Ընկերներս և ծանոթներս արդեն տեղեկացված են, որ ես ունեմ նման հոբբի, ու ամեն առիթին նվիրում են: Նույնիսկ դասախոսներս գիտեն, որ սիրում եմ անձեռոցիկներ հավաքել, և մի անգամ էլ նրանցից մեկը Իսպանիայից բերված մի շատ գեղեցիկ անձեռոցիկ նվիրեց: Փոքր ժամանակ մտածում էի` այնքան հավաքեմ, որ հարսանիքիս բոլոր հյուրերին բաժին հասնի, իսկ հիմա արդեն սովորություն է դարձել և չեմ կարողանում հրաժարվել դրանից»:   Ռիտան ունի նաև գրիչների և պատկերազարդ մագնիսների հավաքածու:   Դժվար է ասել, թե ինչն է մարդկանց դրդում տարիներ շարունակ հավաքել ինչ-որ իրերի հավաքածուներ` տվյալ առարկայի նկատմամբ սե՞րը, կապվածությու՞նը, թե՞ շրջապատի մարդկանցից տարբերվելու ցանկությունը: Ամեն դեպքում հետաքրքիր է, որ կան այսպիսի մարդիկ, ովքեր տարիներ շարունակ նվիրվում են այս գործին և հավաքում են հետաքրքիր առարկաների հավաքածուներ:   ՝ 168.   Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝    
ՍԵՐԺ ԹԱՆԿՅԱՆԻ ՎԻԴԵՈ ՀԱՂՈՐԴԱԳՐՈՒԹՅՈՒՆԸ Ի ՊԱՇՏՊԱՆՈՒԹՅՈՒՆ ԹԵՂՈՒՏԻ

  Ինչպես նշվել էր armcatalog..-ում, Սերժ Թանկյանը պետք է վիդեո հաղորդագրությամբ հանդես գար` կոչ անելով փրկել Թեղուտի անտառը: Րոպեներ առաջ խոստացված տեսանյութը տեղադրվել է համացանցում, և armcatalog..-ը առաջինն է ներկայացնում այն իր ընթերցողներին: Սերժ Թանկիան`  «Խնդիրը, որը ներիկայացնում եմ՝ Թեղուտի անտառն է: 2011թ. Հայաստան կատարած իմ առաջին այցելության ժամանակ եղա նաև Լոռու մարզում: Ես տեսա տեղի հրաշալի բնությունը, տեսա վեր խոյացող անտառը, որ դեռ կանգուն էր: Երկու տարվա ընթացքում շատ բան է փոխվել: Պարզվում է, Թեղուտը՝ Հայաստանի վերջին և ամենալավ պահպանված անտառներից մեկը, կանգնած է իսպառ վերացման վտանգի առջև: Պատճառը բաց եղանակով մետաղական հանքի պլանավորվող շահագործումն է, որի արդյունքում առաջանալու են 500 միլիոն տոննա խիստ թունավոր թափոններով պոչամբար, և 600 միլիոն տոննա այլ թափոններ: Հետևանքները. Թեղուտի անտառը խիտ սաղարթով ծառերով, գետերով, հազվագյուտ բուսատեսակներով և կենդանատեսակներով մի բացառիկ էկոհամակարգ է, որը ներկայումս գտնվում է մեկընդմիշտ կործանման եզրին: Այս սքանչելի ազգային հրաշալիքն այսօր կանգնած է էկոլոգիական մեռյալ գոտու վերածվելու վտանգի առջև, որի ազդեցությունն առկա է լինելու հարյուրամյակների, եթե ոչ հազարամյակների ընթացքում:  Արդարացումը. Հանքավայրը շահագործող ընկերությունն ու նրանք, ովքեր կողմ են հանքի բացմանը, պատճառաբանում են, թե դրա արդյունքում երկիրը տնտեսական աճ կարձանագրի, իսկ տեղի աշխատողների կյանքը կդառնա ավելի բարեկեցիկ:  Իրականությունը. Ներկայումս Հայաստանի մոտ 500 հանքերից, որոնց թիվը շարունակաբար աճում է, երկիրը դեռևս էական եկամուտներ չի ստանում, և հանքարդյունաբերությունը զգալի, երկարաժամկետ դրական ազդեցություն չի ունեցել հանքավայրերում աշխատող բանվորների կենսամակարդակի վրա: Ինչ վերաբերում է Թեղուտի անտառին, ապա այստեղ հանքավայրում աշխատողների մեծ մասը պետք է լինեն տեղի մոտ 360 բնակիչներից: Վերջիններս անգիտակցաբար վտանգում են ոչ միայն իրենց կյանքն ու առողջությունը, այլ նաև իրենց երեխաների, թոռների և եկող սերունդների: Եվ այս ամենն ընդամենը ամսական մոտ 150 դոլար եկամտի համար: Հանքավայրի շահագործման նախագծի համաձայն՝ հանքի շահագործումը տևելու է 25-30 տարի: Իսկ Թեղուտի անտառի գեղեցկությունը մենք կորցնելու ենք հազարամյակներով: Այլընտրանքը. Բաց եղանակով հանքի շահագործումը կանխելու, կամ ավելի ճիշտ դադարեցնելու համար, չափազանց կարևոր է այդ շրջանի համար եկամտի այլընտրանքային աղբյուրներ գտնելը: Շրջանը գյուղատնտեսական առումով չափազանց բարեբեր է: Ակնհայտ է, որ գյուղատնտեսությամբ զբաղվելն ավելի նպատակահարմար է շրջանի և առհասարակ երկրի համար, թե տնտեսական և թե էկոլոգիական առումով: Այն գործարարները, ովքեր իսկապես շահագրգռված են Հայաստանի երկարաժամկետ զարգացմամբ, պետք է ուսումնասիրեն Թեղուտը գյուղատնտեսութան զարգացման հնարավորությունների և ոչ թանկարժեք մետաղների որոնման նպատակով, և ներդրումներ կատարեն կոլեկտիվ տնտեսությունների և փոքր բիզնեսի ստեղծման մեջ: Ի վերջո, ոչինչ այնքան կարևոր չէ, որքան շրջակա միջավայրը, գալիք սերունդների առողջությունն ու բարեկեցությունը:»   Տեսանյութ   Նյութը պատրաստեց` Գոհար Հակոբջանյանը
Իրինա Շեյքը հարսանյաց զգեստով

