Besplatnoetut.ru

НОВОСТИ ОТ Besplatnoetut.ru

Անցանկալի մազերը կարող են ունենալ առավել անցանկալի հետևանքներ

  Մազակալումը կանանց ու աղջիկների համար դարձել է ցավոտ, միաժամանակ տարածված խնդիր: Վերջիններս դիմում են զանազան միջոցների' անցանկալի մազերից ազատվելու համար: «Էրեբունի» բժշկական կենտրոնի «Կանանց առողջության կենտրոնի» մանկաբարձ-գինեկոլոգ Նարինե Ստեփանյանը նշեց, որ մազակալման ամենից շատ հանդիպող պատճառը հորմոնալ խանգարումներն են. «Կանանց և աղջիկների մոտ բարձրանում է DHEA-S հորմոնի քանակությունը, որի հետեւանքով սեւ, կոպիտ մազեր են աճում հիմնականում դեմքի, կրծքի, պորտի, գոտկատեղի, ինչպես նաև թիկունքի հատվածներում»:   Գինեկոլոգի խոսքով՝ սա շատ լուրջ խնդիր է, եւ պետք չէ առանց համապատասխան բժշկական հետազոտության փորձել ազատվել անցանկալի մազերից: Մազակալությունը մակերիկամների, ձվարանների բորբոքման, հորմոնալ խանգարումների կամ ինչ-որ այլ հիվանդության հետեւանք է, հետևաբար պետք է նախեւառաջ պատճառները բացահայտել ու բուժում ստանալ: Հարցին սխալ մոտեցումը հետագայում կարող է հանգեցնել չբերության:   Երբ բուժումը սկսվում է ոչ թե մազահեռացումնից, այլ ախտորոշումից եւ հիվանդության դեմ պայքարից, մազերը որոշ ժամանակ անց թափվում են:   «Մեր կանայք ու աղջիկները չեն գիտակցում' ավելի կարեւոր է առողջությունը, քան մազերի հեռացումը, նրանք առանց պատճառները պարզելու փորձում են վերացնել հետեւանքները, բայց դա ժամանակավոր է լինելու, որովհետև մազերը նորից կաճեն եւ ավելի շատ»,- պարզաբանեց Նարինե Ստեփանյանը:   Գինեկոլոգը խորհուրդ է տալիս միայն համապատասխան բուժում ստանալուց հետո հեռացնել այն մազերը, որոնք բուժման ընթացքում չեն թափվել: Հեռացման մեթոդներից էլ, նրա վստահեցմամբ, ամենից անվտանգն ու հուսալին ասեղային էպիլյացիան է:   ՝ lady   Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝  
Արթուր Աբրահամը պաշտպանեց տիտղոսը

  Արթուր Աբրահամը պաշտպանեց պրոֆեսիոնալ բռնցքամարտի սուպերմիջին քաշային կարգում WBO վարկածով աշխարհի չեմպիոնի տիտղոսը:   Դեկտեմբերի 15ն Գերմանիայի Նյուրնբերգ քաղաքում կայացած մենամարտում 32-ամյա Աբրահամն առավելության հասավ աշխարհի չեմպիոնի հավակնորդ, ֆրանսիացի Մեհդի Բուադլայի նկատմամբ: 8-րդ ռաունդում հայ բռնցքամարտիկը հաղթեց տեխնիկական նոկաուտով:   Աբրահամը հայ բռնցքամարտիկն առաջին անգամ պաշտպանեց գերմանացի Ռոբերտ Շտիգլիցից խլած WBO վարկածով չեմպիոնական գոտին:   ՝ NEWS. Sport   Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝  
ԻՆՉՈՒ՞ Է ՍԻԼՎԱ ՀԱԿՈԲՅԱՆԸ ԳՆՈՒՄ ԱՄԵՐԻԿԱ

