Besplatnoetut.ru

НОВОСТИ ОТ Besplatnoetut.ru

Ովքե՞ր են առավել տարվում ծխախոտատուփի նկարներով

  ԱՄՆ գիտնականները պարզել են, որ ծխախոտի տուփերի վրայի սարսափեցնող նկարներն առավել լավ “հակածխախոտային” ազդեցություն են թողնում ցածր եկամուտ ունեցող մարդկանց վրա: University of South Carolina in Columbia մամուլի հաղորդագրության համաձայն՝ հետազոտողների եզրակացությունները կհրապարակվեն American Journal of Preventive Medicine պարբերականի դեկտեմբերյան համարում։ Հեղինակները հիշեցնում են, որ ավելի քան 40 երկիր ծխելու դեմ պայքարում է ծխախոտի տուփերի վրա նման սարսափազդու նկարներ փակցնելով, որոնք պատմում են ծխելու վնասակարության մասին։ 2011թ. հուլիսից մինչև 2012թ. հունվար ընկած ժամանակահատվածում անցկացված փորձերին մասնակցել է մոտավորապես 1 000 չափահաս ծխող։ Հետազոտության մասնակից են դարձել այն մարդիկ, ովքեր իրենց կյանքի ընթացքում առնվազն 100 ծխախոտ են ծխել և շարունակում են ծխել։ Կամավորներն ընտրվել են հասարակական վայրերում, սուպերմարկետներում, մեծ շուկաներում և այլն։ Նրանց ցույց են տրվել տուփերի վրա հանդիպող վախեցնող գրությունները։ Դրանք նախազգուշացումներ են թոքերի քաղցկեղի, սիրտ-անոթային համակարգի հիվանդությունների, հղիության բարդացումների վերաբերյալ։ Յուրաքանչյուր գրառում ուղեկցվում է վնասված օրգանի նկարով, հիվանդի տառապանքները նկարագրող պատկերներով։ Արդյունքում պարզվել է, որ դրանք առավել լավ ազդեցություն են թողել ցածր եկամուտ ունեցող խմբի ծխողների վրա։   ՝ armenpharm.   Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝  
SMS-ը 20 տարեկան է

  SMS-ը 20 տարեկան է, սակայն կարծես թե այն արդեն ապրել է իր լավագույն ժամանակները, գրում է The Guardian-ը:  Այն փրկել է կյանքեր և խորտակել ամուսնություններ, ստեղծել է ամբողջովին նոր խոսակցական լեզու և միլիարդավոր դոլարների շահույթ է ապահովել հեռախոսակապի ընկերությունների համար:    Առաջին SMS հաղորդագրությունն ուղարկվել է 1992թ. դեկտեմբերի 3ն, երբ 22-ամյա բրիտանացի ինժեներ Նեյլ Փապուորսը իր համակարգչից Սուրբ Ծննդյան շնորհավորանք ուղարկեց իր ընկերոջ հեռախոսին: Նա պատասխան չստացավ, քանի որ այդ ժամանակ հեռախոսով հնարավոր չէր տեքստ ուղարկել. Այդ գործողության համար հարկ եղավ սպասել մինչև 1993թ., երբ Nokia-ն թողարկեց իր առաջին բջջային հեռախոսը, ինչն այն հնարավոր դարձրեց: Առաջին SMS-ները անվճար էին և կարող էին ուղարկվել միայն ցանցի ներսում, սակայն հետագայում հեռախոսակապի ընկերությունները շատ արագ հասկացան, որ կարելի է գումար աշխատել, քանի որ կտրուկ աճում էր հաղորդագրություններից օգտվողների թիվը:   Այնուհանդերձ, չնայած «համեստ» SMS-ն այսօր տոնում է իր 20 ամյակը, շատերը կասկած են հայտնում, թե որքան ժամանակ այն կկարողանա գոյատևել «սմարթ» հեռախոսների և տվյալների փոխանցման նոր ծառայությունների աշխարհում:   2011ն հենց ամանորյա SMS-շնորհավորանքների միջոցով պարզ դարձավ, որ ծառայությունն անկում է գրանցել: Ֆինլանդիայում 2010 10,9 մլն SMS փոխարեն 2011ն 8,5 մլն էին ուղարկել: Իսկ Հոնգ Կոնգում տոնական SMS-ների թիվը կրճատվել էր 14 տոկոսով: Մինչ օրս SMS-հաղորդագրությունները 500 մլրդ ԱՄՆ դոլար գումար են բերել: Առաջիկա 7 տարիներին նախատեսվում է ևս 1 տրլն դոլարի եկամուտ, չնայած ընդհանուր անկումին:   ՝ tert.   Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝  
Ամուսնալուծությունների առավել մեծ թիվ գրանցվել է Լոռու մարզում