  Մամուլում հրապարակվել են լուսանկարներ, որոնցում հանրահայտ մոդել Իրինա Շեյքը հարսանյաց զգեստ է կրում, հայտնում է VIVA-ն:Հուրախություն Շեյքի երկրպագուների`նա զգեստը փորձել է ոչ թե ամուսնության նպատակով, այլ Alessandro Angelozzi Couture 2013 երեկոյան և հարսանյաց զգեստները գովազդելու համար:Հիշեցնենք, որ նա հանդիպում է ֆուտբոլիստ Քրիշտիանու Ռոնալդուի հետ:   `shshyan.     Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝         
ՆՈՐ, ՇԱՏ ՀԵՏԱՔՐՔԻՐ ՆԵՐԿԱՅԱՑՈՒՄ` “ԿՐՔՈՏ ՀԱՇՎԵՏՎՈՒԹՅՈՒՆ”

  Հայաստանի երիտասարդական հիմնադրամի աջակցությամբ հոկտեմբերի 26ն Երևանի պետական կամերային երաժշտական թատրոնում տեղի ունեցավ “Կրքոտ հաշվետվություն” ներկայացումը, որի ռեժիսորը և հեղինակը Արթուր Սարիբեկյանն էր, իսկ դերերում՝ Արմեն Մարգարյանը, Տաթևիկ Միրզոյանը, Վահագն Սիմոնյանը։”Կրքոտ հաշվետվությունը” պատմություն է ամուսինների մասին, որոնք թեև նոր են ընտանիք կազմել, բայց հարբեցողությունը կամաց-կամաց սկսում է կրծել այս ընտանիքը: Սյուժեի հիմքում կին-տղամարդ փոխհարաբերություններն են՝ սեր, դավաճանություն, վեճեր, ընտանեկան կոնֆլիկտներ, որոնք ի վերջո ավարտվում են կնոջ և տղամարդու միջև սիրո հաղթահարմամբ և նրանց վերամիավորմամբ։ Ներկայացման ընթացքում երիտասարդ ստեղծագործողները տարբեր բուհերի ուսանողների հետ անցկացրին բաց քննարկումներ տարբեր թեմաների շուրջ։ Դրանց միջոցով վեր հանվեցին այն խնդիրներն ու թեմաները, որոնք հանդիսատեսը ցանկանում է տեսնել բեմի վրա։ Նման ձևաչափով ներկայացումները վերցված են Ֆրանսիայի ազգային թատրոնի փորձից։ Այն ամրապնդում է կապը երիտասարդ հանդիսատեսի և թատրոնի միջև։
ԱՐԴՅՈՔ ՇԱԿԻՐԱՆ ՈՐԴԻ Է ՈՒՆԵՆԱԼՈՒ

  Ինչպես նախորդ շաբաթ, այս շաբաթ ևս մամալում շարունակվում են լուրեր պտտվել, որ արմատներով կոլումբիացի սիրված երգչուհի Շակիրան որդի է ունենալու: Երեխայի հայրը հայտնի ֆուտբոլիստ Պիկեն է: Հղիության վերաբերյալ լուրը բարձրաձայնել է երգչուհու հայրը: Այս նորությունը մամուլում բառացիորեն բումի է վերածվել: Կարծում ենք 35-ամյա Շակիրան ցանկանում էր գաղտնի պահել հղիությունը, սակայն նրա հայրը երևում է շտապում է պապիկ դառնալ, ինչն էլ ևս մեկ անգամ ապացուցում է իր անհամբերությամբ և շտապողականությամբ: Ի դեպ օրերս մամուլում տարածվել են լուրեր, որ Շակիրան և Ժերայր Պիկեն արդեն իսկ գիտեն` երեխայի սեռը տղա է: Ինչպես նաև զույգը որոշել է իրենց առաջնեկին Ուիլչիտո անվանել: Այս ամենին զուգահեռ աստղային զույգի ներկայացուցիչները հայտնել են, որ նրանցից և ոչ մեկը` տվյալ ինֆորմացիան չի մեկնաբանելու:   Նյութը պատրաստեց` Մարգարիտ Ավետիսյանը
; : :