       Սիլվա Հակոբյանը շուտով հանդես կգա R &p; B ոճում: Այդ մասին ն տեղեկացրեց երգչուհու պրոդյուսերը` Հակոբ Հակոբյանը. "Շուտով Ամերիկայում նկարահանվելու է նոր տեսահոլովակ անգլերեն լեզվով "ԱՄԱՆԻ" ստուդիայի համագործակցությամբ": Այժմ պրոդյուսերը պատրաստվում է մեկնել Ֆրանսիա, որից հետո, հաղթահարելով մի շարք դժվարություններ, կմեկնեն  Ամերիկա: "Մինչ Ամերիկա մեկնելը, Մռութիկը երգի հիման վրա կնկարահանենք տեսահոլովակ",-նշեց պրոդյուսերը: Իսկ զրույցի վերջում հավելեց, որ շատ աշխատանքներ  ունեն կատարելու. "Դեռ ամեն ինչ առջևում է": Սիլվա Հակոբյանի էջը կարող եք տեսնել այստեղ` ՍԻԼՎԱ ՀԱԿՈԲՅԱՆ     Նյութը պատրաստեց Արևիկ Ավետիսյանը    
Կնոջ հետ պետք է հաճելի լինի ոչ միայն անկողնում. ԱԼԵՔՍԱՆԴՐ ԲԱԲԱՍՅԱՆ

    Շնորհավորում եմ  ամուսնության կապակցությամբ:  Ամուսնությունից հետո շա՞տ բան է փոխվել Ձեր կյանքում:   Ամուսնությունից հետո կտրուկ շրջադարձն այն էր, որ զգացի` ինչքան երջանիկ եմ:   «Ի՜նչը կհաղթեր կյանքում հերոսին, թե չլինեին կինն ու գինին». կխնդրեի  Ձեր մեկնաբանությունը. համաձա՞յն եք, որ կանայք այդպիսի մեծ ուժով են օժտված:   Իրականում համաձայն եմ`կանայք այդպիսի մեծ ուժով են օժտված, սակայն մեր իրականության մեջ մի քիչ դժվար կլինի, եթե տղամարդը կայացած է: Կինը կարող է հաղթել, եթե տղամարդն է այդ հնարավորությունը տալիս, իսկ առհասարակ ինչքան էլ կինն ուժեղ լինի, միեւնույնն է, տղամարդու ունակությունները, գաղափարը մի քայլ առաջ են կնոջից: Ես շատ եմ հարգում կանանց, բայց կարծում եմ`կանայք իշխելու, հրամայելու ու հաղթելու համար չեն ստեղծված, նրանք ավելի շուտ իրենց երջանիկ պետք է զգան պարտվողի կարգավիճակում` սիրելի տղամարդու կողքին. կինը միշտ էլ կարիք ունի սիրված ու պաշտպանված զգալու:       Ձեր  կինը շոու- բիզնեսից չէ, ճի՞շտ եմ:   Այո՛:    Իսկ եթե լիներ, դա կարո՞ղ էր Ձեզ համար խանգարող հանգամանք հանդիսանալ նրա հետ ընտանիք կազմելու հարցում:   Դե շոու-բիզնեսից չէ, դրա համար էլ իմ կինն է:   Փաստորեն, եթե լիներ, դա Ձեզ կխանգարեր:   Այո՛. ես երբեք չեմ պատկերացրել`իմ կինը կարող է լինել շոու-բիզնեսից. բացառվում էր, դա իմ սուբյեկտիվ  կարծիքն է, իմ տեսանկյունը:   Մասնագիտությամբ  պատմաիրավաբան, տնտեսագետ, իսկ ինչպե՞ս ստացվեց, որ հայտնվեցիք դերասանական աշխարհում:   Սկզբնական շրջանում արտաքին տեսքս ինձ օգնեց, նաեւ ռեժիսոր ընկերներ ունեմ, ովքեր ինձ աջակցեցին:        Ձեր հարցազրույցներից մեկում նշել եք, որ ճիշտ է՝ չունեք թատերական կրթություն, բայց  ունեք ի վերուստ տրված դերասանական տաղանդ:  Եթե առաջարկութուն ստանայիք խաղալու նաև թատրոնում, կհամաձայնե՞իք. միայն տաղանդը բավարար կհամարեի՞ք:   Թատրոնում խաղալու համար շատ ժամանակ է պետք, ինչպես նաև թատերական կրթություն, չնայած կրթությունն առանց պրակտիկայի զրո է… Հիմա ես ունեմ այդ պրակտիկան, գուցե թատրոնի համար դա դեռ բավարար չէ, բայց եթե հետագայում կարիք լինի, ապա այդ բացը կլրացնեմ: Եթե անկեղծ լինեմ, առաջարկ հիմա էլ կա, պարզապես իմ անձնական բիզնեսն ունեմ ու ժամանակի առումով չեմ հասցնի, իսկ թատրոնում խաղալու համար  շատ ժամանակ ու էներգիա