Besplatnoetut.ru

НОВОСТИ ОТ Besplatnoetut.ru

Շունն ընդունել է իր վրա դանակի հարվածը՝ փրկելով տիրոջ կյանքը

  Մոսկվայում «Պիտբուլ» ցեղատեսակի շունը սատկել է` փրկելով իր 21-ամյա տիրոջ կյանքը:   life-ն տեղեկացնում է, որ ուսանողուհի Յուլյա Դրոզդովան իր շան` Դանիելի հետ զբոսնելիս է եղել, երբ հանկարծ հետեւից նրա վրա է հարձակվել մի մոլագար եւ փորձել դանակով հարվածել աղջկան:   «Այդ ժամանակ ես տեսա, թե ինչպես Դենին առաջ վազեց եւ իր վրա ընդունեց հարվածը: Ես բղավեցի, ինչը գրավեց մարդկանց ուշադրությունը, եւ նրանք անմիջապես ոստիկանություն զանգեցին»,-պատմում է Դրոզդովան:   Շան կյանքը, ցավոք, չի հաջողվել փրկել. հարվածն ուղիղ սրտին է դիպչել: Կատարվածից ժամեր անց ոստիկաններին հաջողվել է բռնել հանցագործին, ով փնտրվում էր նաեւ մարդասպանության եւ բռնաբարության համար:   «Հետաքննության ժամանակ հանցագործը ներողություն խնդրեց ինձնից, բայց ես չեմ կարող նրան ներել: Նա պետք է բանտ նստի»,-ասել է Դրոզդովան:   ՝ yerkir.   Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝  
Ալ Պաչինոյի աղքատ մանկությունը

  Ալ Պաչինոն (Ալֆրեդո Ջեյմս Պաչինո) ծնվել է 1940 թվականին, Նյու Յորքում: Ծնողները Սիցիլիայից էին եւ շատ վաղ էին ամուսնացել. հայրը՝ 20, մայրը` 17 տարեկանում: Առաջնեկի` Ալֆրեդոյի ծնվելուց հետո նրանք բաժանվում են, հետագայում անհաջող փորձեր անելով միանալու: Ալ Պաչինոն սիրով ու երախտագիտությամբ է հիշում մորը. «Իմ ծնողները բաժանվեցին, երբ ես շատ փոքր էի, մենք մորս հետ գնացինք պապիս ու տատիս մոտ: Մենք այնքան աղքատ էինք, որ հազիվ էինք ծայրը ծայրին հասցնում»: Աղքատության այդ տարիներին մի գրոշն անգամ թանկ էր աղքատ ընտանիքի համար, այսօր արդեն միլիոնատեր դարձած դերասանը հիշում է. «Իմ մեծ տատիկը երբեմն ինձ արծաթյա դոլար էր տալիս, նա միշտ քնքուշ էր վարվում: Երբ նա ինձ տալիս էր փողը, ամբողջ ընտանիքը բացականչում էր՝ ոչ, ոչ, ոչ: Մի տուր նրան արծաթյա դոլար: Եվ ես ինձ մեղավոր էի զգում, որ վերցրել եմ այն»: Ալ Պաչինոյի մայրը, ճիշտ է, աշխատում էր, սակայն միշտ ժամանակ գտնում էր որդու համար. «Ինչ նոր ֆիլմ էլ լիներ, մայրս ինձ տանում էր դիտելու: Հաջորդ օրը նա գնում էր աշխատանքի, ես սկզբից մինչեւ վերջ միայնակ խաղում էի տեսածս ֆիլմը»: Ալ Պաչինոն երախտագիտությամբ է հիշում մորը նաեւ այն բանի համար, որ ետ է պահել իրեն փողոցային կյանքից. «Ընկերներս գալիս էին, ինձ կանչում էին փողոց խաղալու, մայրս դուռը փակում ու դուրս չէր թողնում, ես կռվում էի, հանդիմանում… սակայն գիտե՞ք, թե ինչ ստացվեց. այսօր արդեն այդ տղաները չկան: Նրանք մահացել են` ընկնելով հանցագործ կյանքի մեջ»: Ալ Պաչինոյի մայրը մահանում է արյան քաղցկեղից, երբ նա ընդամենը 22 տարեկան էր, նույն տարում մահանում է նաեւ մորական պապը, ում հետ Ալը շատ կապված էր: Վշտից նա իրեն ամբողջովին նվիրում է աշխատանքին:   `hraparak.   Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝     
Բրեդ Փիթն այսուհետ կահույք կթողարկի