  Ազգային վիճակագրական ծառայության հրապարակած տվյալների համաձայն՝ այս տարվա առաջին ինը ամիսների ընթացքում ամուսնալուծությունների առավել մեծ թիվ գրանցվել է Լոռու մարզում:   Ամուսնալուծությունների թվով երկրորդ տեղում մայրաքաղաքն է: Ամուսնալուծությունների առավել փոքր թիվ գրանցվել է Արմավիրում և Գեղարքունիքում:   2012թ. հունվար-սեպտեմբերին անցյալ տարվա նույն ժամանակահատվածի համեմատ 6.6 տոկոսով նվազել են գրանցված ամուսնությունները, իսկ ահա ամուսնալուծության դեպքերն աճել են 3.1 տոկոսով:   ՝ gazeta.   Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝  
ՈՒՄԱ ԹՈՒՐՄԱՆԸ ԱՂՋԿԱՆ ՏԱՐՕՐԻՆԱԿ ԱՆՈՒՆՈՎ Է ԿՆՔԵԼ

  Հուլիսի 15ց` փոքր աղջկա ծնունդից ի վեր, ՈՒմա Թուրմանը իր ամուսնու` Արպադ Բոսսոնի հետ, գաղտնի էին պահում նրա անունը: Սակայն այսօր. <<Ես ուզում եմ հայտարարել, որ աղջկա պաշտոնական անունը կլինի Ռոզալիդ Արուշա Արկայինա Ալբաուն Ֆլորենս Թուրման-Բոսսոն. Իսկ կրճատ նրան ասում եմ Լունա>>- հայտարարել է դերասանուհու հրապարակախոսը:  Հոլիվուդում առավել մեծ հաջողություն ունեցան Էփլը և Բրոնքս-Մաուգլին. Վերջապես նրանցից վերցրեցին տարօռինակ պալման` աստղերի անուններով: Նյութը պատրաստեց՝ Տիգրան Հակոբյանը
Բազելում ծաղկել է աշխարհի ամենամեծ ծաղիկը՝ հսկայական Ամորֆոֆալուսը

  Շվեյցարիայի Բազել քաղաքում ծաղկել է աշխարհի ամենամեծ ծաղիկը՝ Տիտան Արումը (հսկայական Ամորֆոֆալուսը), գրում է Корреспондент-ը։ Ծաղիկն ունի 2,27 մետր բարձրություն, դեղին վարսանդ և մուգ կարմիր թերթիկներ։ Ծաղկի պալարը կշռում է ավելի քան 13 կգ։ Բույսով հիանալու են եկել շատ մարդիկ՝ չնայած նրա յուրահատուկ հոտին. Տիտան Արումի հոտը նման է փտած մսի հոտին։ Այդ հոտն այնքան ուժեղ է, որ նրան անվանել են «դիակ-ծաղիկ»։ Ամբողջ աշխարհում Տիտան Արումի ծաղկումը, որն աճեցվում է ջերմոցային պայմաններում, տեղի է ունեցել 134 անգամ։ Ծաղիկը 17 տարեկան է արդեն և երբեք չէր ծաղկել։ Մասնագետները նշում են, որ այս բույսի ծաղկումն ընդհանրապես բացառիկ իրադարձություն է, որը տեղի է ունենում 20-40 տարին մեկ, 2 օրվա ընթացքում։   `tert.   Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝     
Ինչպե՞ս երկարեցնել թարթիչները տնային պայմաններում