է պետք:    Ի՞նչ եք կարծում, ամենօրյա աշխատանքը պրոֆեսիոնալ դերասանների հետ կնպաստի՞ նրան, որ ժամանակի ընթացքում ինքներդ Ձեզ համարեք ոչ միայն տաղանդավոր, այլ նաև պրոֆեսիոնալ դերասան:   Այո՛. աշխատում եմ իսկապես պրոֆեսիոնալների հետ, ես մի անուն կնշեմ միայն` Արմեն Էլբակյան. նրա հետ խաղալը  ու կադրից դուրս մի կես ժամ շփումը հավասար է մի ամբողջ ամսվա դասընթացի: Առհասարակ, Արթուր Կարապետյանի, Արմեն Էլբակյանի հետ խաղալը մի  քայլ առաջ է այն կրթությունից, որ կարելի է ստանալ թատերականում:       Հնարավո՞ր է` ինչ-որ ժամանակ հետո հրաժարվեք սերիալներում նկարահանվելուց:   Երեւի  թե, ո՛չ: Նկարահանվում եմ նաեւ գեղարվեստական ֆիլմում:   Առաջին փո՞րձն է գեղարվեստական ֆիլմում:   Այո՛:   Փիլիսոփաներից մեկն ասել է`«երբ տղամարդն ասում է կնոջն իր մեղքեիր մասին, ապա սովորաբար այն պատճառով, որ դրանց ավելացնի ևս մեկը». կարծում եք, դա հատո՞ւկ է տղամարդկանց:   Լավ է ասել (ծիծաղում է): Կարծում եմ` եթե տղամարդը ինչ-որ մեղք է գործում ու պատմում իր սիրելի կնոջը, ապա դա չի խոսում մեծ սիրո մասին, իսկ ընդհանրապես կարծում եմ`հնարավոր է, որ տղամարդը իր մեղքերը խոստովանի կնոջը` դրանց եւս մեկը ավելացնելու նպատակով:   Ո՞րն  է կնոջ ամենամեծ ակնկալիքը սիրելի  տղամարդուց, ըստ Ձեզ:   Զգալ կանացի երջանկություն, վերջինս մեջ ամեն ինչ է մտնում:    Ձեր կնոջ հանդեպ սերն առաջին հայացքից է եղե՞լ:   Ո՛չ. դա մի քիչ ավելի դեռահաս տարիքում է լինում, սիրում են, որովհետև դեռ պատանի են, դեռ գաղափարապես հասուն չեն, իսկ հասուն տարիքում այդպես չի լինում. դու մարդուն պետք է սիրես իր բնավորությամբ, իր ներաշխարհով, իր հավատարմությամբ ու իր ամեն ինչով, իսկ դա առաջին հայացքից չի կարող լինել:   Ամենաառաջինը  ի՞նչը Ձեզ գրավեց նրա մեջ :   Ամեն ինչն է գրավել, բայց ուզում եմ հիշել` առաջինն ինչն էր (մտածում է), երևի թե ընդհանուր կերպարը` նիստուկացը, խոսքը, կարգուկանոնը, որ կա իր մեջ, այս ամենն առաջին հանդիպումից տպավորվեց, որը հետագայում վերածվեց շատ մեծ սիրո:   Եթե չեմ սխալվում, մոտ մեկ ամիս է, ինչ ամուսնացած եք. համատեղ ապրելը, կենցաղը հասցրե՞լ են փոխել ինչ-որ բան ձեր հարաբերություններում:   Այդքան էլ շատ բան չի փոխվել, ուղղակի ամեն ինչը դարձել է համատեղ, որն էլ ավելի ամրացնում ու ջերմացնում է հարաբերությունները:   Հայ կանանց ու աղջիկների մեջ կա՞ մի բան, որ Ձեզ հունից հանում է, նյարդայնացնում:   «Նաիրյան բուրմունքը» չկա: Ինչքան էլ դեպի Եվրոպա գնանք, այդ բուրմունքը պետք է մնա, ցանկացած իրավիճակում աղջիկները պետք է մի քիչ հեզ ու հնազանդ լինեն , ամեն դեպքում դա է գնահատվում:   Կանանց հավերժական  բողոքները տղամարդկանցից արդարացվա՞ծ են:   Կանանց բողոքները, կարծում եմ, կապված են ավելի լուրջ գործոնների հետ, օրինակ` տղամարդու կյանքում ուրիշ կնոջ լիենլու փաստի… Ընդհանուր առմամբ այդ բողոքներն արդարացված են.  