  Հոդիվուդյան աստղ, սերունդների կուռք Բրեդ Փիթն այսուհետ կահույք կթողարկի։ Դերասանը հոգնել է կինեմատոգրաֆից եւ որոշել է իր կյանքում նորամուծություն մտցնել, ինչն էլ հանգեցրել է 12 առարկայից բաղկացած կահույքի գաղափարին։ Գծագրերը դերասանինն են, Փիթի հեղինակային կահույքը նուրբ գունային գամայի մեջ է. փղոսկրե գույնի եւ ոսկեզօծ երանգների համադրություն։  Դիզայնի մեջ օգտագործված են թեթեւ կառույցներ եւ մեծ քանակությամբ ապակի։  Փիթի նոր գործընկեր կլինի Ֆրանկո Պոլարոն, իսկ հավաքածուն կստանա «Փիթ-Պոլարո» անվանումը։ Ննջարանային կահույք, բազմոցներ, սեղանիկներ ու աթոռներ, բազկաթոռներ՝ հոլիվուդյան առասպելից։ Այս ամենն իրականություն կդառնան։ Ինչպես հաղորդում է Newsday.- ը, Բրեդը մատիտը ձեռքն էր առել դեռեւս 90-ականներին։ «Ես թղթին էի հանձնում գաղափարներ, ուրվանկարներ էի անում, ոգեւորվելով Չարլզ Ռենի Մաքինթոշի եւ Ֆրենկ Լլոյդ Ռայթի աշխատանքներով, - ասում է դերասանը։ - Բաց թողնելով ֆրանսերենի դասերը, գրադարանում գտել էի վարպետների աշխատանքներն ու ժամերով նկարում էի։ Դա ընդմիշտ փոխեց իմ կյանքը»։   `   Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝     
Հայ բռնցքամարտիկը հնարավոր է լուցկիների միջոցով գրանցվի գինեսի գրքում.

      Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝  
Ամենաարտասովոր հավաքածուները

