Добавить объявление
;;
;;
Раздел:Услуги / Медиа / Дизайн
Тип:Продам, предлагаю

3Dmax ծրագրով աշխատանք

Կատարում եմ 3Dmax ծրագրով ցանկացած աշխատանք: 091960858

Город: Ереван
Цена: договорная
Телефон: 091960858, 010420556
Срок подачи: 15-11-2012
Актуальное предложение
Просмотров: 1943
Откликов: 0
Пожаловаться на объявление
Причина жалобы:*
Введите код на картинке* Введите код на картинке
 

twitter.com
Похожие объявления
 
 
 
 
Тротуарная плитка, садовый бордюр  и многое другое – от профессионалов
;|
Бесплатная торговая площадка Армении
ՋԵՍԻԿԱ ԱԼԲԱՆ ԱՅՑԵԼԵԼ Է ԲԻԶՆԵՍ ԿԵՆՏՐՈՆ

Օգոստոսի 16ն բավականին օֆիցիալ հագնված դերասանուհի Ջեսիկա Ալբան այցելել է Բևեռլի Հիլզի գրասենյակային կետրոններից մեկը: Դերասանուհին հագել էր նեղ ջինսե տաբատ` պատված աստղիկներով, սև վերնազգեստ, կապույտ բաճկոն, իսկ այս ամենն ավելի էր ընդգծել սև բարձրակրունկ կիսակոշիկներով, սև պայուսակով և կարմիր երիզված ակնոցներով: Սա առաջին դեպքը չէր, որ Ջեսիկան այցելում էր այդ գրասենյակը: Օգոստոսի 2ն նա կրկին այցելել էր նույն բիզնես կենտրոնը: Այս անգամ նա այնքան էր շտապել, որ սեփական մեքենան կանգնեցրել էր ուղիղ պապարացիների աչքի առջև  և արագ քայլերով շտապել էր մտնել գրասենյակ: Նա կրկին նեղ ջինսե տաբատով էր, սպիտակ վերնաշապիկով և բաց նարնջագույն բաճկոնով, իսկ համալրումն այս ամենի նա կրում էր բարձրակրունկ կիսակոշիկներ և սպիտակ պայուսակ, որը աչքի էր զարնում մուգ կապույտ և մանուշակագույն ծաղիկներով: Ջեսիկան միշտ իր խառնվածքով և յուրօրինակ հագուկապով գտնվում է համակիրների և անշուշտ լրագրողների ուշադրության կենտրոնում:   Նյութը պատրաստեց`Մարգարիտ Ավետիսյանը  
“ՀԱՃՈՒՅՔԻ ՑԱՎԻՑ” ԷՐԻԿԱՆ ՃՉԱՑԵԼ,ԳՈՌԱՑԵԼ ՈՒ ՆՈՒՅՆԻՍԿ ԵՐԳԵԼ Է

  Երգչուհի Էրիկան այս անգամ իր աջ ոտքին է դաջվածք արել` կարմիր ծաղիկներ: Հիշեցնենք, որ նա դաջվածք ուներ նաև ձախ ոտքին, որտեղ “երաժշտական” թռչուն է պատկերված: Այս անգամ երգչուհին ընտրել է այն հատվածը, որն ավելի ցավոտ է դաջվածքի համար և այդ իսկ պատճառով մասնագետը 3 ժամ տանջվել է: Իսկ այդ ամբողջ գործընթացի ժամանակ Էրիկան ցավից ճչում, գոռում և երգում է: Դերասանուհին նույնիսկ ռեպորտաժ է պատրաստել “դեպքի վայրից”: Այդ հարցում նրան օգնել են իր մտերիմ ընկերները, ովքեր եկել էին դաջվածքի սրահ, որպեսզի երգչուհուն ցուցաբերեն բարոյական աջակցություն: Նշենք նաև, որ հոլովակում երգչուհին բացարձակապես դիմահարդարված չէ: “Սկզբում կլինի շատ ցավոտ, իսկ հետո շատ գեղեցիկ”,- հոլովակում ցածրաձայն ասում է Էրիկան: Երգչուհին լրագրողներին տեղեկացրել է, որ կրկին դաջվածք անելու ցանկությունը ստացվել է ինքնաբուխ, և գործը վաղվան չի թողել: Իսկ նշանակությունները իր դաջվածքների` երգչուհին չի բացահայտում: Չմոռանանք նշել նաև, որ երգչուհին այդ ցավոտ  գործողություններից հետո, ոչ թե գնացել է տուն հանգստանալու, այլ` աշխատանքի: ”Հաջորդ օրն էլ արյունահոսող և փքված ոտքով  բարձրացել եմ բարձրահարկ շենքերի տանիքներ` նոր լուսանկարների համար”-խոստովանել է Էրիկան:   Նյութը պատրաստեց` Արևիկ Ավետիսյանը
Ֆլորա Մարտիրոսյանի ամուսինը գտնվում է բժիշկների հսկողության տակ