տղամարդիկ որպես կանոն դավաճանում են:     Իսկ որպես տղամարդ ի՞նչ խորհուրդ կտաք կանանց, նման դեպքերում ինչպե՞ս վարվել:   Ինքս բնույթով հավատարիմ ու կայուն մարդ եմ. եթե սիրում եմ, նշանակում է`հավատարիմ եմ ու դիմացինից էլ եմ ակնկալում հավատարմություն: Ամեն դեպքում, եթե ընտանիքում քայքայված մթնոլորտ է, անգամ երեխաների գործոնը չպետք է խանգարի հեռանալ. ինչքան էլ երեխաների երջանկությունը կարեւոր լինի, մարդն ինքն իր կյանքը չպետք է կործանի: Պարզապես  պետք է ամեն ինչ անել`հարցը դրան չհասնի, ու ընտանիքում մաքսիմալ ջերմություն ստեղծել:    Կանանց պետք է սիրե՞լ, թե՞ հասկանալ, հետո սիրել:   Կանանց ամբողջ կյանքի ընթացքում էլ կարելի է նորովի բացահայտել, պետք է պարզապես շատ չփորփրել… Գալիս է մի պահ, որ պետք է կանգ առնել: Փիլիսոփաներից մեկն էլ ասել է.«Այն, ինչը փակ է, կարող է լինել անսահման»: Եթե կանայք ինչ-որ փակ կետեր ունեն, դրանք կարող են լինել անսահման, իսկ անսահմանության ձգտող մարդը իրականում կորցնում է ամեն ինչ, դրա համար պետք է հասկանալ`երբ կանգ առնել:    Ի՞նչ է պահանջվում զույգերից ներդաշնակ ու կայուն ընտանիք ունենալու համար:   Գիտակցություն: Մարդիկ շատ դեպքերում առաջնորդվում են բնազդներով, օրինակ  հնարավոր է` շատ կանայք անկողնում լավն են, բայց արդյոք որպես կին լավը կլինե՞ն, նման բաները պետք է հաշվի առնել ու անգամ այն նախաճաշը, որ կինը դնում է, պետք է հաճույքով ուտել, ոչ թե ուտել նրա համար, որ սոված ես: Ամեն փոքրիկ թվացող դետալ պետք  է հաշվի առնել` միասին ճաշելը, զբոսնելը, ներկայացում գնալը. այս ամենի մեջ պետք  է կողքիդ տեսնես միայն կնոջդ, իսկ եթե այդպես չէ ու մարդկանց միմյանց կապում են միայն մարմնական հաճույքները, ապա դա որոշ ժամանակ հետո կվերանա:  Դրա համար եմ ասում` մարդուն պետք է ամենակարեւորը` գիտակցություն`ճիշտ ընտրություն կատարելու:     Հարցազրույցը՝ Շողիկ Գալստյանի   ՝ lady   Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝  
Ի՞նչ ուտել, եթե ցանկանում եք հղիանալ

      Քննարկումներ այն մասին, թե արդյոք սնունդը կարող է որևէ կերպ անդրադառնալ հղիանալու գործընթացի վրա, վաղուցվա պատմություն ունեն: Բնական է` այս հարցի պատասխանը չի կարող ամբողջապես դրական լինել, բայց ապացուցված է՝ որոշակի սննդակարգ կա, որը այնուամենայնիվ կարող է նպաստել հղիանալուն: Հիշարժան է, որ հստակ սննդակարգի պետք է հետևի ոչ միայն կինը, այլև տղամարդը: Ընդ որում' այն մթերքների ցանկը, որ հիմա կնշենք, ինդիվիդուալ է, և այս սննդակարգին հետևելուց առաջ լավ կլինի, եթե ամեն դեպքում խորհրդակցեք բժշկի հետ: Տղամարդկանց սննդակարգը պետք է կազմվի հիմնականում մսից, կարտոֆիլից, բանջարեղենից, թարմ մրգերից: Նման սննդակարգի հետևող տղամարդկանց սերմնաբջիջների մեջ երկու անգամ ավելի շատ սերմ պարունակողները կան, քան այլ սննդակարգով