    Աշխարհում բազմաթիվ մարդիկ կան, ովքեր անսովոր իրերի հավաքածուներ ունեն: Նույնիսկ միջազգային մամուլում կազմվել էր արտասովոր հավաքածուների թոփ-տասնյակը: Այդպիսի հավաքածուների տերերից է, օրինակ, Դիմիտրիս Պիստոլաս Աֆինսը, ով աշխարհում կինոտեսախցիկների ամենամեծ հավաքածուն ունի` թվով 937 հին մոդել:   2003 թվականից սկսած չինացի կոլեկցիոներ Վանգ Գուոհուան ծխախոտների տուփեր է հավաքում: Նա արդեն ունի ավելի քան 100 արտադրողների 30.000 ծխախոտների տուփեր:       21-ամյա Լայզա Քորթնին իր 12.113 կտորից բաղկացած Pokemon-ների հավաքածուով 2010թ. Գինեսի ռեկորդակիր է դարձել:   Գերմանացի ֆերմեր Հենրի Կատը 1997 թվականից սկսած գարեջրի բաժակներ է հավաքում: Նա ունի մոտ 20.000 բաժակ:   Իսկ Ռոն Հուդը հավաքում է PEZ կոնֆետներ: Նա ունի ավելի քանի 3000 կոնֆետ-խաղալիքներ: Վալլի Համմերը ռետինե՝ թվով 2470 բադիկների հավաքածու ունի:   Պեմ Բարկերը 18.000 բու-խաղալիքներ է հավաքել: Ռոն Թիլերը բրելոկներ է հավաքում: Շերոն Բեդգլին թվով 6000 տիկնիկ Սանտա Կլաուսներ է հավաքել:   Այսպիսի մարդիկ կան նաև Հայաստանում: Օրինակ` Արսեն Եղիազարյանը մանկուց հետաքրքրվել է նամականիշերով. «Նամականիշեր մորեղբայրս էր հավաքում և ամեն անգամ նրա տուն գնալուց, բացում և նայում էի նրա հավաքածուն: Հետո որոշեցի սեփական հավաքածուն ունենալ: Հայաստանում նամականիշեր հավաքելն այնքան էլ տարածված չէ»: Նա դժվարանում է ասել` կդադարի՞ հավաքել նամականիշեր, թե՞ ոչ, բայց նույնիսկ դադարեցնելու դեպքում, նա վստահ է, որ դրանք ոչ մի դեպքում չի վաճառի:   Մարիաննա Աճեմյանը մոտ 250 հատ տարբեր երկրներից բերված գրիչներ ունի` ԱՄՆց, Եգիպտոսից, Սոչիից և այլ տեղերից: Նա գրիչներ սկսել է հավաքել դպրոցական տարիներից, երբ ծնողները ԱՄՆց հետաքրքիր գրիչներ էին բերում: «Դա 1996-1997 թվականներն էին: Ինձ դուր էր գալիս այն, որ ես տարբերվում էի դպրոցական իմ ընկերներից. նրանց գրիչները միանման էին»,- պատմեց Մարիաննան:   Դպրոցական տարիներին նա սիրում էր մի քանի հատ գրիչ դպրոց տանել: Նա և իր գրիչները դասարանցիների կողմից արժանանում էին գովասանքի. «Հետաքրքրություն կար նաև ինստիտուտի տարիներին: Անգամ եղբայրս, երբ զինծառայության մեջ էր, ինձ բանակից գրիչ էր նվեր ուղարկել: Հետո, ցավոք, այդ գրիչս գողացան: Երևի դա էր պատճառը, որ մեջս մի տեսակ դատարկությամբ լցվեց: Բացի դրանից` գրիչ հավաքողները շատացան, իսկ ես չեմ սիրում, երբ մի բան եմ անում, սկսում են բոլորն անել: Ժամանակները փոխվեցին, հետաքրքրություններս նույնպես»:   Գրիչների մեծ հավաքածու ունի նաև Սեգ Կիրակոսյանը: Նա սկսել է գրիչներ հավաքել 2004 թվականից. «Տանը հին ժամանակներից մնացած մի քանի գրիչ կար. շատ էի սիրում, բայց հին էին` չգրող ու մոռացված էին: Անգլիայից ընկերներիցս մեկն այդ ժամանակ ուղարկեց Աֆրիկայի բնական փայտից պատրաստած գրիչ: Հավանաբար այդ գրիչը պատճառ հանդիսացավ, որ միացնեմ մեր տան մի քանի հին գրիչներին ու դարձնեմ հավաքածու»,- ասաց Սեգը:   Սկզբում նա հավաքում էր ամեն ինչ, բացի, ինչպես ինքն է ասում` «ճտիկով գրիչից»: «Շուրջ 2 տարի անց հասկացա, որ եթե գրիչի խանութ բացեմ ու ունեցածս գրիչները 20 դրամով վաճառեմ`առանձնապես չեմ տխրի: Քանակը շատ էր, ու կարող էի արդեն աշխատել որակի վրա: Բաժանեցի նրանց 3 խմբի` «արտասովոր տեսքով, բայց շատ տարածված», «խորհրդանիշեր» ու «ձեռագործ»: Վերջինը հատկապես կարևորում եմ, որովհետև հավաքածուի արժեքը հենց նրանք են որոշում, իսկ գործարանում արտադրվածները ով էլ ուզի՝ կունենա: Արժեք ասելով, իհարկե, նկատի չունեմ փողը:   Օրինակ, մի ձեռագործ գրիչ ունեմ, որը պատրաստել է Արցախյան կռվում զոհված ազատամարտիկը: Որդին կուրսեցիս էր ու շատ երկար մտածելուց հետո որոշեց գրիչը նվիրել ինձ: Մի գրիչն էլ պատրաստել է ինչ-որ բանտարկյալ`1960-ականներին: Մանրամասները չգիտեմ, բայց շատ բարդ աշխատանք է, զարմանում եմ, թե ոնց են կալանավայրում ձեռքով նման բան պատրաստել»,- պատմեց Սեգը: Նա ասում է` եթե որևէ տարածքում դրանք ցուցադրելու հնարավորություն ունենա և կարողանան ապահովել գրիչների անվտանգությունը, ապա սիրով դրանք կցուցադրի. «Տանը դրած` շատ մարդ չի տեսնում»:   Մեր մյուս զրուցակիցը`Ռիտա Ղազարյանը, անձեռոցիկների մեծ հավաքածու ունի, որոնց թիվն անցնում է 200-ը. «Անձեռոցիկներ սկսել եմ հավաքել ութ տարեկանից; Քույրս հավաքում էր: Նրա հավաքածուից մի քանի անձեռոցիկներ հավանեցի, նա նվիրեց ինձ, և հենց դրանք էլ եղան իմ առաջին անձեռոցիկները: Ընկերներս և ծանոթներս արդեն տեղեկացված են, որ ես ունեմ նման հոբբի, ու ամեն առիթին նվիրում են: Նույնիսկ դասախոսներս գիտեն, որ սիրում եմ անձեռոցիկներ հավաքել, և մի անգամ էլ նրանցից մեկը Իսպանիայից բերված մի շատ գեղեցիկ անձեռոցիկ նվիրեց: Փոքր ժամանակ մտածում էի` այնքան հավաքեմ, որ հարսանիքիս բոլոր հյուրերին բաժին հասնի, իսկ հիմա արդեն սովորություն է դարձել և չեմ կարողանում հրաժարվել դրանից»:   Ռիտան ունի նաև գրիչների և պատկերազարդ մագնիսների հավաքածու:   Դժվար է ասել, թե ինչն է մարդկանց դրդում տարիներ շարունակ հավաքել ինչ-որ իրերի հավաքածուներ` տվյալ առարկայի նկատմամբ սե՞րը, կապվածությու՞նը, թե՞ շրջապատի մարդկանցից տարբերվելու ցանկությունը: Ամեն դեպքում հետաքրքիր է, որ կան այսպիսի մարդիկ, ովքեր տարիներ շարունակ նվիրվում են այս գործին և հավաքում են հետաքրքիր առարկաների հավաքածուներ:   ՝ 168.   Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝    
Би-2 ԽՈՒՄԲԸ ԵՎ ՍԻՄՖՈՆԻԿ ՆՎԱԳԱԽՈՒՄԲԸ ՑՆՑԵԼ Է ԿԻԵՎԸ