  Սիրված երգչուհի Ֆլորա Մարտիրոսյանի ամուսնու` Հրահատ Գևորգյանի առողջական վիճակը վատացել է: ''Երբ տիկին Ֆլորան ու ամուսինը Երևանում էին բնակվում, ամուսինը շնչառական խնդիրներ ուներ, հետո մեկնեցին ԱՄՆ, որտեղ նա բուժում էր անցնում, բայց ընթացքում էլի վատ էր լինում: Հիմա` Ֆլորայի մահվանից հետո, այդ խնդիրները սրվել են ու նա գտնվում է բժիշկների հսկողության տակ'',- ասաց բարեկամուհին: Ինչ վերաբերում է Ֆլորա Մարտիրոսյանի աճյունը Հայաստան տեղափոխելուն, ապա նրա խոսքով, դա տեղի կունենա մինչև շաբաթվա վերջ:   ՝ mul.   Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝  
ՆԱԽՈՐԴ ՇԱԲԱԹՎԱ ԹՈՓ ՏԱՍՆՅԱԿԻ ԱՄՓՈՓՈՒՄ ԵՎ ԱՅՍ ՇԱԲԱԹՎԱ ԹՈՓ ՏԱՍՆՅԱԿԻ ՁԵՎԱՎՈՐՈՒՄ

  Ինչպես հիշում ենք նախորդ շաբաթվա ԹՈՓ տասնյակը ձևավորվել էր համակարգչի օգնությամբ՝ պատահականության սկզբունքով, իսկ այս շաբաթ այն ձևավորվել է ձեր այցելությունների շնորհիվ: Եվ այսպես, նախորդ շաբաթ ԹԹՓ տասնյակից դուրս են մնացել Վարդան Թադևոսյանը, Արսեն Գրիգորյանը, Բամբիռը և Ջոնի Կարապետյանը: Փոխարենը ասյ շաբաթվա ԹՈՓ տասնյակը համալրվել է Միհրան Ծաուկյանով, որը զբաղեցնում է առաջին հորիզոնականը, Արթուր Պետրոսյան՝ 3-րդ հորիզոնական, Հայկ Չոմոյան՝ 5-րդ հորիզոնական, Հայկ Ղուկասյան՝ 6-րդ հորիզոնական: Նախորդ շաբաթվա համեմատ Ալեքսանդր Բաբասյանը 3-րդ հորիզոնականից տեղափոխվել է 4-րդ հորիզոնական, Վլադիմիր Կոստանյանը 4-րդ հորիզոնականից՝ 9-րդ, Սիլվա Հակոբյանը 5-րդ հորիզոնականից՝ 7-րդ, Անդրանիկ Հարությունյանը 6-րդ հորիզոնակնից՝ 8-րդ, Մագա Մարտիրոսյանը 8-րդ հորիզոնականից՝ 10-րդ հորիզոնական, իսկ Խաչիկ Եղոյանը 7-րդ հորիզոնականից տեղափոխվել է պատվավոր 2-րդ հորիզոնական:  Մի մոռացեք, որ ԹՈՓ տասնյակը ձևավորվում է ձեր այցելությունների շնորհիվ: Մասմնակիցների էջերին կարող եք ծանոթանալ այստեղ՝ ՄԱՍՆԱԿԻՑՆԵՐ
Ամենաարտասովոր հավաքածուները