սնվող տղամարդկանց սերմնաբջիջներում: Բացի դրանից, տղամարդիկ պետք է ավելացնեն С վիտամինի կիրառությունը, քանի որ այն վերականգնում է վնասված սերմնաբջիջները: Ցանկալի է նաև, որ օրը 12-15 մգ ցինկ օգտագործեն, քչացնեն ծխելու և ալկոհոլ օգտագործելու քանակությունը: «Միջերկրածովյան» կոչվող դիետան իդեալական է հղիանալ ցանկանող կնոջ համար. այն կոչվում է նաև «Աֆրոդիտեի դիետա»: Դիետան ենթադրում է ձկնեղենի, բանջարեղենի, լոբազգիների շատ կիրառություն: Թույլատրվում է նաև անյուղ կաթնատեսակների որոշակի կիրառություն: Նման սննդակարգի պահպանումը թե' կնոջ, թե' տղամարդու կողմից կբարձրացնի հղիանալու շանսը 40 տոկոսով:     `med-practic.     Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝         
ԱՐՏԱՎԱԶԴ ԵՂՈՅԱՆ 'ԿԵՍ ԿԱՏԱԿ, ԿԵՍ ԼՈՒՐՋ'

  armcatalog.. կայքը վերոնշյալ խորագրի ներքո զրուցել է սիրված անձնավորություն, հեռուստամեկնաբան- ռեժիսոր, երաժշտական ձևավորող, ֆիլմերի սինխրոն թարգմանիչ, այլ կերպ ասած բազմապրոֆիլային մի անհատականության հետ, ով տարիներ շարունակ վայելում է հանրության սերն ու հարգանքը: Այդքանով հանդերձ ինքն իր աչքերում` հասարակ մարդ, իսկ մեզ համար իրական լեգենդ: - Պարոն Եղոյան մեզ հետաքրքրում է, թե ի՞նչը խթան հանդիսացավ, որ սկսեցիք ձեր վիթխարի ուղին և դարձաք կարկառուն դեմք: - Ինձ թվաց Կոմիտասի մասին եք խոսում, որովհետև ես ինձ երբեք կարկառուն դեմք չեմ համարել, առավել ևս իմ սկսած, կամ անցած ուղին վիթխարի չեմ համարում: Ինչի՞ մասին է խոսքը. ինչպես բոլորը, այնպես էլ  ես ընդամենը հասարակ մարդ եմ, մարդ, ով ունի հետաքրքրություններ ու նախաձեռնություններ: Երբեք չեմ ձգտել, որ ինձ տեղին-անտեղի անվանեն հանրաճանաչ, կարկառուն դեմք կամ անկրկնելի և անփոխարինելի: Միշտ հիշեք`անփոխարինելի ու անկրկնելի մարդիկ չկան. կան արժեքներ, որոնք մնայուն են, որոնք կրում են հազարամյակների դրոշմը և արժանի են հավերժ հիշվելու: Իսկ այս դեպքում ուղղակի պետք է նշվեր, թե ինչպես եղավ, որ ես հասա նրան, ինչին, որ հասել եմ: Ահա այս դեպքում, ամեն ինչ դասավորվեց այնպես, ինչպես ի վերուստ սահմանված էր: Մայրս մասնագիտությամբ  բժշկուհի էր, իսկ հայրս` Թաթուլ Ալթունյանի երգի-պարի անսամբլի մենակատար: Մայրս ցանկանում էր, որ ես դառնայի բժիշկ, իսկ հայրս` չէր ցանկանում , որ դառնայի արվեստագետ, բայց ինչպես ժամանակը ցույց տվեց, հանգամանքների բերումով կյանքս նվիրեցի արվեստին: Այդպես էլ բարձրագույն կրթություն չստացա: Սակայն աստված բարեգութ գտնվեց իմ հանդեպ ու ես ընկա արվեստի հորձանուտը:  Ես սիրում եմ իմ աշխատանքը, սիրում եմ իմ ստեղծած աշխարհը, որում ես ապրում եմ, որովհետև յուրաքանչյուր ոք պիտի սիրի այն գործը, ինչով նա զբաղվում է, պիտի գնահատի այն ու ի սրտե նվիրվի նրան. միայն այս դեպքում կարող է հասնել ցանակալի հաջողության: Օրինակ, եթե հաց հավաքողը սիրի իր գործը, ժամանակի