  Би-2 ռոք խումբը, ինչպես նաև սիմֆոնիկ նվագախումբը ցնցող համերգ է ներկայացրել Ուկրաինայի պալատում: Ռոքերները դաշինք են կնքել դիրիժոր Ֆելիքս Արանովսկայի հետ: Այդ արտասովոր համագործակցությունը սկզբում ներկայացել է փոքրիկ համերգներով, սակայն անհավանական հաջողությունը իր հետ բերել է լայնածավալ համերգային շրջագայություններ: Թվում է, թե լիրիկական ստեղծագործությունները խմբին սկսել է շատ ավելի դուր գալ, նվագախումբը հասցրել է շեշտել պաշտամուքային առարկաների էմոցիոնալ պահերը, ինչպիսիք են` "Мой рок-н-ролл", "Реки любви" և "Серобро": Կիևում ռոք խումբը ներկայացավ նորացված շոու ծրագրով: Առանձնահատուկ ուշադրության է արժանացել ստեղծագործական վիդեոշարերը, որոնք հայտնվել են ելույթի ժամանակ: Առանց որևէ պատճառի, ճապոնական և բրիտանական վարպետները Ելենա Պանովայի ղեկավարության ներքո, շատ էին աշխատել, որպեսզի համերգը առանց խնդիրների կայանա: Դահլիճում ազատ տեղեր չէր մնացել, նոր շոու համերգը ուրախացրել է շատ երկրպագուների:   Նյութը պատրաստեց` Արևիկ Ավետիսյանը
Երբեք մի հանձնվեք.

      Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝  
; : :