  Եթե ուզում եք մշտապես գայթակղիչ հայացք ունենալ, ուշադրություն դարձրեք Ձեր թարթիչներին, ընդ որում՝ պետք չէ անընդհատ վազել գեղեցկության սրահներ: Գործը նաև տնային պայմաններում է հնարավոր գլուխ բերել:  1. Ձիթապտղի յուղի մի քանի կաթիլ կաթացրեք բամբակի փոքրիկ կտորի վրա ու այն դրեք թարթիչներին՝ թողնելով մոտ 5 րոպե, ապա լվացեք աչքերը գոլ ջրով: Այս գործողությունը կրկնելով 4 շաբաթ շարունակ՝ կզգաք, թե ինչպես է փոխվում թարթիչների որակը, թե ինչպես են դրանք դառնում առավել առատ ու փայլուն: 2. Քնելուց առաջ թարթիչների սանրիկին մի քիչ վազելին քսեք ու սանրեք թարթիչները: Կատարեք այս գործողությունը ամեն օր ու կհասնեք անհավատալի արդյունքների: 3. Որոշ ժամանակ հրաժարվեք թարթիչների ջարդիչից : Այն աննկատ, բայց լուրջ վնաս է հասցնում թարթիչներին ու կանխում է դրանց աճը: Փորձեք գոնե մեկ ամիս հանել այն կիրառությունից, հետո էլ առավել հազվադեպ օգտագործեք: 4. Е վիտամինի յուղ գնեք ու հնարավորության դեպքում ամեն օր մի քանի կաթիլ քսեք թարթիչներին: Այս վիտամինը կօգնի բարելավել թարթիչների որակն ու խտություն կհաղորդի դրանց:   `zh.   Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝     
ՄԵՐ ԸՆԹԵՐՑՈՂՆԵՐԻ ՀԱՐՑԵՐԸ ԵՐԲԵՔ ԱՆՊԱՏԱՍԽԱՆ ՉԵՆ ՄՆՈԻՄ: ՀԱՐՑԵՐ ԱՐԹՈՒՐ ՊԵՏՐՈՍՅԱՆԻՆ

    armcatalog.. կայքի խմբագրությունը վերջերս ստացել է նամակ, որտեղ մեր ընթերցողը ցանկանում էր մի քանի հարց ուղղել “Կյանքի կառուսել” նախագծի դերասան Արթուր Պետրոսյանին: armcatalog..-ը կապ հաստատեց դերասանի հետ, և հարցերն ու պատասխանները ներկայացնում ենք ստորև`    1.Ի՞նչ հեռախոս է օգտագործում Արթուր Պետրոսյանը: - Այս պահին հեռախոսս հասարակ, երկու սիմ-քարտով հեռախոս է: 2. Ո՞րն է եղել Ձեր կյանքի ամենագեղեցիկ օրը: - Այս հարցը ես կցանկանայի շրջանցել, որովհետև չեմ կարող միանշանակ պատասխանել: 3. Արտասահմանյան ո՞ր գեղարվեստական ֆիլմն եք սիրում: - Շատ ֆիլմեր կան, որ սիրում եմ, հատկապես` դասականների ֆիլմերը: 4. Որտե՞ղ եք հանգստացել այս տարի: - Այս տարի մեկ շաբաթով հասցրել եմ լինել Քոբուլեթիում: 5.  Ի՞նչ նոր ծրագրեր ունեք: - Պատրաստվում եմ հաճախել կինոռեժիսորական կուրսերի: Բացի այդ, ցանկություն ունեմ նկարահանել իմ ֆիլմը:  
; : :