    Աշխարհում բազմաթիվ մարդիկ կան, ովքեր անսովոր իրերի հավաքածուներ ունեն: Նույնիսկ միջազգային մամուլում կազմվել էր արտասովոր հավաքածուների թոփ-տասնյակը: Այդպիսի հավաքածուների տերերից է, օրինակ, Դիմիտրիս Պիստոլաս Աֆինսը, ով աշխարհում կինոտեսախցիկների ամենամեծ հավաքածուն ունի` թվով 937 հին մոդել:   2003 թվականից սկսած չինացի կոլեկցիոներ Վանգ Գուոհուան ծխախոտների տուփեր է հավաքում: Նա արդեն ունի ավելի քան 100 արտադրողների 30.000 ծխախոտների տուփեր:       21-ամյա Լայզա Քորթնին իր 12.113 կտորից բաղկացած Pokemon-ների հավաքածուով 2010թ. Գինեսի ռեկորդակիր է դարձել:   Գերմանացի ֆերմեր Հենրի Կատը 1997 թվականից սկսած գարեջրի բաժակներ է հավաքում: Նա ունի մոտ 20.000 բաժակ:   Իսկ Ռոն Հուդը հավաքում է PEZ կոնֆետներ: Նա ունի ավելի քանի 3000 կոնֆետ-խաղալիքներ: Վալլի Համմերը ռետինե՝ թվով 2470 բադիկների հավաքածու ունի:   Պեմ Բարկերը 18.000 բու-խաղալիքներ է հավաքել: Ռոն Թիլերը բրելոկներ է հավաքում: Շերոն Բեդգլին թվով 6000 տիկնիկ Սանտա Կլաուսներ է հավաքել:   Այսպիսի մարդիկ կան նաև Հայաստանում: Օրինակ` Արսեն Եղիազարյանը մանկուց հետաքրքրվել է նամականիշերով. «Նամականիշեր մորեղբայրս էր հավաքում և ամեն անգամ նրա տուն գնալուց, բացում և նայում էի նրա հավաքածուն: Հետո որոշեցի սեփական հավաքածուն ունենալ: Հայաստանում նամականիշեր հավաքելն այնքան էլ տարածված չէ»: Նա դժվարանում է ասել` կդադարի՞ հավաքել նամականիշեր, թե՞ ոչ, բայց նույնիսկ դադարեցնելու դեպքում, նա վստահ է, որ դրանք ոչ մի դեպքում չի վաճառի:   Մարիաննա Աճեմյանը մոտ 250 հատ տարբեր երկրներից բերված գրիչներ ունի` ԱՄՆց, Եգիպտոսից, Սոչիից և այլ տեղերից: Նա գրիչներ սկսել է հավաքել դպրոցական տարիներից, երբ ծնողները ԱՄՆց հետաքրքիր գրիչներ էին բերում: «Դա 1996-1997 թվականներն էին: Ինձ դուր էր գալիս այն, որ ես տարբերվում էի դպրոցական իմ ընկերներից. նրանց գրիչները միանման էին»,- պատմեց Մարիաննան:   Դպրոցական տարիներին նա սիրում էր մի քանի հատ գրիչ դպրոց տանել: Նա և իր գրիչները դասարանցիների կողմից արժանանում էին գովասանքի. «Հետաքրքրություն կար նաև ինստիտուտի տարիներին: Անգամ եղբայրս, երբ զինծառայության մեջ էր, ինձ բանակից գրիչ էր նվեր ուղարկել: Հետո, ցավոք, այդ գրիչս գողացան: Երևի դա էր պատճառը, որ մեջս մի տեսակ դատարկությամբ լցվեց: Բացի դրանից` գրիչ հավաքողները շատացան, իսկ ես չեմ սիրում, երբ մի բան եմ անում, սկսում են բոլորն անել: Ժամանակները փոխվեցին, հետաքրքրություններս նույնպես»:   Գրիչների մեծ հավաքածու ունի նաև Սեգ Կիրակոսյանը: Նա սկսել է գրիչներ հավաքել 2004 թվականից. «Տանը հին ժամանակներից մնացած մի քանի գրիչ կար. շատ էի սիրում, բայց հին էին` չգրող