ընթացում կդառնա լավ հաց հավաքող` իր գործի մասնագետը: - Իսկ ինչո՞վ եք այժմ զբաղվում պարոն Եղոյան: - Զբաղվում եմ տնայնագործությամբ` տանը հարսանիքներ, կնուքներ և տարատեսակ ֆիլմեր ու հաղորդումներ եմ մոնտաժում, եթերաժամ չունեմ, ինչպես նաև 2000 թվականի կեսերից առ այսօր աշխատում եմ ''Մհեր Մկրտչյան'' թատրոնում` որպես ներկայացումների երաժշտական ձևավորող:  - Իսկ ի՞նչ պլաններ ունեք կապված ապագայի հետ: - Ես երբեք չեմ պլանավորոմ կյանքս: Չգիտեմ` ապագայում հանգամանքների բերումով որտեղ կհայտնվեմ. ուղղակի չեմ սիրում տեղին-անտեղի գլուխ գովալ. հավատացեք` ինքնագովեստն ու ինքնահավանությունը լավագույն հատկանիշները չեն, որոնցով կարող է օժտված լինել մարդ արարածը: Չեմ սիրում, երբ մարդիկ բարձրաձայնում են, որ հայտնի են և ամենակարող, որովհետև կյանքը կարող է անականկալ կերպով հարվածել այնպես, որ որքան էլ ժամանակ անցնի չկարաղանան լիովին սթափվել: Մի կարգախոս ունեմ` -Կյանքում շատ բան կա, որ ինձ թույլ չեմ տա, բայց չկա մի բան, որ թույլ չտան ինձ: Այսինքն, չեմ անի այն ինչը չի կարելի: - Իսկ ի՞նչ կարծիք ունեք այն մասին, ինչ կատարվում է մեր կինոասպարեզում, հեռուստաեթերում և շոու բիզնեսում: - Դրանք հողմեր են, կգան ու  անմնացորդ կգնան: Ես ուրախ եմ, որ արժանացել եմ ժողովրդի սիրուն ու հարգանքին, որ ընդունվել ու սիրվել եմ ժողովրդի կողմից: Այսքանն ինձ լիովին բավարար է: - Մի զավեշտալի դեպք կպատմե՞ք ձեր կյանքից: - Ես ծնվեցի և զարմացա. սա է իմ կյանքի ողջ զավեշտը: Բայց կասեմ հաճելի դեպքեր. շատ հաճելի է այն, որ մանուկ ժամանակ ինձ իր գիրկն է առել Հրաչյա Ներսիսյանը, Ջիվան Գասպարյանը, ինչու չէ նաև Կարաբալան ու Դալուլեն: Բախտ եմ ունեցել շփվելու մեծն Շիրազի ու Սիլվա Կապուտիկյանի հետ, և բազմաթիվ այլ մեծերի: Մինչ օրս անչափ հաճելի է վերհիշել նմանատիպ գեղեցիկ դրվագները: Աստծո կամոք դեռ ապրում եմ, ինչը բոլորին եմ ցանկանում….     Իդեպ Ձեր հոդվածի անվանումը ճիշտ համապատասխանում  է իմ կյանքի էությանը:  Եվ 3 – րդ ալիքում իմ վարած ''Կես կատակ, կես լուրջ'' հաղորդաշարին, որի հեղինակն էր Արա Գևորգյանը: Այս հոդվածն էլ մի հաճելի դրվագ էր: Շնորհակալ եմ, որ չեք մոռացել:   Նյութը պատրաստեց` Մարգարիտ Ավետիսյանը
Ստեղծվել է 2.5 տոննա կշռող սառցե զգեստ

  Տակեո Օկամոտո անունով դիզայները ստեղծել է 2.5 տոննա կշռող սառցե զգեստ: Զգեստի ստեղծման մտահղացումն առաջացել է «Նարնիայի քրոնիկները» ֆիլմից: Արտասովոր զգեստի լուսանկարը հրապարակվել է TWELV ամսագրում «Ձյունե թագուհին» վերնագրով հոդվածի մեջ: 2416 կիլոգրամ կշռող զգեստը սառցարանում քանդակել է 3 մարդ, իսկ այն տեղափոխելու համար անհրաժեշտ է եղել 13 մարդու օգնությունը: Լրագրողներն ընդամենը 30 րոպե ժամանակ ունեին այն լուսանկարելու համար` նախքան զգեստի հալվելը:   `   Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝     
; : :