ու մոռացված էին: Անգլիայից ընկերներիցս մեկն այդ ժամանակ ուղարկեց Աֆրիկայի բնական փայտից պատրաստած գրիչ: Հավանաբար այդ գրիչը պատճառ հանդիսացավ, որ միացնեմ մեր տան մի քանի հին գրիչներին ու դարձնեմ հավաքածու»,- ասաց Սեգը:   Սկզբում նա հավաքում էր ամեն ինչ, բացի, ինչպես ինքն է ասում` «ճտիկով գրիչից»: «Շուրջ 2 տարի անց հասկացա, որ եթե գրիչի խանութ բացեմ ու ունեցածս գրիչները 20 դրամով վաճառեմ`առանձնապես չեմ տխրի: Քանակը շատ էր, ու կարող էի արդեն աշխատել որակի վրա: Բաժանեցի նրանց 3 խմբի` «արտասովոր տեսքով, բայց շատ տարածված», «խորհրդանիշեր» ու «ձեռագործ»: Վերջինը հատկապես կարևորում եմ, որովհետև հավաքածուի արժեքը հենց նրանք են որոշում, իսկ գործարանում արտադրվածները ով էլ ուզի՝ կունենա: Արժեք ասելով, իհարկե, նկատի չունեմ փողը:   Օրինակ, մի ձեռագործ գրիչ ունեմ, որը պատրաստել է Արցախյան կռվում զոհված ազատամարտիկը: Որդին կուրսեցիս էր ու շատ երկար մտածելուց հետո որոշեց գրիչը նվիրել ինձ: Մի գրիչն էլ պատրաստել է ինչ-որ բանտարկյալ`1960-ականներին: Մանրամասները չգիտեմ, բայց շատ բարդ աշխատանք է, զարմանում եմ, թե ոնց են կալանավայրում ձեռքով նման բան պատրաստել»,- պատմեց Սեգը: Նա ասում է` եթե որևէ տարածքում դրանք ցուցադրելու հնարավորություն ունենա և կարողանան ապահովել գրիչների անվտանգությունը, ապա սիրով դրանք կցուցադրի. «Տանը դրած` շատ մարդ չի տեսնում»:   Մեր մյուս զրուցակիցը`Ռիտա Ղազարյանը, անձեռոցիկների մեծ հավաքածու ունի, որոնց թիվն անցնում է 200-ը. «Անձեռոցիկներ սկսել եմ հավաքել ութ տարեկանից; Քույրս հավաքում էր: Նրա հավաքածուից մի քանի անձեռոցիկներ հավանեցի, նա նվիրեց ինձ, և հենց դրանք էլ եղան իմ առաջին անձեռոցիկները: Ընկերներս և ծանոթներս արդեն տեղեկացված են, որ ես ունեմ նման հոբբի, ու ամեն առիթին նվիրում են: Նույնիսկ դասախոսներս գիտեն, որ սիրում եմ անձեռոցիկներ հավաքել, և մի անգամ էլ նրանցից մեկը Իսպանիայից բերված մի շատ գեղեցիկ անձեռոցիկ նվիրեց: Փոքր ժամանակ մտածում էի` այնքան հավաքեմ, որ հարսանիքիս բոլոր հյուրերին բաժին հասնի, իսկ հիմա արդեն սովորություն է դարձել և չեմ կարողանում հրաժարվել դրանից»:   Ռիտան ունի նաև գրիչների և պատկերազարդ մագնիսների հավաքածու:   Դժվար է ասել, թե ինչն է մարդկանց դրդում տարիներ շարունակ հավաքել ինչ-որ իրերի հավաքածուներ` տվյալ առարկայի նկատմամբ սե՞րը, կապվածությու՞նը, թե՞ շրջապատի մարդկանցից տարբերվելու ցանկությունը: Ամեն դեպքում հետաքրքիր է, որ կան այսպիսի մարդիկ, ովքեր տարիներ շարունակ նվիրվում են այս գործին և հավաքում են հետաքրքիր առարկաների հավաքածուներ:   ՝ 168.   Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝    
ՄԱՆԿԱԿԱՆ ՆՈՐ ԱԼԻՔ 2012

  Ինչպես հայտնի է, այս տարի Մանկական Նոր Ալիք մրցույթում Հայաստանը կներկայացնեն միանգամից երկու մասնակից` Սոնա Գյուլխասյանը և Արինա Մալխասյանը: Աղջիկները Դո-Ռե-Մի մանկական երգչախմբի սաներն են: Նախօրոք ընտրված 8ց 10 երգերից ժյուրին ընտրել է երկուական երգեր, որոնք կներկայացվեն  մրցույթում: Սոնա Գյուլխասյանը կկատարի «Listen» և «Կարոտ» երգերը, իսկ Արինա Մալխասյանը` «Լուսնյակ գիշեր» և «Շոկոլադ» երգերը»: Այսօր տեղի կունենա վիճակահանություն, որն էլ կպարզի, թե որ համարների ներքո են հանդես գալու մեր մասնակիցները: Իսկ մինչ այդ, «Персона» իմիջ-գործակալության մասնագետները արդեն իսկ ձևավորել են Սոնայի բեմական կերպարը: Տեսանյութ Տեսանյութ     Նյութը պատրատեց` Գոհար Հակոբջանյանը
Քիմի եւ Քանյեի համբույրը. Ֆոտո

  Հայկական արմատներով բարձրաշխարհիկ կին Քիմ Քարդաշյանի եւ նրա զուգընկեր ռեպեր Քանյե Ուեսթի լուսանկարները հայտնվել են համացանցում։ Սիրեցյալի հետ վերջին հանդիպումներից մեկին Քիմը գնացել է կրտսեր քույրերի՝ Քլոեի, Քայլիի եւ Քենդալի հետ։ Ընտանիքը որոշել էր ճաշել Բեւերլի Հիլզի ռեստորաններից մեկում։ E!Online - ը հայտնում է, որ սեւ փայլուն անդրավարտիքով ռեպերին եւ ալ կարմիր քիփ կիսաշրջազգեստով աստղին բոլորովին չի հուզում, որ կողքին մարդիկ կան։ Ընտանեկան ճաշի ժամանակ գողտրիկ անկյունում արված համբույրը չի վրիպել հայնրության աչքից։ Հետաքրքիր է, որ արտասահմանյան ԶԼՄ-ներն այնքան սովոր են զույգին միասին տեսնել, որ նրանց կնքել են Քիմյե մականունով։   `   Եթե ցանկանում եք ծանոթանալ -ի մյուս բոլոր նորություններին, ապա միացեք մեր ֆեյսբուքյան էջին՝     
130 ԲՈՂՈՔ ՈՒՂՂՎԱԾ ՄԱԴՈՆՆԱՅԻ ՄԵՆԱՀԱՄԵՐԳԻ ԴԵՄ

Օգոստոսի 9ն կայացած Մադոննայի համերգի դեմ 130  բողոք է ընդունվել Պետերբուրգի դատախազություն: Բոլոր բողոքները ոստիկանություն են ներկայացվել ստուգման նպատակով: Հիշեցնենք, որ Մադոննայի համերգը տեղի է ունեցել սույն թվականի օգոստոսի 9ն «Պետերբուրգյան» սպորտային համալիրում: Ըստ համերգին ներկա գտնվողների նկարագրությունների` Մադոննան հանդիսատեսին կանգնել է մեջքով, որի վրա գրված է եղել «վախ չկա» տարօրինակ արտահայտությունը, իչպես նաև համերգի մասնակիցներին վարդագույն թևնոցներ են տրվել: Համերգի սկզբում երգչուհին հանդիսատեսին խնդրել է բարձրացնել ձեռքերը` ցուցադրելով վարդագույն թևնոցները, որոնք խորհրդանշում էին սեռական փոքրամասնությունների պաշտպանությունը: Իրավապահ մարմինները ցանկանում են ստուգումների միջոցով համապատասխան հետևություններ անել: Նշենք, որ հայցադիմումների մեծամասնությունը նեկայացված էր «Ծնողական հսկողության վարչության» և «Նոր հզոր Ռուսաստան» կուսակցության կողմից: Բազում հասարակական կազմակերպություններ և միություններ դիմել են դատարան` պահանջելով Մադոննայից 333 մլն ռուբլի` որպես հոգեբանական վնասի փոխհատուցում: Հիշեցնենք, որ սույն թվականի մարտին հյուսիսային հատված մուտք գործեց նոր օրենք, որը լիովին սահմանափակում է տարատեսակ սեռական փոքրամասնությունների պրոպագանդումը, իսկ օրինազանցության պատճառով սահմանվում է 5000 ռուբլի քաղաքացիների, 50.000 ռուբլի պաշտոնատար անձանց և 250ց 500 հազար ռուբլի տուգանք իրավաբանական անձանց դեպքում:   Նյութը պատրաստեց` Մարգարիտ Ավետիսյանը